2е Коринфянам 5:15 - Новый Завет на эскимосском языке

¹⁵ Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

2е Коринфянам 5:15 Iomraidhean Croise

От Луки 1:74

Акықӣлъю югулилъықнилюта аңуямнъың, ынка̄м қыпҳа̄лъықаҳпут алиңыхпына̄мта аңуямнъың,

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

От Иоанна 6:57

Атам уңувастикаюгым каяхтыкақа̄ңа, хўаңалъю уңувастақа̄ңа. Ынка̄м китум алңунак ныӷыхкумиңа уңувалъықуқ хўаңа апалъюқлъюңа.

К Римлянам 12:1

Ухпықа̄лгутымни, Кияӷнық наңлъыхтапихтутаңаның, ынңа̄талъ кайымамси тӯнысқылъюки югусиси Кияӷныӷмун уңувалӷӣңулюки аҳтутыт. Пылюңилъит, тугуклъиӷьюгнаӷлитлъю Кияӷныӷмун. Та̄наңӯқ манигӯтылъыпихси.

К Римлянам 4:25

Кияӷныӷым тӯныхкақа̄ Иисус туқуматкысқылъюки сыӷлыҳқылъыпут, уңуваҳтыкақа̄лъю налъҳусяӷналюта ылъқуӷутңалъыӷминун.

К Римлянам 6:2

Нака̄! Қаюҳлъяк туқукастун аюқукут, ынка̄м туқука̄кумта натын сыӷлыҳқумаңинаӷнақыста?

К Римлянам 6:6

Лӣсимакаҳпут хўаңкутылъюгуялӷӣт қақӯра̄тка̄гут Христосыкун иглықатақнанӣсқылъюта сыӷлыҳқылъҳым аҳтуӷьяҳқа̄нӷилъҳанун, қыпҳаҳтыля̄ӷунаниӷналюталъю сыӷлыҳқылъыӷмун.

К Римлянам 8:10

Югусиси туқунақңӯт апалъюқлъюки сыӷлыҳқылъыси. Иўырңа Христос кияҳтыңукан илюхпысини, та̄ўа Таӷныӷам уңувалъылилъықӣси, қаюҳлъяк Христосым налъҳусяҳтыстыкақӣси Кияӷныӷым ылъқуӷутңалъҳанун.

К Римлянам 8:2

Қаюҳлъяк Лӣлиҳтӯся̄н Таӷныӷам уңувалъылитилӷӣм Христос Иисусыкун итымуткақа̄ңа лӣлиҳтӯся̄ның сыӷлыҳқылъҳымлъю туқулъҳымлъю.

К Римлянам 8:6

Умьюгапут малиҳқутақыхката югусимта пиюкылъҳанун, туқулъықукут. Иўырңа умьюгапут малиҳқутақыхката Таӷныӷагнун, Кияӷныӷым уңувалъылилъықӣлъю, ныкыхмылъылилъықӣлъю.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

2е Коринфянам 12:10

Та̄на апалъюқлъюку қуя̄қуңа кая̄лъиқңанымни, сыӷлықӯлъыңнымни, пияқлъӣнымни, амью̄ткылъыңнымни, алъя̄ҳӣнаӷмыңлъю сыӷлылӣнымни Христос апалъюқлъюку. Қаюҳлъяк кая̄лъиқңанымни та̄ўа икнақақуңа.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 5:16

Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

К Галатам 5:25

Кияҳтыңъукумта Таӷныӷагныкун, қа̄ткылътыкык Таӷныӷак.

К Ефесянам 4:17

Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут,

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

К Колоссянам 3:1

Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым.

К Колоссянам 3:17

Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.

К Колоссянам 3:23

Сялъыҳпысини тамаҳа̄ни қыпҳаӷақитык пинақылъҳаҳси қамахтӣлюку қыпҳа̄тыпихлъыҳӣстун Атанық, нака̄н югнун.

1е Фессалоникийцам 5:10

Иисусым туқуматкыхкақӣлъю лъминитысқылъюта уңуваяӷңа̄мта, туқука̄яӷңа̄мта тагикуми.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

1е Петра 4:6

Тама̄кын апалъюқлъюку Пинилӷӣт Уңипат уңипақыхка̄гут талўа туқуканун. Тама̄кут нанқихтыка̄гут уңуваңулютың нунами хўани. Иўырңа Пинилӷӣт Уңипат уңипақыхка̄гут лъңитнун, ынка̄м таӷныӷӣт кияҳсяҳқа̄ҳлъықут катам Кияӷныӷым кияҳтылъҳатун.

1е Иоанна 4:9

Кияӷныӷым каяхтыкақа̄ та̄наңинаҳақ Иӷныни нунамун, уңувалъыңысқылъюта лъңакун. Таўатын пилъыӷмикун Кияӷныӷым кылгуткақа̄ пиниқылъыни хўаңкунъун.

Откровение 1:18

Уңувалӷӣңӯңа! Туқука̄яҳтуңа, иўырңа ӣи, уңуваңӯңа қӯнпырухлъяк кынлыңуна̄н. Қипыталгӯңа Туқулъыӷмыңлъю, Адымыңлъю.