2е Коринфянам 5:1 - Новый Завет на эскимосском языке

¹ Хўани нунами укут югусипут кияҳфипут хижинастун аюқут. Лӣсимакаҳпут югусипут туқуката Кияӷнық мыңтыӷалгӯқ қилягми хўаңкунъун кияҳфихкамың. Кияӷныӷым улимакақа̄ мыңтыӷақ, югым улима̄қынӷита̄. Та̄на мыңтыӷақ қӯнпыкаҳқа̄гуқ.

2е Коринфянам 5:1 Iomraidhean Croise

От Марка 14:58

«Нагаткақаҳпут хўатын пилӷӣ: “Уна Храм югыт улима̄ӷат на̄фқылъықақа. Ынка̄м пиңают аӷныӷыт атуӷлюки алъяның ныкыфтилъықуңа югым улима̄қынӷилъкаңаның!”»

Деяния 7:48

Иўырңа Кияӷныҳлъяк кияҳсигатуқ мыңтыӷани югыт улима̄ӷитни. Хўатын Атанық пика̄гуқ ӯкналиқистым игақылъҳани:

1е Коринфянам 3:9

Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.

2е Коринфянам 4:7

Иўырңа хўаңкунъун Кияӷныӷым канаҳтыкақа̄ та̄на ниӷук кӯкхутысқылъюку илюмнъи. Хўаңкута қикустун қантаҳқастун аюқукут, ынка̄м тамаңан лӣгикылъықа̄т аҳтуӷьяҳқа̄нӷитыҳлъяк Кияӷныҳта̄нилюку, хўаңкунъың пиңунӷинъилюку.

2е Коринфянам 5:4

Югусипут хижинастун аюқут. Хижинамылъюта ңилъыхтақукутлъю, сыӷлылӣҳтукутлъю қаюҳлъяк матаҳсюгигалъкыпут. Итупилъ симиӷьюгақапут югусинун туқуңигалңуӷнун.

К Колоссянам 2:11

Илятңалъыҳпысигун Христосымун обрезанияка̄гуси. Обрезаниялъыҳси югыт пистылъҳита̄т, иўырңа Христосым пистыкақа̄. Ынка̄м итымуткақӣси аҳтуӷьяҳқа̄нӷилъҳаның югусиҳпыси сыӷлыҳқыңъалӷӣт пиюкылъҳитның.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

К Евреям 11:10

Авраам таўатын пика̄гуқ қаюҳлъяк утақӣңулӷӣ кияҳналюни ныҳлъягми тунымаҳтуқами. Кияӷныӷӯқ успықистыңалъю, улимаӷистыңалъю ныҳлъягым.

К Евреям 9:11

Христос тагӣқңами Первосвященнигуңулюни, тагиткақӣ қамахлъюки пинилӷӣт қуястилъҳыт хўа̄ ма̄тын хўа̄нлыңӯт. Ӣтқақа̄ скиния қилягмылңуқ, мыгнунаӷатаӷалӷӣлъю пиниӷатаӷалӷӣлъю нунамылңуӷмың скиниямың. Қилягмылңуқ скиния югыт улима̄қынӷита̄т ынка̄м нунам пикынӷита̄.

К Евреям 9:24

Христос ӣтҳумаңитуқ Аглыӷналъыҳпигаӷмун Нымун югыт улима̄ӷитнун. Та̄на ипапихтун қилягмылңуҳтун аюқуқ. Йыӷлыги қилягмун ӣтқа̄гуқ ынка̄м ма̄тын Кияӷныӷмытуқ Первосвященнигаңулюни хўаңкунъун.

1е Петра 1:4

Ынка̄м утақаңўа̄пут пилӣсяҳқапут қуястылъыҳлъягыт Кияӷныӷым афлъыңакыхкаңи югминун. Афлъыңакңўӣ қилягми лъпысинун ынка̄м аӷуна̄нӷитут, на̄вна̄нӷитут, ӷывна̄нӷитутлъю.

2е Петра 3:11

Қамахлъютың тама̄кут уӷугьяҳқа̄таңитның, лъпыси югни натылъыкыстык? Кияҳта̄лъыси пылюңилъит, Кияӷныӷмунлъю аюқлъит,

1е Иоанна 3:14

Лӣсимакаҳпут туқумың алъпака̄гукут уңувалъыӷмун қаюҳлъяк пиниқыхкыпут ухпықа̄лгутыпут. Кина алңунак пиниқиңигалңуқ паниның туқумытуқ.

1е Иоанна 3:19

Ынка̄ңам лӣсимакылъықукут Кияӷныӷмун ипапиҳқылъыӷмун пикутфут. Сыӷлыӷнинымталъю Кияӷныӷым сивуңани налъюнықсюкна̄нӷитаҳпут сыӷывутиңалъҳа қаюҳлъяк Кияӷнық а̄ңатаӷаҳтуқ сыӷлыӷьюгңалъымнъың, лӣсимакыхкаңалъю сяңўа̄ тамаҳа̄н.

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.