2е Коринфянам 4:6 - Новый Завет на эскимосском языке

⁶ Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

2е Коринфянам 4:6 Iomraidhean Croise

От Луки 10:22

Та̄хкын Иисусым пикӣ югыт: «Атама тӯнума̄ңа сямың тамаҳа̄ның. Китум алңунак налъюка̄ Иӷнық кинаңутаңа, иўырңақун Атам. Китум алңунак налъюка̄ Ата кинаңутаңа, иўырңақун Иӷныӷым. Иӷныӷымлъю лӣтыслъықа̄ Ата китумун алңунак накмикыхкаминун».

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 11:40

Иисусым пика̄: «Уңипа̄ткақамкын ухпыӷьяқувык ысҳаҳлъықан Кияӷныӷым аҳтуӷьяҳқа̄нӷилъҳа».

От Иоанна 12:41

Исаия таўатын пика̄гуқ ысҳақақутминың Иисусым ниӷуҳқылъыҳқа̄ ынка̄м акузиткыхкақыхкаңа.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

1е Коринфянам 12:8

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

2е Коринфянам 2:10

Кина сыӷывунъыҳписигу сямың лъпысинун пилъҳаның хўаңалъю сыӷывутақақа. Сяңўа̄ алңунак сыӷывусяҳқақ сыӷывусюгақақа лъпыси апалъюглюси Христос таўантыпихлъыҳӣстун,

2е Коринфянам 3:18

Қамахтыңъўа̄ӷлюта ся̄путаңунаки хинапут ысҳаҳлъықаҳпут ниӷуҳқылъҳа Атанӷым. Та̄на ата̄сиқ ниӷуҳқылъық тагилӷӣ Атаныӷмың Таӷныӷа̄гуқ, алъяңуҳтӣлъю лъңасюгниҳтысқылъюта а̄ңатаӷаӷлюку ниӷуҳқылъыӷмың.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 5:8

Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун.

К Филиппийцам 2:6

Иисус Кияӷныҳтун аюқсяӷңа̄ӷми сюмыҳтаӷа̄маңитуқ Кияӷнық иңлюксяҳқа̄люку.

К Колоссянам 1:15

Христос таўатытңўа̄ҳтуқ алӣнъыӷилңуҳтун Кияӷныҳтун. Кияҳтыңъӯқ сивуңани сяңўа̄ алңунак улималъҳилъюку, ынка̄м қулиҳпига̄гуқ улима̄ӷьяхаӷның.

К Евреям 1:3

Иӷныӷым кӯкхутақа̄ Кияӷныӷым ниӷуҳқылъҳа, Кияӷныҳтуңўа̄қлъю аюқуқ. Сяңўа̄т қамахлъюки нагныӷастыңъўӣ таўатылъюки аҳтуӷьяҳқа̄нӷилңӯтхун акузитмикун. Иӷныӷым тӯныхкақа̄ лъми катам уңувалъыни укмаңиӷналюта тамаҳа̄ның сыӷлыҳқылъымнъың. Апыӷӣӷьямигу таўатын пилъыни, қилягми ақумыхка̄гуқ аӷынқигныӷакун Кияӷныӷым, аҳтуӷьяҳқа̄нӷитылъыҳпига̄м.

К Евреям 6:4

Тама̄ иляңаның юлгӯқ алъхыӷутка̄ялӷӣның Кияӷныӷым ниӷуганың, на̄сӣқақа̄тлъю қилягым тунуся̄. Алъхыӷутка̄гутлъю Аглыӷналӷӣгның Таӷныӷагның. Нанӷӣқақӣт пиниҳтуляңи Кияӷныӷым акузитаңи, нанӷӣқақа̄тлъю Кияӷныӷым аҳтуӷьяҳқа̄нӷилъҳа нунакаҳқамылңуқ. Та̄хкын ухпықнаниқумыхтыху Христос, авутыҳқынқихтыпагниңӣлъықут қаюҳлъяк қақӯранқихтыкаңат Кияӷныӷым Иӷныӷа, кайңуся̄кыхкаңатлъю юхтуқами.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 2:9

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.

2е Петра 1:19

Тама̄кын апалъюқлъюку хўаңкунъи налъюнықшахӣтут ӯкналиқистыт ӯкналиқуткыхкӣт ипаңутаңи. Лъпысинун пиниҳлъықут сюмыҳтаӷа̄ткыңъўа̄қуфсики ӯкналиқуткыхкӣт, қаюҳлъяк кынылӷутам кӯкхутылъҳатун аюқут мамлыгмун. Таўатытыкыстаҳтык кынляңа Христосым тагилъыҳқа̄н аӷныӷанун. Та̄хкын ниӷуга кӯкхулъықуқ илюхпысинун, уна̄ңум иӷалықыта̄ӷатун аюқлъюни.