2е Коринфянам 4:5 - Новый Завет на эскимосском языке

⁵ Хўаңкунъың катам уңипақңунӷитукут, итупилъ уңипақңўа̄ҳпут Иисус Христос Атанӷунилюку. Қыпҳаҳтыкаҳпысикут Иисус апалъюқлъюку.

2е Коринфянам 4:5 Iomraidhean Croise

От Матфея 23:8

Иўырңа лъпыси атиҳтыстыхпынаси: “Апыҳтуӷистымың” қаюҳлъяк ата̄сӣгуқ Апыҳтуӷистызи, аңлыгуткулъҳӣстун аюқуси.

От Матфея 3:11

Мыҳқун крестиӷаӷӣқуңа авутыҳкыхканун сыӷлыҳқылъыӷмыхның. Иўырңа тагияҳқам киңумның крестиӷылъықӣси Аглыӷналӷӣгныңлъю Таӷныӷагның, кыныӷмыңлъю. Аҳтуӷьяҳқа̄нӷитыҳлъяхтуқ хўаңамның, рыпалъ талўа камыхкык тугумӣқыпагниңитахка.

От Иоанна 7:18

Кина алңунак апыҳтуӷилӷӣ лъми катам сюмыҳтаӷалъыӷминың қӯлвалъыңнақуткыңъӯқ. Иўырңа кина алңунак қӯлвалъыңыстинақуткылӷӣ каяхтикамун, акузиңӯқ ипапигмың, иқлъыңиқигатуқ.

Деяния 10:36

Лӣсимакаҳси Кияӷныӷым уңипа̄ уңипақыхкақ Израилыӷмӣнун, та̄на Пинилӷӣ Уңипақ югыт ныкыхмылъыңусиҳқақа̄т Кияӷныӷмун Иисус Христосыкун. Иисус Христос, Атанқа̄ тамаҳаӷўа̄ӷми югым.

Деяния 2:36

Уңипа̄таҳлъямси қамахлъюси Израилыӷмӣни, Кияӷныӷым ипапыста̄қ накмикыхкақа̄ Иисус Атанӷулюкулъю, Христосыңулюкулъю. Та̄наңӯқ Иисус қақӯрақаҳси!»

Деяния 5:31

Ынка̄ңам қӯлваӷналюку Иисус аӷынқигныӷмикун ныкыхтыкақа̄ Иглыӷутистыңулюкулъю, Югулиӷистыңулюкулъю. Таўатын пикақа̄ Израилыӷмӣт авутыҳқысяҳқа̄ҳтысқылъюки сыӷлыҳқынъанӣсқылъюки, қӣвысқылъюки Кияӷныӷмун, сыӷывунъалюкилъю сыӷлыҳқылъҳитның.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

1е Коринфянам 12:3

Тама̄кын апалъюқлъюку лӣгикысюгамси кина алңунак хўатын пилӷӣ: «Иисус сыӷлыӷӯқ», Аглыӷналӷӣм Таӷныӷам акузистыңъунӷита̄ таўатын. Иўырңа кина алңунак хўатын пилӷӣ: «Иисус Атанӷӯқ», Аглыӷналӷӣм Таӷныӷам акузистыңъўа̄ таўатын.

1е Коринфянам 15:47

Юксюхўа̄қ нунамың пиңӯқ, пагуляңаның нунам улима̄ӷӯқ, иўырңа тӯңлиҳа̄ ю̄к Христос, қилягмың пиңӯқ.

1е Коринфянам 2:2

Пакикақанка тама̄кут қаюҳлъяк уңипақиюлӷӣңа Иисус Христосыңинаҳаӷмың туқулъҳаныңлъю қақӯракун.

1е Коринфянам 4:15

Қайўа апыҳтуӷистытупихсяӷңа̄ҳпыси Христосымың, ататуҳлъянӷитуси. Ухпықсюхўаӷақңафсигу Иисус Христос нагақуӷлюки Пинилӷӣт Уңипат, таўанита атастун лъӣқаңа лъпысинун.

1е Коринфянам 8:6

Иўырңа хўаңкута лӣсимакаҳпут ата̄сиҳа̄гуқ Кияӷнық, лъңа Атанӷӯқ. Сяңўа̄ қамахлъюни лъңаның пиңӯқ, кияҳтыңъӯкут лъңанун. Лӣсимакаҳпутлъю ата̄сиҳа̄гуқ Атанық, Иисус Христосыңӯқ. Лъңакун сяңўа̄ қамахлъюни улимака̄гуқ, уңуваңӯкутлъю лъңакун.

2е Коринфянам 1:19

Кияӷныӷым Иӷныӷа, Иисус Христос уңипақыхкаҳпут лъпысинун Силуанамлъю, Тимофеймлъю, хўаңалъю: «А̄ңӷунӷитуқлъю», «Нака̄ӷунӷитуқлъю»; иўырңа лъңани қӯнпың «А̄ңӷӯқ».

2е Коринфянам 1:24

Иглыӷунъақуткыңъунӷитаҳпут ухпықилъыҳси; қыпҳалгусиӷьюгамси қуямасқылъюси, қаюҳлъяк аӷулӣтуси ухпықилъыҳпысигун.

К Галатам 5:13

Ухпықа̄лгутымни, Кияӷныӷым тахсиқақӣси итымңалъыӷмун Христосыкун. Та̄ўаңинақ атуқыхпына̄н итымңалъыҳси атуӷьяҳқа̄люки сыӷлыҳқыңъалӷӣт пиюкылъҳи югусим. Итупилъ қыпҳа̄тыки иляси пиниқылъыҳпысигун.

К Филиппийцам 1:15

Ипаңӯқ иляңи уңипақиңӯт Христосымың қаюҳлъяк ақинакңукаңатңалъю, а̄ҳтӣра̄ӷукаңатңалъю. Иўырңа иляңи уңипақиңӯт Христосымың ылъқуӷулъютың.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.