2е Коринфянам 4:4 - Новый Завет на эскимосском языке

⁴ Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

2е Коринфянам 4:4 Iomraidhean Croise

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 1:18

Китум алңунак ысҳӣгата̄ Кияӷнық. Та̄наңинаҳа̄м Иӷныӷым қантаӷантылъыҳпига̄м Атамун, лӣтыстыка̄ югнун.

От Иоанна 12:31

Хўа̄ ма̄тын Кияӷныӷым нанқихнақа̄ нунам юга, хўа̄ ма̄тын Кияӷныӷым ыхнақңўа̄ иглыӷутистыңа ӯм нунам.

От Иоанна 12:35

Та̄хкын Иисусым пикӣ: «Ниӷук лъпысининъақңӯқ натыңӣҳақ. Ынка̄м иглыҳтык ниӷугаӷлюку, мамлыхфагилган. Кина алңунак иглыҳлъыҳӣ мамлыгми налъюкуқ натмун пӣқутни.

От Иоанна 12:40

«Ӣйңит ая̄стыкақанка ысҳа̄нъаюката. Умьюгӣтлъю лӣгиксяҳқа̄наниҳқыхкақанка лю̄рақ қӣвнаюката хўаңамнун на̄лъҳутысқылъютың».

От Иоанна 12:45

Китум алңунак ысҳақумиңа, ысҳа̄ңўа̄ Каяхтистыка.

От Иоанна 14:30

Алыҳқуӷнаниӷьяҳтуңыстаӷамси, қаюҳлъяк иглыӷутистыңа нунам ӯм тагиңӯқ. Аҳтуӷьяҳқа̄нӷилъҳитуқ хўаңамнун,

От Иоанна 15:24

Акулңитни алъя̄ҳлъюхўаҳтӣӷа̄тақа̄гуңа китум алңунак пиңигалъкаңаның. Ысҳапакақыӷңа̄ӷмыхтыки алъя̄ҳлъюхўаҳтилъҳынка паниның ухпықылъҳита̄тңа, угумикӣнкуң Атакулъҳӣгни ынка̄м сыӷлыҳқыстыңӯт нанқихтылъыңьяҳқат.

От Иоанна 16:11

Лӣгикыслъықа̄ нанқихтылъық, қаюҳлъяк иглыӷутистыңа нунам ӯм нанқихтылъыңўа̄ӷлюни аюқуқ аӷью̄ӷьяҳқа̄люни.

От Иоанна 8:12

Та̄кўаниңани Иисусым алыҳқуӷля̄тақӣ югыт. Пикӣ: «Хўаңа ниӷугӯңа нунам юганун. Китум малихтыкумиңа мамлыгми кияҳна̄нӷитуқ, кынылгулъықуқ уңувалъылитикаюгмың».

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

Деяния 26:23

Пика̄гут Христос икфиқыпыста̄ҳлъықнилюку ынка̄м сивулӣлюни уңуваӷьяҳқа̄нилюку туқулъыӷмың. Апыӷьяҳқа̄нилюкулъю ниӷуга югулилъҳым югнунлъю, язычнигнунлъю».

1е Коринфянам 10:20

Нака̄! Налъюкилӷӣт Кияӷныӷмың аҳқыша̄ӷақут туӷныӷаӷнун, нака̄н Кияӷныӷмун. Илятңастысюнӷитамси туӷныӷаӷнун.

2е Коринфянам 2:11

Туӷныӷа̄м а̄ҳқутақнаюкаңилъю қаюҳлъяк лӣсимакыхкыфут сяңутаңа ята̄ҳқыхка̄.

2е Коринфянам 2:12

Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа.

2е Коринфянам 3:11

Ниӷуҳқылъылгуяқан таўатын мулюӷра̄камың, натынми аңка̄н ниӷуҳқылъылгулъықа мулюҳлъягьяҳқамың қӯнпырухлъяк!

2е Коринфянам 3:14

Умьюгӣт лӣгикыпагниңӣтка̄гут, хўавымун кынляңа умьюгӣт ся̄пңа̄т та̄хкын ата̄симың ся̄путамың, атиҳтуныӷмыхтыки ныӷиҳтат акықусят. Та̄на ся̄путақ иқисяҳқа̄гуқ Христосыңинаҳаҳқун.

2е Коринфянам 3:18

Қамахтыңъўа̄ӷлюта ся̄путаңунаки хинапут ысҳаҳлъықаҳпут ниӷуҳқылъҳа Атанӷым. Та̄на ата̄сиқ ниӷуҳқылъық тагилӷӣ Атаныӷмың Таӷныӷа̄гуқ, алъяңуҳтӣлъю лъңасюгниҳтысқылъюта а̄ңатаӷаӷлюку ниӷуҳқылъыӷмың.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Ефесянам 6:12

Нықамиклъюку, пилъюўа̄ңунӷитапут югыт. Итупилъ пилъюўа̄ңўа̄пут иглыӷутилӷӣт, аҳтуӷьяҳқа̄нӷилъылгыт, иглыӷутилӷӣт нунам мамлыганың, сыӷлыӷытлъю туӷныӷа̄т қиляганилңӯт.

К Филиппийцам 2:6

Иисус Кияӷныҳтун аюқсяӷңа̄ӷми сюмыҳтаӷа̄маңитуқ Кияӷнық иңлюксяҳқа̄люку.

К Колоссянам 1:15

Христос таўатытңўа̄ҳтуқ алӣнъыӷилңуҳтун Кияӷныҳтун. Кияҳтыңъӯқ сивуңани сяңўа̄ алңунак улималъҳилъюку, ынка̄м қулиҳпига̄гуқ улима̄ӷьяхаӷның.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 1:3

Иӷныӷым кӯкхутақа̄ Кияӷныӷым ниӷуҳқылъҳа, Кияӷныҳтуңўа̄қлъю аюқуқ. Сяңўа̄т қамахлъюки нагныӷастыңъўӣ таўатылъюки аҳтуӷьяҳқа̄нӷилңӯтхун акузитмикун. Иӷныӷым тӯныхкақа̄ лъми катам уңувалъыни укмаңиӷналюта тамаҳа̄ның сыӷлыҳқылъымнъың. Апыӷӣӷьямигу таўатын пилъыни, қилягми ақумыхка̄гуқ аӷынқигныӷакун Кияӷныӷым, аҳтуӷьяҳқа̄нӷитылъыҳпига̄м.

К Евреям 6:4

Тама̄ иляңаның юлгӯқ алъхыӷутка̄ялӷӣның Кияӷныӷым ниӷуганың, на̄сӣқақа̄тлъю қилягым тунуся̄. Алъхыӷутка̄гутлъю Аглыӷналӷӣгның Таӷныӷагның. Нанӷӣқақӣт пиниҳтуляңи Кияӷныӷым акузитаңи, нанӷӣқақа̄тлъю Кияӷныӷым аҳтуӷьяҳқа̄нӷилъҳа нунакаҳқамылңуқ. Та̄хкын ухпықнаниқумыхтыху Христос, авутыҳқынқихтыпагниңӣлъықут қаюҳлъяк қақӯранқихтыкаңат Кияӷныӷым Иӷныӷа, кайңуся̄кыхкаңатлъю юхтуқами.

2е Петра 1:19

Тама̄кын апалъюқлъюку хўаңкунъи налъюнықшахӣтут ӯкналиқистыт ӯкналиқуткыхкӣт ипаңутаңи. Лъпысинун пиниҳлъықут сюмыҳтаӷа̄ткыңъўа̄қуфсики ӯкналиқуткыхкӣт, қаюҳлъяк кынылӷутам кӯкхутылъҳатун аюқут мамлыгмун. Таўатытыкыстаҳтык кынляңа Христосым тагилъыҳқа̄н аӷныӷанун. Та̄хкын ниӷуга кӯкхулъықуқ илюхпысинун, уна̄ңум иӷалықыта̄ӷатун аюқлъюни.

1е Иоанна 2:11

Иўырңа китум алңунак угумикыхкумигу ухпықа̄лгутни, мамлыгмытуқ. Иглыҳтыңъӯқ мамлыгми, талўа налъюкуқ навык пиңутни қаюҳлъяк мамлыгым ая̄стыкақа̄.

1е Иоанна 2:8

Иўырңа уна қылӷусяқ письмоткыхкыхка лъпысинун нутаӷа̄гуқ. Та̄м ипапиҳқылъҳа ысҳаӷлюни аюқуқ Христосыкунлъю, лъпысигунлъю қаюҳлъяк мамлык ага наӷуҳтыңъӯқ, ниӷупик кӯкхутңӯқ.

1е Иоанна 5:19

Лӣсимакукут Кияӷныӷым пикӣлъю қайўа Туӷныӷа̄м иглыӷутңуӷңа̄гу қамахлъюку нуна.