2е Коринфянам 4:2 - Новый Завет на эскимосском языке

² Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 4:2 Iomraidhean Croise

К Римлянам 1:16

Кайңукигатанка Пинилӷӣт Уңипат: Кияӷныӷым аҳтуӷьяҳқа̄нӷилъқӣ югулилъыӷмун тамаҳа̄нун ухпықилӷӣнун. Сивуклъютың уңипақыхка̄гут Иудеянун та̄хкын язычнигнун.

К Римлянам 6:21

Сивунӷани сыӷлытун пика̄гуси, иўырңа ма̄тын кайңука̄ҳси тама̄кут сыӷлытун пикаси. Сяңа̄ўа алъхыҳтыкаҳси тама̄кут пилюки? Алъхыҳтыкақаҳси туқулъҳинаҳақ.

1е Коринфянам 4:5

Ынка̄ңам ўӣн нанқихтыхпына̄н кина алңунак сялъҳаның. Атанӷым тагинқихтыкуми кукыхсяҳқақӣ югыт илюңит алӣҳқылъюки сяңўа̄т ӣӷңаялӷӣт тысқамани. Алӣҳқысяҳқақӣ сяңамың ся̄қутаңи. Та̄хкын усюқсяҳқат тама̄кут усюқылъыңьяҳқа̄гут Кияӷныӷмың.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 11:3

Иўырңа алиңуткақамси аңуягым пӯҳнаюкаңиси, катам таўатын нымыӷьям пыҳқиниқуткылъюку пӯҳтылъҳатун Ева. Ынка̄м лъпыси пиниқнаниӷўа̄ӷнаюкафсигу Христос.

2е Коринфянам 11:6

Акузилъхитыӷңа̄ӷма, лӣсимаҳлъяхтуңа. Угляӷңа̄н лӣгикыстақамси лӣсималъымның.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 5:11

Ынка̄ңам аликақаҳпут Атанық, тама̄кын апалъюқлъюку ухпыҳтыснақуткақапут югыт Христосыкун. Кияӷныӷым лӣсимакӣлъю натылңӯтфут югни, сюнаңуқ лъпысилъю лӣсимакитыкут таўатылъюта.

2е Коринфянам 6:8

Қӯлвалъыңақукутлъю, укаваҳлъыңақукутлъю; сыӷлықӯҳсиӷақукутлъю, усюқылъыңақукутлъю. Иқлъыңалӷӣңунӣқӣлъю, иўырңа акузӣқукут ипапигмың.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Ефесянам 5:12

Кайңунапихтут талўа акузиткысяҳқа̄лютың тама̄кут пӣқыхкаңит аксяқлъюку.