2е Коринфянам 4:12 - Новый Завет на эскимосском языке

¹² Ынка̄м хўаңкута якуӷналъҳанитукут туқулъҳым қаюҳлъяк қыпҳа̄тңукыфут Кияӷнық. Иўырңа қыпҳалъымта кынлыңилңуӷмың уңувалъыңыстыңъўӣси.

2е Коринфянам 4:12 Iomraidhean Croise

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

2е Коринфянам 12:15

Тӯньяҳқа̄ҳтамси сямың тамаҳа̄ның хўаңа пимның, талўа хўаңамның тӯнылъықуңа лъпысинун. Пиниқатаӷанымси, лъяңақа лъпыси пиниқыпагигатаҳпысиңа.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 4:11

Уңуваңулюта ӣўлың якуӷналъҳанитукут туқулъҳым апалъюқлъюку Иисус, ысҳӣсқылъюку Иисусым уңувалъҳа югусимнъи туқукаюгни.

2е Коринфянам 4:13

Игақңа̄қ Акузитни Игақыхкани: «Ухпықақа Кияӷнық ынка̄м акузиткақақа». Ухпықилъыҳпут таўатытуқ игақыстытун. Хўаңкуталъю ухпықаҳпут Кияӷнық ынка̄м акузиткақаҳпут.

К Филиппийцам 2:17

Ухпықилъыҳсилъю, қыпҳалъыҳсилъю Кияӷныӷмун аҳқутыстун аюқут. Туқускаңатңа хўани анусимиңлъяӷвигми қуялъықуңа, қаюҳлъяк туқулъқа аҳқутыстун аюқсяҳқа̄гуқ тӯнылӷӣ лъпыси аҳқутыхпысинун ӣӷўӣсӣлюни. Та̄м қамахлъюта қуяслъықӣнкутлъю.

1е Иоанна 3:16

Хўатын ысҳа лӣсимакыхкыфут пиниқылъық сяңутаңа: Христосым тӯнылъҳакун уңувалъыни хўаңкунъун. Ынка̄м хўаңкуталъю тӯнылътыки уңувалъыпут ухпықа̄лгутымнъун.