2е Коринфянам 4:10 - Новый Завет на эскимосском языке

¹⁰ Ӣўлың туқулъҳа Иисусым югусимнъитуқ, ысҳӣсқылъюку уңувалъҳа Иисусым югусимнъи.

2е Коринфянам 4:10 Iomraidhean Croise

От Иоанна 14:19

Ма̄тықўа̄қун нунам юган ысҳаӷнаниӷнақа̄тңа, иўырңа лъпыси ысҳаҳлъықаҳпысиңа, қаюҳлъяк уңувалӷӣңа, лъпысилъю уңувалъықуси.

К Римлянам 6:5

Кияӷныӷым илясимакаңилъю Христосымун туқулъҳакун, та̄хкын илятыстыпыста̄ҳлъықӣлъюлъю лъңанун уңуваҳтыслъюта лъңатун.

К Римлянам 6:8

Туқумакумта Христосыми, ухпықаҳпут кияҳтылгусиӷьяҳқақаҳпутлъю лъңа.

К Римлянам 8:36

Игақңа̄қ Акузитни Игақыхкани хўатын: «Лъпык апалъюқлъютын аҳутаңа тамаҳа̄н югыт туқусюгақӣлъю. Сюмыҳтаӷалъыӷмыхни пынъӣӷыстун аюқнӣқӣлъю туқусяҳқат».

2е Коринфянам 1:5

Катам илятңалъымтыстун Христосым угля̄пихлъыҳӣнун икфиқылъҳанун, ынка̄м Христосыкун илятңалъықукут Кияӷныӷым каюсилъыҳлъяганун.

2е Коринфянам 1:9

Ипапыста̄қ туқунақнилюта пияҳтукут. Иўырңа таўатын аныҳтукут хўаңкунъың сиӷимакыфқа̄мта писқылъюта, та̄ўаңинаҳақ Кияӷнық сиӷимакысқылъюку уңуваҳтыстикаюк туқуканың.

2е Коринфянам 13:4

Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 4:11

Уңуваңулюта ӣўлың якуӷналъҳанитукут туқулъҳым апалъюқлъюку Иисус, ысҳӣсқылъюку Иисусым уңувалъҳа югусимнъи туқукаюгни.

К Галатам 6:17

Хўакын кынлыклъюку китум алңунак алъя сыӷлылӣҳтыстыфқа̄ма пилиңа қаюҳлъяк югусимнилңӯт ма̄мылъҳыт кылгутңўа̄т қыпгаҳтыля̄ӷулъқа Иисусымун.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

2е Тимофею 2:11

Ма̄кут пилъҳыт ипаңӯт: «Туқулгусӣмакумтыху, кияҳтылгусиҳлъықаҳпут.

1е Петра 4:13

Итупилъ қуятык илялъҳӣси Христосым икфиқылъҳанун қуяңаҳлъягысқылъюси ниӷуҳқылъҳа алӣҳтыкан.

1е Петра 4:14

Сыӷлықӯқаңиси апалъюқлъюку малихся̄ҳтыңумалъыҳси Христосымун, қуястылъылгӯси қаюҳлъяк Кияӷныӷым Таӷныӷакык ниӷуҳқыңъалӷӣк кияҳтыңӯқ лъпысини.

Откровение 1:17

Ысҳаӷьямкун итыга̄н мануңакун ӯлъҳаҳтуңа туқукастун. Иўырңа аӷынқигныӷминың ӣхминың ся̄флъюңа пӣңа: «Алиңыхпынаң, хўаңа сивулӣгуңалъю, киңулӣгуңалъю.