2е Коринфянам 3:8 - Новый Завет на эскимосском языке

⁸ натынми аңка̄н қыпҳалъҳа Кияӷныӷым Таӷныӷахкынка ниӷуҳқыстӣӷатаӷаҳлъықа!

2е Коринфянам 3:8 Iomraidhean Croise

От Иоанна 1:17

Кияӷныӷым тӯныхкақӣ Лӣлиҳтӯсят Моисейкун, иўырңа пиниқылъықлъю, ипалъықлъю лӣтыстыкақа̄к Иисус Христосыкун.

От Иоанна 7:39

Иисусым акузиткыңъукык Аглыӷналӷӣк Таӷныӷак. Кияӷныӷым Таӷныӷагни сялин тӯнигата̄к қаюҳлъяк сялин кывгигалъкаңа Иисус қӯлвалъылитыҳлъягналюку. Иўырңа та̄кўаниңани тама̄кут ухпықилӷӣт Иисусымың, алъхыӷусяҳқа̄гут Таӷныӷагның.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

2е Коринфянам 11:4

Уңипақақңамтыки Пинилӷӣт Уңипат лъпысинун, ухпықыхкақаҳси Иисус, тугуклъиӷахсилъю Аглыӷналӷӣк Таӷныӷак. Иўырңа нагасюкыстаӷлюки аюқыхкақаси уңипақияҳтулӷӣт иляңаның Иисусымың. Тугуклъиӷиюхтусилъю иляңаның таӷныӷам, ухпықсюкақасилъю иляңи пинилӷӣт уңипат.

2е Коринфянам 3:17

Ма̄тын Атанық Таӷныӷа̄лӷӣ, кина алңунак Атанӷым Таӷныӷахкының пилгукуми, итымңалъылгӯқ.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 3:7

Лӣлиҳтӯсят игақыхка̄гут уйӷахтыхун, ынка̄м Кияӷныӷым ниӷуҳқылъҳа алӣқа̄гуқ Лӣлиҳтӯсят тӯнақңата. Моисейем хина̄ кӯкхутка̄гуқ та̄хкын ниӷуҳқылъыӷмың, қайўа ӷывыӷңа̄н Израилыӷмӣт ысҳаҳпагниңитка̄т хина̄. Лӣлиҳтӯсят туқустияҳқа̄гут қаюҳлъяк югыт қа̄ткынӷилъкаңит. Лӣлиҳтӯсят ниӷуҳқыстиҳлъягумаката,

2е Коринфянам 3:9

Лӣлиҳтӯсяқ нанқихтияҳқа̄кан югмың аӷью̄ӷьяҳқа̄люки ниӷуҳқыңъаяҳтуқ; анахутылъҳинъилютың югыт пилӷӣт натынми аңка̄н ниӷуҳқыңъалъыҳтулъықат!

К Галатам 3:14

Христос Иисусым навыҳқылъикақӣлъю ынка̄м лъңакун Кияӷныӷым қуястыкақӣ язычнигыт та̄хкын ата̄симың қуястылъыӷмың акықусяқыхкаминун Авраамымун. Ынка̄м ухпылъыҳқун алъхыҳтахпут Таӷныӷак Кияӷныӷым акықусяқыхкакык.

К Галатам 5:5

Аглыӷналӷӣгныкун Таӷныӷагныкун утақаңўа̄ҳпут сиӷималъыҳпут апыӷӣӷысқылъюку. Сиӷималъыҳпут та̄наңӯқ: Кияӷныӷмун налъҳусӣсқылъюта ылъқуӷутңалъҳанун ухпықылъымтыхун Христосыкун.

К Ефесянам 2:18

Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.