2е Коринфянам 3:6 - Новый Завет на эскимосском языке

⁶ Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 3:6 Iomraidhean Croise

От Матфея 13:52

Та̄хкын пикӣ: «Тамаҳаӷми апыҳтуӷикаюк Лӣлиҳтӯсяның апыҳтуқақ Атаныҳпагулъҳаның Қилягым хўатылңӯгуқ: мыңтыӷалык ю̄к нусюгралӷӣ кахпагвигминың нутаӷамыңлъю, ныӷиҳтамыңлъю».

От Матфея 26:28

Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

От Марка 14:24

Иисусым пикӣ: «Уна а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угля̄пихлъыӷӣнун югнун.

От Луки 22:20

Ныныӷмың та̄қсямың таўатыҳпигақ тӯныхкӣ қаю̄симылңуӷмың виномың, хўатын пимӣта: «Уна қаю̄сиқ Кияӷныӷым нутаӷа̄гуқ акықуся̄ а̄мкун, кӯвылӷӣ лъпыси апалъюқлъюси.

От Иоанна 5:21

Атам уңуваҳтыслъюки туқукат уңувалъылитақӣ, ынка̄м таўатыҳпигақ Иӷнық уңувалъылитикаюгӯқ пиюкыхкаминун.

От Иоанна 6:63

Таӷныӷак уңувалъылитикаюгӯк, иўырңа ю̄к уңувалъылитина̄нӷитуқ. Акузитынка лъпысинун таӷныӷа̄гутлъю уңувалъҳӯтлъю.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 3:20

Нанқихтыкумики югыт налъҳусяӷна̄нӷитӣ ылъқуӷутңалъыӷминун қа̄ткутылъҳитхун Лӣлиҳтӯсянун. Итупилъ Лӣлиҳтӯсят лӣтыстӣ югыт сыӷлыҳқыстыңунилюки.

К Римлянам 4:15

Кияӷнық сякшитақуқ югыт қа̄ткунъыӷинъыӷата Лӣлиҳтӯсянун тӯныхка̄нун Моисейемун. Иўырңа Лӣлиҳтӯсӣсяқан та̄ўа югыт қа̄ткунъыӷитусӣнъаяҳтут.

К Римлянам 4:17

Акузитни Игақыхкани игақңа̄қ: «Атаңуҳтыстамкын угляпихлъыҳӣнун нунат югитнун». Кияӷныӷым таўатын акықыхкақа̄ Авраам қаюҳлъяк ухпықыхкаңа Кияӷнық. Кияӷныӷӯқ туқуканың уңуваҳтикаюк, қылӷилъыӷмикунлъю улиматкаюк сямың сяңилңуӷмың.

К Римлянам 7:6

Сивунӷани анусимиңлъяӷастун аюқсяҳтукут Лӣлиҳтӯсянун. Туқука̄тымнъың Христосыми, итымутка̄гукут қа̄ткусяҳқа̄лъымнъың Лӣлиҳтӯсянун. Ынка̄м қыпҳа̄тңўа̄ҳпут Кияӷнық уңувалъыӷраӷамтыхун Таӷныӷагныкун, нака̄н уңувалъылюмтыхун Лӣлиҳтӯсятхун.

К Римлянам 8:2

Қаюҳлъяк Лӣлиҳтӯся̄н Таӷныӷам уңувалъылитилӷӣм Христос Иисусыкун итымуткақа̄ңа лӣлиҳтӯся̄ның сыӷлыҳқылъҳымлъю туқулъҳымлъю.

1е Коринфянам 11:25

Ныныӷмың та̄қсямың, таўатыҳпигақ тугулюку қаю̄сиқ виноӷраӷаӷмың ималык, пикақ: «Уна қаю̄сиқ Кияӷныӷым нутаӷа̄гуқ акықуся̄ а̄мкун. Аўын мыӷақитыху нықамикусӣлюку хўаңамның».

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

1е Коринфянам 15:45

Ынка̄м Акузитни Игақыхкани игақыхка̄гуқ: «Юксюхўа̄қ Адам уңувалӷӣңуҳтыка̄гуқ». Иўырңа киңулиқ Адам уңувалъылитикаюгӯқ таӷныӷақ, Христосыңӯқ.

1е Коринфянам 3:10

Кияӷныӷым наңлъыхталъық тагивақа̄ атуқлъюку пӣнлиқақақа қыпҳақақ лъпысини. Пыҳқинылӷӣстун тунымиқақақа мыңтыӷақ улимаяҳқақ. Иисус Христосыңина̄гуқ тунымақ, алъя ся̄ӷўакун тунымаҳқӣтуқ. Иляңита улимавикңўа̄т қа̄йңакун. Қамахлъюни пира̄мсилюни улимали.

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 3:14

Умьюгӣт лӣгикыпагниңӣтка̄гут, хўавымун кынляңа умьюгӣт ся̄пңа̄т та̄хкын ата̄симың ся̄путамың, атиҳтуныӷмыхтыки ныӷиҳтат акықусят. Та̄на ся̄путақ иқисяҳқа̄гуқ Христосыңинаҳаҳқун.

2е Коринфянам 3:3

Хўатыҳлъюўа̄қ посланияңӯси Христосымың пикат хўаңкунъун туюқӣ. Письмоткыхка̄нӷитуси чернилакун налиӷмың лъӣвнықыхтатхун уйӷахтыхун. Письмоткыхка̄гуси югыт илюңитхун Таӷныӷахкынкун уңувалӷӣм Кияӷныӷым.

2е Коринфянам 3:7

Лӣлиҳтӯсят игақыхка̄гут уйӷахтыхун, ынка̄м Кияӷныӷым ниӷуҳқылъҳа алӣқа̄гуқ Лӣлиҳтӯсят тӯнақңата. Моисейем хина̄ кӯкхутка̄гуқ та̄хкын ниӷуҳқылъыӷмың, қайўа ӷывыӷңа̄н Израилыӷмӣт ысҳаҳпагниңитка̄т хина̄. Лӣлиҳтӯсят туқустияҳқа̄гут қаюҳлъяк югыт қа̄ткынӷилъкаңит. Лӣлиҳтӯсят ниӷуҳқыстиҳлъягумаката,

2е Коринфянам 3:9

Лӣлиҳтӯсяқ нанқихтияҳқа̄кан югмың аӷью̄ӷьяҳқа̄люки ниӷуҳқыңъаяҳтуқ; анахутылъҳинъилютың югыт пилӷӣт натынми аңка̄н ниӷуҳқыңъалъыҳтулъықат!

К Галатам 3:21

Лӣлиҳтӯся̄т тыңвимун аюқаткӣ Кияӷныӷым акықусӣ? Нака̄, йыӷлыгилъю! Лӣлиҳтӯсям уңувалъыңысяҳқақсяқумикут, та̄ўа Кияӷныӷым налъҳусяӷнаяӷӣлъю ылъқуӷутңалъыӷминун та̄хун Лӣлиҳтӯсякун.

К Ефесянам 2:1

Сивунӷани таӷныӷаси туқуңаяҳтут қаюҳлъяк қа̄ткумаңилъкыси Кияӷнық, сыӷлыҳқыстыңуяҳтусилъю.

К Ефесянам 2:5

Қайўа таӷныӷапут туқуңаяӷңӣта апалъюқлъюки сыӷлыҳқылъыпут, Кияӷныӷым уңуваҳтӣлъю малигулъюта Христосымун. (Югулика̄гуси Кияӷныӷым наңлъыкылъҳакун.)

К Ефесянам 3:7

Кияӷныӷым наңлъыхталъыӷмикун, аҳтуӷьяҳқа̄нӷилъыӷмикунлъю тунусялита̄ңа қыпҳаҳтыңулюңа уңипақысқылъюки Пинилӷӣт Уңипат.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

2е Тимофею 1:11

Пинилӷӣт Уңипат апалъюқлъюки Кияӷныӷым накмикыхкақа̄ңа уңипақистыңулюңа, апостолыңулюңа, апыҳтуӷистыңулюңалъю.

К Евреям 12:24

Тагика̄гуси Иисусымун, лъңакун Кияӷнық акықусяӷраӷаңлъяқа̄гуқ. Тагика̄гусилъю сивилъяхта̄ткамун а̄ўанун Иисусым. Пиниӷатаӷаҳтуқ Авелым а̄ўаның, қаюҳлъяк Кияӷныӷым сыӷывутӣ сыӷлыҳқылъҳыт Иисусым а̄ўакун.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 7:22

Тама̄кын апалъюқлъюку Иисусыңӯқ ипапиҳқылъық Кияӷныӷым акықусяни пипыста̄ҳлъықа̄. Та̄на акықусяқ пиниӷатаӷаҳтуқ акықусяқыхкаминың Моисейкун.

К Евреям 8:13

Кияӷныӷым акузиткақңамигу акықусяӷраӷақ, сивулиқ акықусяқ атӯнаниҳтыстыкақа̄. Ынка̄м сяңўа̄ алңунак атӯнаниӷлюни аӷьюӷлюни мулюхпынани авӣӷулъықуқ.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Иоанна 1:1

Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық.