2е Коринфянам 3:18 - Новый Завет на эскимосском языке

¹⁸ Қамахтыңъўа̄ӷлюта ся̄путаңунаки хинапут ысҳаҳлъықаҳпут ниӷуҳқылъҳа Атанӷым. Та̄на ата̄сиқ ниӷуҳқылъық тагилӷӣ Атаныӷмың Таӷныӷа̄гуқ, алъяңуҳтӣлъю лъңасюгниҳтысқылъюта а̄ңатаӷаӷлюку ниӷуҳқылъыӷмың.

2е Коринфянам 3:18 Iomraidhean Croise

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 12:41

Исаия таўатын пика̄гуқ ысҳақақутминың Иисусым ниӷуҳқылъыҳқа̄ ынка̄м акузиткыхкақыхкаңа.

От Иоанна 17:22

Қӯлвақақанка катам таўатын қӯлвалъыҳпытун хўаңа, лъңит ата̄сӣсқылъюки катам таўатын хўаңкутуң ата̄сӣлъымтыхун.

От Иоанна 17:24

Ата̄й, укут югыт тагивақаҳтын хўаңамнитысюўақанка, лъңитнун ысҳӣсқылъюку ниӷуҳқылъқа. Пиниқутыхпының та̄на ниӷуҳқылъық тагивақақан сивуңани нунаңлъялъҳым.

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

К Римлянам 13:14

Итупилъ акулӷа̄ӷыстун а̄тыху Атанық Иисус Христос, сюмыҳтаӷа̄ткыфқӣталъю атуқналюки югусиҳпыси пиюкылъҳит.

К Римлянам 8:29

Тама̄куңӯт Кияӷныӷым накмикыкыстақӣ. А̄фтыкақӣлъю Иӷныӷмитун лъӣӷысқылъюки. Таўатын пика̄гуқ Иӷныни алъхыӷьюхўа̄ӷумасқылъюку аңлыгутылӷутаңаның.

К Римлянам 8:4

хўаңкунъун қа̄ткысяқлъыгуҳтысқылъюки Лӣлиҳтӯсят ылъқуӷутңалӷӣт қылӷусӣ. Хўаңкуңӯт кияҳлъыҳӣт малиҳқутақлъюта Таӷныӷам пиюкылъҳанун, нака̄н югусимта пиюкылъҳитнун.

К Римлянам 8:7

Умьюгапут малиҳқутақынӷата югусимта пиюкылъҳанун, аңуягўа̄қукут Кияӷныӷмун қаюҳлъяк қа̄ткигалъкыпут Лӣлиҳтӯсӣ. Ипа қа̄ткыпагниңитапут Кияӷныӷым Лӣлиҳтӯсӣ.

1е Коринфянам 13:12

Лӣгикылъыҳпут Кияӷныӷмың ӣӷўинъыӷитуқ, катам таўатытуқ ысҳалӷӣстун таӷныӷаҳқӯтылюхкун. Қакуқа̄қун лӣгикңўа̄ӷьяҳқаҳпут Кияӷнық қаюҳлъяк ысҳаҳлъықаҳпут хинасяҳқуӷлюку. Ма̄тын лӣсималъқа ӣӷўинъыӷитуқ. Иляңани аӷныӷым лӣсималъқа ӣӷўиӷьяҳқа̄гуқ катам таўатын Кияӷныӷым лӣсимакңўа̄қаңаңа ӣӷўиӷма.

1е Коринфянам 15:49

Адамытун югусилгулъымтыстун, иляңани аӷныӷым Христосытун югусилгуяҳқа̄гукут.

2е Коринфянам 3:17

Ма̄тын Атанық Таӷныӷа̄лӷӣ, кина алңунак Атанӷым Таӷныӷахкының пилгукуми, итымңалъылгӯқ.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

2е Коринфянам 5:17

Кина алңунак Христосым пилӣнъыӷминигу нутаӷаҳлъюгуҳтақуқ. Кияҳта̄лъылъюга авӣӷутақуқ, иўырңа нутаӷаҳлъюк кияҳта̄лъҳа пӣнлиӷақуқ.

К Галатам 6:15

Мыгнунанӷитуқ ю̄к обрезанияка̄куми, налиӷмың обрезаниялъҳилъкуми. Уна мыгнуналӷӣңӯқ: Кияӷныӷым улимакақӣлъю нутаӷа̄люта югни.

К Колоссянам 3:10

Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа.

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

К Титу 3:5

Югуликақӣлъю апалъюқлъюку наңлъыхталъыни, нака̄н аныӷныҳқилъымтыхун. Аглыӷналӷӣгныкун Таӷныӷагныкун уӷвуқақӣ сыӷлыҳқылъыпут, нутаӷамыңлъю, уңувалъылиткақӣлъю.

От Иакова 1:23

Ю̄к нагатаӷыснақуми Кияӷныӷым акузитаңаның атуқыхпынаки, таӷныӷаҳқулӷӣстун аюқуқ

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.