2е Коринфянам 2:14 - Новый Завет на эскимосском языке

¹⁴ Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун.

2е Коринфянам 2:14 Iomraidhean Croise

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

К Римлянам 1:8

Сивуклъюку тамаҳаҳпысинун игамсиқаюгвикақа Кияӷнықа Иисус Христосыкун, қаюҳлъяк уңипа̄ ухпықилъыҳпыси миңитңӯқ юлӷутнун тамаҳа̄ни.

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

К Римлянам 8:37

Иўырңа тама̄кут қамахлъюки кая̄лъқыңъўа̄қақапут Христосыкун пиниқистымтыхун.

1е Коринфянам 12:8

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

1е Коринфянам 15:37

Пӣтутмың алъяңулюни аңлӣқуқ. Пӣтысиӷаныҳпыни, пӣтутысқувыгаҳақ пыӷўа̄қан нунакун, пшеницакаҳқақ налиӷмың сяңуяҳқақ.

1е Коринфянам 15:57

Ынка̄ңам игамсиқаюгвикақаҳпут Кияӷнық қаюҳлъяк кая̄лъқӣстыкақӣлъю Атанымтыхун Иисус Христосыкун.

2е Коринфянам 1:11

лъпыси каюсӣсималюта юӷалъыҳпысигун. Юӷа̄ткилъыҳлъяхси хўаңкунъың кӣмсилъыңылъықут, ынка̄м Кияӷныӷым қуяслъықӣлъю; угляпихлъыҳӣтлъю игляхтуҳлъютың игамсиқаюгвикылъықа̄т хўаңкунъың.

2е Коринфянам 8:16

Игамсиқаюгвикақа Кияӷнық қаюҳлъяк Тит каюсиӷиюхтыстыҳлъякаңа лъпысиның катам хўаңкутыстун.

2е Коринфянам 9:15

Йықай игамсиқаюгвикылътыху Кияӷнық тунуся̄нун акузитыт апыҳпагниңилъкаңат.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Ефесянам 5:20

А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.

К Филиппийцам 4:18

Хўа̄ ма̄тын на̄ма̄ңа, а̄а, талўа сӣптӣлюңа аюқуңа. Тую̄сяси Епафродиткун қамахлъютың ка̄сима̄т, ынка̄м хўа̄ аклъюңигатуңа. Тунусяси хўаңамнун аҳқуткыхкастун аюқут Кияӷныӷми ыфқуҳтинапихлъыҳӣт.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

К Колоссянам 2:15

Кияӷныӷым ўаяҳтықақӣ гӯтутаңит иглыӷутилӷӣтлъю, аҳтуӷьяҳқа̄нӷилъылгытлъю туӷныӷа̄т. Таўатын тамаңанун ысҳаҳтыстыка̄ кая̄лъқӣлъыни тама̄куның туӷныӷаӷның.

1е Фессалоникийцам 1:8

Атанӷым уңипа̄ миңитңӯқ лъпысиның Македониямилъю, Ахаиямилъю. Ухпықилъыҳсилъю Кияӷныӷмың лӣта̄т тамаңани. Ынка̄м хўаңкута сямың пинӷисяӷңа̄мтыху ухпықилъыҳси, қаюҳлъяк сӣңынлъю югыт нагақӯма̄т.

1е Фессалоникийцам 3:9

Ынка̄м игамсиқаюгвикңўа̄ҳпут Кияӷнық лъпысиның. Лъпыси апалъюқлъюси қуяҳлъягӯкут сивуңани Кияӷнымта.

1е Тимофею 2:8

Тамаҳа̄ни юӷаӷвигни югӣна̄т юӷӣсқысюганка. Тама̄куңулит кияҳлъыҳӣт қа̄ткулъютың Кияӷныӷым пиюкылъҳанун. Юӷаӷлит ныңугулъюки ӣхытың сякша̄лъңунатыңлъю, а̄ҳтӣра̄лъңунатыңлъю.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

Откровение 7:12

Пӣт: «Аминь! Кияӷныҳпут тамаҳаӷми усюқлъигу, ниӷуҳқылъигу, игамсиқаюгвиклъигу, қӯлваӷлигу қаюҳлъяк лъңаңӯқ пыҳқинылъылык, аҳтуӷьяҳқа̄нӷилъылык, икнақылъылыклъю. Лъңа таўатытуқ қӯнпырухлъяк кынлыңуна̄н! Аминь!»