2е Коринфянам 2:12 - Новый Завет на эскимосском языке

¹² Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа.

2е Коринфянам 2:12 Iomraidhean Croise

Деяния 14:27

Ка̄сямык Антиохиямун ухпықат қырңуҳтыкӣк. Уңипа̄ткӣт Кияӷныӷым апыӷӣлъҳаның лъмытыгныгун, а̄пқӣтлъю Кияӷныӷмун ухпықилъыҳқалитылъҳи язычнигыт.

Деяния 16:11

Ынка̄м тылянаңамың наңақаҳтукут Троадамың Самофракиямун. Уна̄миңани Неаполисымун пӣкут.

Деяния 16:8

Ынка̄м Мисия наӷуҳлъюку тысямавык Троадамун пикат.

Деяния 20:8

Қымтамылңӯкут кынылӷутаҳтуқами.

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

1е Коринфянам 16:9

қаюҳлъяк мыгнуналӷӣ, а̄нылӷӣ қыпҳалъыҳқақа Атаныӷмун пӣқыфтуқ. Ма̄нлъықуңа қайўа угляпихлъыҳӣм аңуяксяӷңа̄тңа.

1е Коринфянам 9:12

Апыҳтуӷистым иляңи лъпысиның алъхыӷутңуката аклъюкыхкамыхның, хўаңкутуң ўатақа̄ӷақ пияҳқаҳпига̄яҳтукуң. Йыӷлыги қыпҳаӷьюка̄гукуң маниңырыгаӷналютуң аклъюкыхкамтыгның алъхыӷунъалютуң. Иляңани манипагитақукуң. Талўа тама̄ни а̄псюгигатамси акилыҳтӣсқылъютуң. Уната апалъюқа, китумун алңунак хўатын писюнӷитукуң: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

1е Коринфянам 9:14

Таўатытуқ Атанӷым қылӷуся̄: Уңипаҳтытлъю Пинилӷӣның Уңипаның аклъюкыхкатың алъхыҳсяҳқақӣт тама̄куның ухпықиканың Пинилӷӣның Уңипаның.

1е Коринфянам 9:16

Иўырңа а̄ңа̄югусиҳқӣтуңа уңипақинымни Пинилӷӣның Уңипаның, қаюҳлъяк Кияӷныӷым қылъқақа̄ңа уңипақисқылъюңа. Сыӷлыӷўа̄ӷунаяҳтуңа қа̄ткынӷисяқумкун Кияӷнық.

2е Коринфянам 10:14

Сивулиҳпига̄гукут уңипақияҳтуқани лъпысинун Пинилӷӣның Уңипа̄мың Христосым. Ынка̄м алъпагигатаҳпут қыпҳақақ Кияӷныӷым каягутка̄ хўаңкунъун.

2е Коринфянам 11:4

Уңипақақңамтыки Пинилӷӣт Уңипат лъпысинун, ухпықыхкақаҳси Иисус, тугуклъиӷахсилъю Аглыӷналӷӣк Таӷныӷак. Иўырңа нагасюкыстаӷлюки аюқыхкақаси уңипақияҳтулӷӣт иляңаның Иисусымың. Тугуклъиӷиюхтусилъю иляңаның таӷныӷам, ухпықсюкақасилъю иляңи пинилӷӣт уңипат.

2е Коринфянам 11:7

Лъпысинун акилыҳтуҳсяқумаңитуңа уңипақақңамки Пинилӷӣт Уңипӣ Кияӷныӷым. Таўатын пика̄гуңа қусывыхлъюңа қӯлваӷналюси. Сыӷлыҳқысиңа̄а таўатын пилюңа?

2е Коринфянам 4:3

Уңипақыхкапут Пинилӷӣт Уңипат ся̄пңаката, ся̄пңа̄т ифлъяяҳқаҳӣнаӷнун.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

2е Коринфянам 8:18

Ухпықа̄лгутфут Титымун малигутыснақаҳпут. Қамахтыңъўа̄ӷлютың ухпықат қырңуӷуткаюгның юӷаӷвигни усюқыпихтақа̄т уңипақилъҳаның Пинилӷӣның Уңипаның.

2е Коринфянам 9:13

Тӯньяҳқаҳпысигун ипапиҳқылъықуси ухпықиңанилюсилъю, қа̄ткутңанилюсилъю Пинилӷӣнун Уңипа̄нун Христосым. Тама̄кын апалъюқлъюку югыт усюқылъықа̄т Кияӷнық. Усюқылъықа̄тлъю иӷлылъңунаси тӯнилъыҳпысиның Иерусалимыӷмӣнунлъю, иляңитнунлъю.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,