2е Коринфянам 13:9 - Новый Завет на эскимосском языке

⁹ Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 13:9 Iomraidhean Croise

К Римлянам 15:2

Итупилъ, тамаҳа̄мта ыфқуҳнақылътыху ухпықа̄лгутфут лъңан катам пиниҳқылъыҳқа̄нун, ухпықилъыҳтуҳтысқылъюку.

1е Коринфянам 1:10

Ухпықа̄лгутымни, Атанымта Иисус Христосым а̄тҳакун пӣмси та̄қысқылъюси а̄ҳтӣра̄ӷунъыӷмың. А̄фқӯтыхпынаси. Сюмыҳтаӷалъысилъю, сянақылъысилъю ата̄сӣҳнақлъюки.

1е Коринфянам 2:3

Лъпысинитақңама тытуга̄тақа̄гуңа, алиңрӯқа̄гуңа, уңылыхтыка̄гуңалъю.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

2е Коринфянам 11:30

Қука̄юхнақңукума, қука̄юхлъықуңа кая̄лъиқусимның.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

2е Коринфянам 13:4

Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 4:12

Ынка̄м хўаңкута якуӷналъҳанитукут туқулъҳым қаюҳлъяк қыпҳа̄тңукыфут Кияӷнық. Иўырңа қыпҳалъымта кынлыңилңуӷмың уңувалъыңыстыңъўӣси.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

К Колоссянам 4:12

Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

1е Фессалоникийцам 3:10

Та̄куңинаҳа̄гның юӷа̄ткыңъўа̄мси унухтӯма̄н, аӷныҳтӯма̄н алъя ысҳаӷьяҳқа̄люси, иляяҳқа̄люки ухпықилъыҳпыси аклъюкыхкӣт.

2е Тимофею 3:17

Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

К Евреям 12:23

Тагика̄гуси қырңуӷутылъҳитнун қамахтыңъўа̄ӷлютың ухпықат иӷнықсюхўа̄ӷыстун аюқылӷӣт. Қилягми а̄тҳит игақңа̄т игатхун. Тагика̄гуси Кияӷныӷмун нанқихтистыңитнун қамахтыңъўа̄ӷлютың югыт, таӷныӷӣтнунлъю ылъқуӷутңалӷӣт югыт ӣӷўиҳтыстыканун.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

К Евреям 6:1

Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.