2е Коринфянам 13:5 - Новый Завет на эскимосском языке

⁵ Ювӷӣҳтык лъпысиның лӣгикысқылъюку ухпықылъыҳси Иисус Христосымун. Лӣгикынӷистыхӯу Иисус Христос кияҳтыңъутаңа илюхпысини? Илюхпысининъыӷитңукан, та̄ўа ухпықыпӣлъҳитаҳси.

2е Коринфянам 13:5 Iomraidhean Croise

От Иоанна 14:23

Иисусым кӣмсиқа̄: «Китум пиниқыхкумиңа қа̄ткылъықӣ апыҳтӯсянка. Атама пиниқылъықа̄ ынка̄м Атакулъҳӣгни такулюку кияҳфикылъықаҳпут.

От Иоанна 15:4

Хўаңамнитыкыстаҳтык хўаңа лъпысинитылъымтун. Аваяра̄ӷинақ пӣтыстина̄нӷитуқ ўыткуқун лозамыскуми. Таўатытуси лъңинаҳпыси пӣтыстина̄нӷитуси ўыткуқун хўаңамнитыкыстақуфси.

От Иоанна 17:23

Хўаңа илюңитнитуңа, лъпык илюмнитутын лъңит ата̄сӣҳтыңъўа̄ӷысқылъюки. Ынка̄м нунам юган лӣлъықа̄т лъпынун каяхсиматка. Лӣлъықа̄тлъю пиниқылъҳын тама̄кунун ухпықилӷӣнун хўаңамның, хўаңамнун пиниқылъыҳпытун аюқылӷӣ.

От Иоанна 17:26

Лӣтыстыкақанка натытулыхпының. Лӣтысимаңинаӷнақамкын пиниқылъҳын хўаңамнун илюңитнитысқылъюку, хўаңалъю илюңитнинъалюңа».

От Иоанна 6:56

Китум алңунак ныӷыхкумигу кымыкшака, мыӷыхкумигу а̄кўа, кияҳтыңъӯқ хўаңамни, хўаңа Кияҳтыңӯт лъңан илюңани.

От Иоанна 6:6

Таўатын а̄птыка̄ Филипп натын пилъыҳқа̄ ысҳаӷналюку, лӣсимакыӷңа̄ӷмигу лъми сялъыҳқани.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Римлянам 8:10

Югусиси туқунақңӯт апалъюқлъюки сыӷлыҳқылъыси. Иўырңа Христос кияҳтыңукан илюхпысини, та̄ўа Таӷныӷам уңувалъылилъықӣси, қаюҳлъяк Христосым налъҳусяҳтыстыкақӣси Кияӷныӷым ылъқуӷутңалъҳанун.

1е Коринфянам 11:28

Тама̄кын апалъюқлъюку сивуклъюни югым авутыҳқуткылъики сыӷлыҳқылъыни алъя пияҳқа̄фқӣта пиналюки. Ынка̄м ныӷылӷа̄қ нықыкшаңлъямың, мыӷылӷа̄қлъю қаю̄симың.

1е Коринфянам 11:31

Иўырңа ипапиҳқылъюта нанқихтыкумта хўаңкунъың катам ынка̄м авутыҳқуткыхкумтыки сыӷлыҳқылъыпут, Атанӷым нанқихна̄нӷитӣлъю таўатын пикумта.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

1е Коринфянам 6:15

Лӣсимакынӷистыхӯ югусиси налиӷнықыхкаңи Христосым югусӣн? Югусиқа Христосым пилӣтка̄ атуқысна̄яҳсикӯн аӷнамун акикикаюгмың югусиминың? Нака̄! Пина̄нӷитақа.

1е Коринфянам 6:2

Лӣсимакынӷистыхӯ Кияӷныӷым юган нанқихсяҳқӣ ухпықа̄нӷилңӯт иляңани аӷныӷым? Нанқихсяҳқақңукуфсики, натын пияқнаҳтуткалъықыфтат лъпысинун нанқихтылъыҳқӣ пияқнӣлңӯт?

1е Коринфянам 9:24

Қамахлъютың кытанқустыт сивулӣюкаюгӯт, иўырңа ата̄сиҳақ кая̄лъқӣкаюгӯқ. Кияҳта̄лъыҳпысини Христосымун, кытанқустыстун кая̄лъқӣнақақитык.

1е Коринфянам 9:27

Уңипақӣқуңа натын кияҳтылъыҳқамың Христосымун. Хўаңалъю Кияҳтыңӯт лъңанун ынка̄м югусимнун қа̄ткыстақуңа, лю̄рақ пинӷилъкума Кияӷныӷым иқинъаюкаңаңа лъңаның.

2е Коринфянам 6:16

Кияӷныңлъяқат манигуӷьяҳқа̄нӷитут Кияӷныӷым Храмыңани. Қаюҳлъяк хўаңкута Храмыкӣлъю уңувалӷӣм Кияӷныӷым, Кияӷнық пика̄лӷӣ: «Лъңитнилъықуңалъю, акулңитнилъықуңалъю; Кияӷнықылъықа̄тңа, лъңитлъю юкылъықанка».

К Галатам 2:20

Қақӯра̄тка̄гуңа Христосымун малигулъюңа, ынка̄м хўаңаңунанӣма̄қ кияҳлъыҳӣ; Христосыңуҳсима̄қ кияҳлъыҳӣ илюмни. Кияҳтыңуӷңа̄ӷма югусимни, Кияҳтыңӯт ухпықилъымкун Иӷныӷаның Кияӷныӷым. Пиниқыхкаңаңа, тӯныхка̄лӷӣлъю хўаңамнун.

К Галатам 4:19

Таӷнуҳаҳамни, катам аӷнам ақниҳқылъҳатун иӷниюлъыӷмини хўаңалъю таўатын ақниҳқуткынъықихтыңъўа̄мси кынляңа Христосытун лъӣлъыҳқаҳпысинун.

К Галатам 6:4

Йықай тамаҳаӷми югым ювӷӣӷўа̄ӷлигу кияҳта̄лъыни. Ынка̄м пиниқан қуякнакаңа лъми катам апыӷӣқани успутақылъңуна̄н китум апыӷӣқа̄нун.

К Ефесянам 3:17

Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 2:19

Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.

К Колоссянам 2:7

Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

1е Тимофею 2:15

Иўырңа аӷнат иӷнӣката таӷнуҳаӷның югулилъыңылъықут нагныӷумакуйың ныӷьюклъюку Иисус, пиниқимаңинақумың илямыхның, кияҳсимаңинақумыңлъю аглыӷнаӷлюку кияҳта̄лъыӷмың қусывыхтылъылиӷлютың.

2е Тимофею 3:8

Тама̄кут апыҳтуӷилӷӣт лъңитнун кипулъхина̄ҳлъықа̄т ипапилъық, катам Ианнийым Иамврийым кипулъхина̄лъҳыхкытун Моисей. Умьюгаҳлъю̄хлъықут, ухпықилъҳатлъю ипаңунӷилъықуқ.

К Титу 1:13

Таўатын пилъҳа ипаңӯқ. Та̄на апалъюқлъюку қывӯлъюки аӷью̄ҳқи Критыӷмӣт ухпықӣт ухпықысқылъюки ипапигыт апыҳтӯсят.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

К Титу 2:2

Апыҳтуҳқи нуйыклъӣт югыт нуқынъыҳтусқылъюки, сӣвакналӷӣңулюки, сюмыҳтаӷаюсқылъюки, айыпсюгитысқылъюки ухпықилъыҳқун, пиниқылъыҳқун, нуқынъыҳтулъыҳқун.

К Евреям 12:15

Ысҳа̄макулъюси килъю алңунак лю̄рақ алъхыҳныӷися̄ӷа̄т Кияӷныӷым наңлъыхталъҳа. Нагусяқуна̄нлъю сюңаӷнилңуқ акуқ сыӷлылӣҳқӣлюни на̄фқӣяҳқақ юлӷутмың.

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

К Евреям 6:8

Иўырңа нуна пӣтыстимакуми сикуҳлъюгныңлъю, плевелыныңлъю сятңунӷитуқ. Якуӷна̄нитуқ Кияӷныӷым сыӷлыӷунилъыҳқа̄ның, ынка̄м паныҳсяҳқа̄гуқ.

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.

1е Петра 5:9

Аяклъиҳтыху Туӷныӷақ айыпсюгилңуҳқун ухпықилъыҳпысигун, лӣсимаклъюки ухпықа̄лгутыси нунатаҳа̄нилңӯт таўатын лъңитлъю икфиқңӯт.

Откровение 2:5

Тама̄кын апалъюқлъюку пуйгухпына̄н пиниқыҳлъягьяқыфсиңа, ухпықа̄лгутысилъю. Пиниқнаниӷаҳпысиңа пӣқылъыҳпысистун. Ынка̄м авутыҳқитык. Пиниқынқихтикут пиниқсюххуа̄лъыҳпысистун. Авутыҳқынӷилъкуфси, такулюси иқилъықақа кынылӷутаҳпыси туныма̄ ныңаның.