2е Коринфянам 13:4 - Новый Завет на эскимосском языке

⁴ Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 13:4 Iomraidhean Croise

От Иоанна 10:18

Китум алңунак иқинъа̄нӷита̄ уңувалъқа, қаюҳлъяк хўаңамның катам тӯньюглюку аюқақа. Тӯнилъыҳқалгӯңа уңувалъымның, выҳтилъыҳқалгӯңа уңувалъымның. Таўатын Атама қылъқақа̄ңа».

Деяния 2:36

Уңипа̄таҳлъямси қамахлъюси Израилыӷмӣни, Кияӷныӷым ипапыста̄қ накмикыхкақа̄ Иисус Атанӷулюкулъю, Христосыңулюкулъю. Та̄наңӯқ Иисус қақӯрақаҳси!»

Деяния 3:16

Ысҳақыси уна ю̄к ныкывӷалӷӣ сивухпысини, қамахлъюси лӣсимакаҳси пиюгигасялӷӣңӯқ има алъхынҳаҳа̄тминың. Икнақуҳтыка̄гуқ ухпықлъюку а̄тҳа та̄м ата̄сим Иисусым Кияӷныӷым Уңуваҳтыка̄тун туқулъыӷмың. А̄а, ухпықилъҳан Иисусыкун на̄лъҳутңўа̄ӷа̄, ысҳақыси ма̄тын.

К Римлянам 1:4

Аглыӷналӷӣм Таӷныӷам лӣгикыстӣлъю Атаныҳпут Иисус Христос, Кияӷныӷым аҳтуӷьяҳқа̄нӷилңӯгуқ Иӷныӷа. Таӷныӷам ипапиҳқыхкақа̄ уңуваҳтыслъюку Иисус туқулъыӷмың.

К Римлянам 14:9

Христос туқулюни, уңуваҳтыка̄гуқ Атанӷуналюни уңувалӷӣнунлъю, туқуканунлъю.

К Римлянам 6:4

Крестиӷылъымтыхун туқука̄гукутлъю, қуңука̄гукутлъю Христосыми. Аҳтуӷьяҳқа̄нӷилъыҳлъягмикун Атам уңуваҳтыкақа̄ Христос туқулъыӷмың. Ынка̄м кияҳсяҳқа̄ҳлъықукут кияҳта̄лъылиӷраӷаӷлюта.

1е Коринфянам 1:25

Кияӷныӷым тымңитхўалъҳа пыҳқинӷатаӷаҳтуқ югым пыҳқинылъҳаның. Кияӷныӷым кая̄тылъҳа икнақатаӷаҳтуқ югым икнақылъҳаның.

1е Коринфянам 15:43

Лъӣфқумың нунамылңӯт югусипут сыӷлыӷуҳсяҳқат кая̄лияҳқат, иўырңа югусиқ уңуваҳтыстыкуми пиниӷнаӷьяҳқақлъю, икнақсяҳқақлъю.

1е Коринфянам 2:3

Лъпысинитақңама тытуга̄тақа̄гуңа, алиңрӯқа̄гуңа, уңылыхтыка̄гуңалъю.

1е Коринфянам 6:14

Иляңани аӷныӷым Кияӷныӷым макысяҳқақӣ югусипут туқулъыӷмың аҳтуӷьяҳқа̄нӷилъыӷмикун, таўатыҳпигақ макытылъыӷмитун Атанық Иисус Христос туқулъыӷмың.

2е Коринфянам 10:10

Иляңита пӣқӣт Павелым посланияңи сыӷлыҳлъягунилюки аҳся̄ӷмикаӷңанилюки, нақам хўаңкунъинъыӷмини, аҳся̄н аюқақуқ, акузийӣтақуқлъю!

2е Коринфянам 12:10

Та̄на апалъюқлъюку қуя̄қуңа кая̄лъиқңанымни, сыӷлықӯлъыңнымни, пияқлъӣнымни, амью̄ткылъыңнымни, алъя̄ҳӣнаӷмыңлъю сыӷлылӣнымни Христос апалъюқлъюку. Қаюҳлъяк кая̄лъиқңанымни та̄ўа икнақақуңа.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

К Филиппийцам 3:10

Пиюкылъыҳлъякақа, лӣнъалюку Христос, нанӷӣӷналюкулъю аҳтуӷьяҳқа̄нӷилъҳа уңуваҳтылъҳан; илянъалюңалъю икфиқылъҳанун, лъңатунлъю лъӣӷьяҳқа̄люңа туқулъҳани.

К Евреям 5:7

Кияӷнық аҳтуӷьяҳқа̄нӷилъылгӯқ югулияҳқа̄люку Иисус туқулъыӷмың. Ынка̄м Иисус нунамытңулюни, игляхтулюни қунитӯмаӷми юӷақа̄лӷӣлъю, туңсиқа̄лӷӣлъю Кияӷныӷмун югулисқылъюни туқулъыӷмың. Кияӷныӷым нагаткақӣ юӷалъҳи, қаюҳлъяк қусывыхлъюни қа̄ткыхка̄ Кияӷныӷым пиюкылъҳа.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 3:22

Иисус Христос қилягмун маюӷлюни аӷынқигныӷанитуқ Кияӷныӷым. Ынка̄м иглыӷутңўӣ қамахлъюки яқулгыт, қилягым иглыӷутистыңи, аҳтуӷьяҳқа̄нӷилъҳытлъю.