2е Коринфянам 13:14 - Новый Завет на эскимосском языке

¹⁴ Наңлъыхталъҳа Атанӷым Иисус Христосым, пиниқылъҳалъю Кияӷныӷым, қырңаӷмытылъҳалъю Аглыӷналӷӣм Таӷныӷам лъпысинилъи.

2е Коринфянам 13:14 Iomraidhean Croise

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

От Иоанна 4:10

Иисусым кӣмсиқа̄: «Гӯк, лӣсимаксяқувгу Кияӷныӷым тӯньяҳқа̄, лӣсимаксяқувгулъю кинаңутаңа мыҳсиңлъялӷӣ лъпынун, мыҳсиңлъяӷвикнаяӷан уңувалъыңыстикаюгмың мыӷмың».

От Иоанна 4:14

Мық хўаңа тӯньяҳқақа китум алңунак мыӷыхкумигу алъямыңлъю мықсюгна̄нӷитуқ. Мық тӯньяҳқақа лъңанун таўатын лъӣӷьяҳқа̄гуқ сыңъулӷӣстун, тывуӷалӷӣ лъңан илюңаның. Та̄на мық кынлыңилңуӷмың уңувалъыңусиҳқақа̄».

От Иоанна 7:38

Китум алңунак ухпықыхкумиңа, илюңаның қамакын кӣўыт ма̄қсяҳқа̄гут уңувалъыңыстикаюгыт мыӷыт». Акузитыт Игақыхкат таўатын пика̄гут.

Деяния 15:11

Иўырңа ухпықаҳпут Кияӷныӷым югуликақӣлъю каюсилъҳакун Атанӷым Иисусым таўатыҳпигақ язычнигнун пилъыӷмитун».

К Римлянам 1:7

Қамахлъюси лъпыси Римымылңуӷни Кияӷныӷым пиниқыхкӣтни, туқлъюқӣтнилъю юкналюси: Кияӷныӷым Атамта, Атанӷымлъю Иисус Христосым каюсӣлъиси, ныкыхмылъылисилъилъю.

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

К Римлянам 16:23

Хўаңа Павел, Гаийемытақуңа. Мыңтыӷа̄ни қамахлъютың ухпықат қырңуӷуткаюгӯт. Лъңанлъю, ухпықатлъю сю̄мқақӣсиңуқ. Ныҳлъямта манимың афлъыңакистыңан, Ерастым, ухпықа̄лгутымталъю Квартым сю̄мқақӣсиңуқ.

К Римлянам 16:27

Лъңина̄гуқ Кияӷнық, пыҳқинылӷӣ сямун тамаҳа̄нун. Югыт усюқлъитху қӯнпырухлъяк Иисус Христосыкун! Аминь.

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

К Римлянам 8:39

Талўа сяңўа̄т қулымнъи налиӷмың асимнъи. Улима̄ӷми иқитыстияҳқақшахӣтуқ хўаңкунъың Кияӷныӷым пиниқылъҳаның Христос Иисусыкун Атанымтыхун.

К Римлянам 8:9

Иўырңа лъпыси иглықатақңунӷитӣси югусиҳпыси пиюкылъҳан. Иглықатақңўӣси Кияӷныӷым Таӷныӷахкынка, қаюҳлъяк ипа кияҳтыңъулӷӣ илюхпысини. Христосым Таӷныӷакык кияҳтыңъунӷилъкайык илюңани югым, пикынӷита̄ Христосым.

1е Коринфянам 12:13

Қамахлъюки ухпықат налиӷнықуӷӣ Христосым югусӣн. Иляпут Иудеяңӯт, иляңи язычнигыт, иляңи қыпҳаҳтыля̄ӷыт, иляңи қыпҳаҳтыля̄ӷунӷитут. Иўырңа қамахлъюта крестиӷыка̄гукут та̄хун ата̄сикун Аглыӷналӷӣгныкун Таӷныӷагныкун, Христосымун югусилӣтысқылъюта. Қамахлъюта тугуклъиқақахпут ата̄сик Таӷныӷак.

1е Коринфянам 14:16

Қаюҳлъяк таӷныӷахпыгун усюқыхкувгу Кияӷнық алъястун улюстун, натынңам лӣгикигалңӯм усюқилгусиҳлъықатын Кияӷныӷмун игамсиқаюлъыҳпының? Налъюка̄ сямың пӣқсин.

1е Коринфянам 16:23

Наңлъыхталъҳа Атанӷым Иисусым лъпысинилъи.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

2е Коринфянам 8:9

Лӣсимакаҳси пиниқиңалъыҳлъяга Атанымта Иисус Христосым. Аклъюңиҳлъягмини таўалъӣма лъңаның катам аклъюма̄ҳтыка̄гуқ лъпыси апалъюқлъюси. Таўатын пика̄гуқ аклъюңиӷисқықаҳлъюси аклъюмалъыӷмикун.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Ефесянам 2:18

Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

К Ефесянам 2:22

Илятңалъыҳпысигун Христосымун, малигулъюси иляңитнун ухпықанун ныкыфтыңъӯси мыңтыӷамун Кияӷныӷым кияҳфиганун Таӷныӷагмикун.

К Ефесянам 5:9

(Қаюҳлъяк кияҳныҳпысини ниӷугми пиниҳтыстақӣси, ылъқуӷутңастақӣси, ипаңустақӣси.)

К Ефесянам 6:23

Кияӷныӷмың Атамың, Атаныӷмыңлъю Иисус Христосымың лъпысинун пиңӯк ныкыхмылъықлъю, пиниқылъықлъю ухпықилъылык.

К Филиппийцам 2:1

Кияҳта̄лъыҳпыси Христосыкун икнақуҳтисӣ? Пиниқылъҳан илютуҳтисӣ? Қуя̄стык ата̄систун лъӣлӷӣси ухпықа̄лгуткулъҳӣни Аглыӷналӷӣгныкун Таӷныӷагныкун? Пинитун пӣқыстыкӣ, наңлъыкақыстыкӣ иляси?

1е Иоанна 1:3

А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

1е Иоанна 3:16

Хўатын ысҳа лӣсимакыхкыфут пиниқылъық сяңутаңа: Христосым тӯнылъҳакун уңувалъыни хўаңкунъун. Ынка̄м хўаңкуталъю тӯнылътыки уңувалъыпут ухпықа̄лгутымнъун.

1е Иоанна 3:24

Китум алңунак қа̄ткыхкумики Кияӷныӷым қылӷӯсӣ кияҳтыңъӯқ Кияӷныӷми, Кияӷнық лъңани. Хўатын ысҳа лӣсимакыхкыфут Кияӷныӷым хўаңкунъитылъҳа: Таӷныӷагныкун тӯныхкамикун хўаңкунъун.

От Иуды 1:21

Кияӷныӷым пиниқылъҳанитыкыстаҳтык, утақӣмалюси Атанымнъың Иисус Христосымың тӯнысқылъюси кынлыңилңуӷмың уңувалъыӷмың наңлъыхталъыӷмикун.