2е Коринфянам 13:11 - Новый Завет на эскимосском языке

¹¹ Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

2е Коринфянам 13:11 Iomraidhean Croise

От Матфея 1:23

«Аӷнаӷақ югым атуқылъҳилъкаңа қумиңлюни, иӷныңылъықуқ. А̄тқысяҳқақа̄ Еммануил» хўатын писиқ: «Кияӷнық хўаңкунъилңуқ».

От Матфея 5:48

Лъпыси авақутақңутаңаның Атахпыси қилягмылңӯм пиниҳтык таўатыҳпигақ Атахпыси пинилъҳатун».

От Марка 10:49

Иисусым аӷулӣӷлюни пикӣ: «Тагисқитыху». Ынка̄м туқлъюӷлюку ая̄кақ пика̄т: «Сыӷлыҳалык, туқлъюӷа̄тын ныкыви!»

От Марка 9:50

Таӷьюқ пиниҳтуқ иўырңа таӷьюӷниңӣскан, натын лъпыси таӷьюӷниҳлъя̄таӷнаяӷыстыху? Таӷьюӷниңӣтыхпынаси, ныкыхмытулъюсилъю».

От Луки 9:61

Иляңан югым пика̄: «Атанық, малихлъықамкын иўырңа сивуклъюки нымӣнка уңипа̄сяҳтуқаӷнақанка».

От Иоанна 17:23

Хўаңа илюңитнитуңа, лъпык илюмнитутын лъңит ата̄сӣҳтыңъўа̄ӷысқылъюки. Ынка̄м нунам юган лӣлъықа̄т лъпынун каяхсиматка. Лӣлъықа̄тлъю пиниқылъҳын тама̄кунун ухпықилӷӣнун хўаңамның, хўаңамнун пиниқылъыҳпытун аюқылӷӣ.

Деяния 15:29

Ныӷыхпынаси нықмың аҳтуткыхкамың кияӷныңлъяқанун, а̄ўмың, тыӷикусямың қымиткамың, нуқытутақитыхулъю блуда. Малихтыкуфсики та̄кут Лӣлиҳтӯсят та̄ўа пинитун пилъықуси. Таўатыңинақ письмомамси».

Деяния 18:21

Ынка̄м аӷуляқнақңами пикӣ: «Кияӷныӷым пиюкылъқыхкагу алъя тагилъықуңа». Та̄хкын Ефесымың аңьяҳпахкун аӷуляқыхкақ.

Деяния 23:30

Уңипа̄сятңа Иудеянңуқ туқунъақақа̄т Павел, таўаниңинақ лъпынун агля̄тыстақа. Та̄кутлъю авуткистыңи каяхтанка лъпынун апыӷьяҳтӣсқылъюку апалъя̄т.

К Римлянам 12:16

Кияҳтык ныкыхмытулъюси. Қука̄юхтыхпынаси йыӷлыги илякитыки укаванталӷӣт. Сюмыҳтаӷа̄ткыхпынаси пыҳқинӷунилюси иляхпысиның.

К Римлянам 12:18

Пияҳқа̄кан, пӣқитыху сяңўа̄ пияҳқаҳси кияҳтысқылъюси ныкыхмылъюси тамаҳа̄нун.

К Римлянам 14:19

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 15:33

Кияӷнық ныкыхмылъылитилӷӣ тамаҳаҳпысинилъи. Аминь.

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

1е Коринфянам 1:10

Ухпықа̄лгутымни, Атанымта Иисус Христосым а̄тҳакун пӣмси та̄қысқылъюси а̄ҳтӣра̄ӷунъыӷмың. А̄фқӯтыхпынаси. Сюмыҳтаӷалъысилъю, сянақылъысилъю ата̄сӣҳнақлъюки.

2е Коринфянам 1:4

Каюсиӷақӣлъю қамахлъюта сыӷлылӣлъымнъи, ынка̄м хўаңкуталъю каюсиӷьяқлъыгўа̄пут тама̄кут алъя̄ҳӣнаӷмың сыӷлылӣлӷӣт, атуқлъюку ата̄сиқ та̄на каюсилъық алъхыҳтыкаҳпут Кияӷныӷмың.

2е Коринфянам 13:14

Наңлъыхталъҳа Атанӷым Иисус Христосым, пиниқылъҳалъю Кияӷныӷым, қырңаӷмытылъҳалъю Аглыӷналӷӣм Таӷныӷам лъпысинилъи.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

К Ефесянам 4:12

Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Ефесянам 4:3

Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын.

К Ефесянам 6:23

Кияӷныӷмың Атамың, Атаныӷмыңлъю Иисус Христосымың лъпысинун пиңӯк ныкыхмылъықлъю, пиниқылъықлъю ухпықилъылык.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Филиппийцам 3:16

Уна мыгнунапихтуқ, нагныӷутылътыки кияҳта̄лъыпут малихлъюку ипапиҳқылъық лӣткаҳпут.

К Филиппийцам 4:2

Еводия, Синтихия, қывӯлъюңа қылыӷнақамтык, та̄қитык аӷиванъыӷмың. Ата̄систун лъӣҳтык, қаюҳлъяк ухпықа̄лгуткутутык Атаныҳқун.

К Филиппийцам 4:4

Ӣўлың қуяма̄қитык Атаныҳқун. Пинақлъя̄таӷамси, Қуяма̄қитык!

К Филиппийцам 4:9

Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

1е Фессалоникийцам 3:10

Та̄куңинаҳа̄гның юӷа̄ткыңъўа̄мси унухтӯма̄н, аӷныҳтӯма̄н алъя ысҳаӷьяҳқа̄люси, иляяҳқа̄люки ухпықилъыҳпыси аклъюкыхкӣт.

1е Фессалоникийцам 4:1

Ухпықа̄лгутымнъи, аляӷраң хўатын пинақамси, лӣтивикыхкақамси натын кияҳтылъыҳқамың ыфқуӷнаӷлюси Кияӷныӷмун, ысҳа таўатын кияҳлъыҳӣси. А̄тҳакун Атанӷым Иисусым кайымамси ўатақа̄ӷақ таўатын писқылъюси.

1е Фессалоникийцам 4:18

Тама̄кын апалъюқлъюку илютуҳся̄сиқақитыки та̄кут акузитыт.

1е Фессалоникийцам 5:13

Сӣвакыҳлъягақитыкилъю, пиниқақитыкилъю апалъюқлъюки қыпҳалъҳит. Ныкыхмытулъюси пӣқитык.

1е Фессалоникийцам 5:16

Қуямаңинаӷлюси,

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

2е Фессалоникийцам 2:16

Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка

2е Фессалоникийцам 3:1

Ухпықа̄лгутымнъи, та̄қнӣткун сямың пӣӷа̄тақаӷлямси. Юӷа̄ткитыкут Атанӷым уңипа̄ миңишахкӣӷысқылъюку, югнунлъю қӯлвӣсқылъюку, катам лъпыси пилъыҳпысистун.

2е Фессалоникийцам 3:16

Атанӷым лъңаның катам ныкыхмылъылитикаюгым, ныкыхмылъылисилъи ӣўлың сями тамаҳа̄ни. Атанық тамаҳа̄ҳпысинилъи.

2е Тимофею 2:22

Иқитңалютын сямың сыӷлыӷмың аңлинҳат атуқсюгақыхкаңитның. Қӯнпың атуқақигу ылъқуӷутңалъық. Ата̄сӣӷмылъютын, пиниқиңалютын, ныкыхмылъютынлъю. Тама̄кут атуқики, малигулъютың туқлъюӷилӷӣнун Атаныӷмун қамакын пылюңилңуӷмың илюмыхның.

К Евреям 12:14

Кияҳнақитык ныкыхмытулъюси тамаҳа̄нун югнун, кияҳнақитыклъю сыӷлыҳқылъңунаси. Килъю алңунак пылюңинъыӷилңӯт ысҳаӷна̄нӷита̄т Атанық.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

От Иакова 1:4

Та̄хкын нуқынъыҳтулъыҳси нагныӷнакыси. Ынка̄м таўатын пикуфси аңтанӣлъықуси, ӣӷўиҳлъықуси нӯӷьяҳқа̄хпынаси.

1е Петра 3:11

Сыӷлытун пинаниӷлюни, пинитун пили. Ныкыхмынъақлъюнилъю кияҳлъи,

1е Петра 3:8

Та̄қмиӷнақанка сямың пилъҳынка хўатын: қамахлъюси ата̄систун сюмыӷнылгутык, ақниқутутык, пиниқутык аңлыгуткулъҳӣстун, наңлъыкутутык, қусывгутутык.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

Откровение 22:21

Наңлъыхталъҳа Атанымта Иисусым тамаҳаҳпысинилъи. Аминь.