2е Коринфянам 12:9 - Новый Завет на эскимосском языке

⁹ Иўырңа пӣңа: «Каюсилъқа на̄ма̄қ лъпынун сюфлъюҳтысқылъюку та̄на икфиқылъық қаюҳлъяк аҳтуӷьяҳқа̄нӷилъқа икнақылъыҳпига̄гўақуқ кая̄лъиқныҳпыни». Ынка̄м қуякусиқлъюку қука̄юхтақуңа кая̄лъиқусимның хўаңамнитысқылъюку Христосым аҳтуӷьяҳқа̄нӷилъҳа.

2е Коринфянам 12:9 Iomraidhean Croise

От Матфея 28:18

Иисусым такулюки пикӣ: «Қамахлъюни аҳтуӷьяҳқа̄нӷилъық қилягмилъю, нунамилъю хўаңамнун тагивақа̄гуқ.

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

От Луки 21:15

Хўаңа акузиткаҳқалилъықамси, пыҳқинылъылилъықамсилъю рыпалъ аңуяхпыси кипулъхина̄ҳпагниңитӣт акузилъыси налиӷмың тымңиңунина̄нӷитӣт.

1е Коринфянам 10:13

Қамахлъютың нанӷӣқулъыси алъяка̄ягунӷитут югнун. Иўырңа Кияӷнық ата̄сӣӷмытуқ, нанӷӣқулъыӷмун қа̄сҳутысяҳқақынӷитӣ икнақылъыси, икнақылъылитақна̄ӷӣси нуқытусиҳқамың. Ынка̄м иқитақылъықуси та̄хкын нанӷӣқулъыӷмың.

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 2:3

Лъпысинитақңама тытуга̄тақа̄гуңа, алиңрӯқа̄гуңа, уңылыхтыка̄гуңалъю.

1е Коринфянам 2:5

Ынка̄ңам ухпыҳтуси апалъюқлъюку Кияӷныӷым аҳтуӷьяҳқа̄нӷилъҳа, нака̄н апалъюқлъюку югым пыҳқинылъҳа.

2е Коринфянам 11:30

Қука̄юхнақңукума, қука̄юхлъықуңа кая̄лъиқусимның.

2е Коринфянам 12:1

Қука̄юхсяҳқа̄гуңа, аныӷныҳқусӣнӷитыӷңа̄н. Паниның уңипа̄нъақамси ысҳаӷўа̄лъымның, Атанӷымлъю алӣҳқуқа̄ның хўаңамнун.

2е Коринфянам 12:10

Та̄на апалъюқлъюку қуя̄қуңа кая̄лъиқңанымни, сыӷлықӯлъыңнымни, пияқлъӣнымни, амью̄ткылъыңнымни, алъя̄ҳӣнаӷмыңлъю сыӷлылӣнымни Христос апалъюқлъюку. Қаюҳлъяк кая̄лъиқңанымни та̄ўа икнақақуңа.

2е Коринфянам 12:15

Тӯньяҳқа̄ҳтамси сямың тамаҳа̄ның хўаңа пимның, талўа хўаңамның тӯнылъықуңа лъпысинун. Пиниқатаӷанымси, лъяңақа лъпыси пиниқыпагигатаҳпысиңа.

2е Коринфянам 12:5

Қука̄югуткынъақақа та̄на ю̄к, иўырңа қука̄югуткынъақынӷитуңа хўаңамның иўырңақун кая̄лъиқусиқыхкаҳӣнамның.

К Ефесянам 3:16

Юӷаҳтуңа Кияӷныӷмун аклъюңиҳлъяганың аҳтуӷьяҳқа̄нӷилъылитысқылъюси икнақуҳсӣсқылюки илюси қа̄мкут Таӷныӷахкынкун.

К Филиппийцам 4:13

Сяңўа̄ алңунак пияҳқақақа Христосыкун икнақуҳсяҳтымкун.

К Колоссянам 1:11

Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун.

1е Тимофею 1:14

Иўырңа Атанымта наңлъыкыҳлъякақа̄ңа! Ухпықилъылиткақа̄ңа, пиниқылъылиткақа̄ңалъю Христос Иисусымылңуӷмың.

К Евреям 11:34

Кумаӷуҳлъягыт кынӷыт қа̄мтақӣт, анагақлъюкилъю туқутистыкаҳқатың сявихпахкун. Кая̄тақут иўырңа ухпықилъҳита икнақуҳтақӣт. Ухпықилъыҳқун пилъюўаҳтыңит икнақуҳтыҳлъягақут ынка̄м кая̄лъқақӣт иляңита нунат пилъюўаҳтыңит.

К Евреям 4:16

Ынка̄м тытулъңуна̄мта агля̄лъта умӣлгусигнун ақумутахкынун Кияӷныӷым, алъхыӷусаҳқа̄люта наңлъыхталъҳанун. Таўани наңлъыкылъықӣлъю, каюсиҳлъықӣлъю аклъюкилъымнъи.