2е Коринфянам 12:6 - Новый Завет на эскимосском языке

⁶ Қука̄югуткысюкума хўаңамның, тымңиңуна̄нӷитуңа қаюҳлъяк апыҳлъықақа ипапилъық. Иўырңа қука̄югуткынъанӷитуңа хўаңамның, қаюҳлъяк югнун сюмыҳтаӷа̄ткысюхтуңа ылъқуҳлъюңа ысҳапалъҳитхунлъю, нагатылъҳитхунлъю хўаңа.

2е Коринфянам 12:6 Iomraidhean Croise

К Римлянам 9:1

Апыӷьюкақа лъпысинун ипаңӯқ. Иқлъыңиқңунӷитуңа қаюҳлъяк Христосым пика̄ңа, Аглыӷналӷӣм Таӷныӷамлъю иглыӷутңўа̄к умьюгахка.

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

2е Коринфянам 1:18

Ипапыста̄қ Кияӷнық ата̄сӣӷмытуқ, акықусяқа лъпысинун «А̄ңӷунӷитуқлъю», «Нака̄ңунӷитуқлъю».

2е Коринфянам 11:16

Алъя пӣмси, китум алңунак сюмыҳтаӷа̄ткынӷилъиңа тымңитхўаңулюңа. Иўырңа таўатын сюмыҳтаӷа̄ткыңъукуфсиңа, тугуклъиқаҳтыңъа тымңитхўаңулюңа. Та̄хкын хўаңалъю қука̄юхтывлыӷаҳлъықуңа.

2е Коринфянам 11:31

Кияӷныӷым лӣсимака̄ңа иқлъыңиқна̄нӷитуңа. Лъңа Атака̄ Атанӷым Иисусым, усюқсяҳқақ қӯнпырухлъяк.

2е Коринфянам 12:11

Акузиңӯңа тымңитхўастун, иўырңа лъпыси таўатын пистаҳпысиңа. Лъпыси пинитун акузиткысяҳқақсяӷаҳпысиңа иляхпысинун. Қайўа сясӣнӷитыӷңа̄ӷма, тама̄кут «а̄ңўа̄ӷыт апостолыт» а̄ңўа̄ӷунӷитут хўаңамның.

2е Коринфянам 12:7

Кияӷныӷым алӣҳтыкақыӷңа̄ки хўаңамнун угля̄пихлъыӷӣт сяңўа̄т қилягми, қука̄юхтыстысюнӷита̄ңа. Ынка̄м Кияӷныӷым қусывыхтысқылъюңа сикуҳлъюңыста̄ңа югусимкун. Та̄на сикуҳлъюк уңипаҳтыңӯқ Туӷныӷаӷмың. Та̄м икфиқыста̄ңа қусывыгңасқылъюңа.

2е Коринфянам 5:13

Налъютуйиқңукумта, Кияӷныӷмун аюқуқ, иўырңа налъютуйиқңунӷилъкумта, лъпысинун аюқуқ.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.