2е Коринфянам 12:2 - Новый Завет на эскимосском языке

² Лӣсимакақа ю̄к Христосымылңуқ. Қуля стамат сӣпнықлъюки аюмиқулъыӷни агани наӷуҳтыкани Кияӷныӷым маю̄тқаҳтыкақа̄ пиңая̄нун қилягым. Налъюкңўа̄ӷақа ю̄к югусиминитутаңа налиӷмың югусиминың а̄нңака̄таңа, иўырңа Кияӷныӷым лӣсимака̄.

2е Коринфянам 12:2 Iomraidhean Croise

От Луки 24:51

Қуясималюки униткӣ, Кияӷныӷым қилягмун маю̄тыстыка̄.

От Иоанна 6:56

Китум алңунак ныӷыхкумигу кымыкшака, мыӷыхкумигу а̄кўа, кияҳтыңъӯқ хўаңамни, хўаңа Кияҳтыңӯт лъңан илюңани.

Деяния 14:6

Нагақуӷьямык югнун таўатын пинақнилютык, қимакак Ликаониям ныҳлъягыхкынун Листрамунлъю, Дервиямунлъю, увитыхкынилңуӷнунлъю нынун.

Деяния 22:17

«Та̄хкын Иерусалимымун тагинқихлъюңа, Храмыми юӷа̄малюңа ысҳаӷўа̄лъыҳқун

К Римлянам 16:10

Уңипа̄таҳнакыси Апеллесалъю сю̄мқақақаңуқ. Нанӷӣҳсяӷалъыңақңами ипапиҳқыхкақа̄ ата̄сиӷмитылъыни Христосымун. Уңипа̄таҳнакыси ныңлъюгутаңи Аристовулым сю̄мқақанкаңуқ.

К Римлянам 16:3

Уңипа̄таҳнакыхси Прискиллалъю, Акилалъю сю̄мқақахкаңуқ. Қыпҳалгуткахка Христос Иисусымун.

К Римлянам 16:7

Уңипа̄таҳнакыхси Андроникалъю, Юниюлъю Иудейялгутыхка, анусимиңлъяӷалгуткыхкақахкалъю, сю̄мқақахкаңуқ. Апостолыңӯк югыт лӣсимакңўа̄қыхкыт; сивумни ухпықа̄ҳтыка̄гук.

К Римлянам 16:9

Уңипа̄таҳнакыси Урбан, қыпҳалгутфут Христосымун, пиниқыхкақалъю Стахия, сю̄мқақахкаңуқ.

К Римлянам 8:1

Ынка̄ңам киналъю алңунак Христос Иисусымун илятка̄ката Кияӷныӷым нанқихна̄нӷитӣ аӷью̄ӷьяҳқа̄люки.

1е Коринфянам 1:30

Кияӷныӷӯқ тӯнистыси уңувалъыӷмың Христос Иисусыкун. Кияӷныӷым Христос Иисусымун тӯныстӣлъю пыҳқинылъыӷмың, ылъқуӷутыстӣлъюлъю Кияӷныӷми, аглыӷнаҳтыстӣлъюлъю, итымутыстӣлъюлъю сыӷлыҳқылъымнъың.

2е Коринфянам 11:11

Каютыңлъянӷитутымның лъпысинун, сюмыҳпысинӣи пиниқынӷинъилюси пӣқыстык хўаңамнун? Кияӷныӷым лӣсимака̄ пиниқилъқа лъпысинун.

2е Коринфянам 13:5

Ювӷӣҳтык лъпысиның лӣгикысқылъюку ухпықылъыҳси Иисус Христосымун. Лӣгикынӷистыхӯу Иисус Христос кияҳтыңъутаңа илюхпысини? Илюхпысининъыӷитңукан, та̄ўа ухпықыпӣлъҳитаҳси.

2е Коринфянам 5:17

Кина алңунак Христосым пилӣнъыӷминигу нутаӷаҳлъюгуҳтақуқ. Кияҳта̄лъылъюга авӣӷутақуқ, иўырңа нутаӷаҳлъюк кияҳта̄лъҳа пӣнлиӷақуқ.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

К Галатам 1:22

Тама̄ни Иудеями ухпықат Христосыкун сялин налъӣгалъкаңатңа хинасяҳқуӷлюңа.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 4:10

Ынка̄м лъңа та̄на укикақ сямавык, лъңаңӯқ ата̄сиқ та̄на маюқақ памавык иңьяӷлюки қилягыт, имиӷналюку сяңўа̄ қамахлъюку наю̄тңалъыӷминың.

1е Фессалоникийцам 4:17

Та̄хкын хўаңкута уңувалӷӣни уныхтыкани, Кияӷныӷым қырңуӷутыслъюта, лъңитнун, ҳатаӷаҳта̄тыслъықӣнкутлъю қилягўа̄ӷнун па̄йӷысқылъюку Атанық ыслъями. Ынка̄м Атаныӷмылъықукут қӯнпырухлъяк.

К Евреям 4:14

Тама̄кын апалъюқлъюку Первосвященнигрухлъягӯкут қилягмун маюқамың. Иисусыңӯқ, Иӷныӷа Кияӷныӷым. Ынка̄м ухпықилъыӷмытыкыста̄лъта а̄пқамнъи югнун.

К Евреям 9:24

Христос ӣтҳумаңитуқ Аглыӷналъыҳпигаӷмун Нымун югыт улима̄ӷитнун. Та̄на ипапихтун қилягмылңуҳтун аюқуқ. Йыӷлыги қилягмун ӣтқа̄гуқ ынка̄м ма̄тын Кияӷныӷмытуқ Первосвященнигаңулюни хўаңкунъун.

Откровение 1:10

Атанӷым Аӷныӷани Аглыӷналӷӣм Таӷныӷам ӣтҳа̄ңа. Та̄хкын тунутымнилъюку нагақуӷақа ма игляхтуқақ қалӷиҳта̄тытун.

Откровение 12:5

Аӷнақ иӷныңуқ, иглыӷусяҳқӣ қамахтыңъўа̄ӷлюки нунам юги сявикынӷаӷмың анагуталиӷлюни. Иўырңа аӷнам таӷнуҳа̄ акуқаӷлюку агля̄та̄т Кияӷныӷмун, умӣлгусихкынунлъю ақумутагнун.

Откровение 4:2

Таўаниңинақ Таӷныӷагнитуңа. Та̄ўа қилягми ысхаӷахка умӣлгусик ақумутак, кина ақумгафтуқ.