2е Коринфянам 12:14 - Новый Завет на эскимосском языке

¹⁴ Ля̄лиҳфикнақақамси пиңайӣткун, иўырңа уӷлыӷӣӷуткыстысюнӷитуңа лъпысинун. Лъпыси сюмыӷмикақамси, нака̄н сяӷьяси. Таӷнуҳақылӷӣстун аюқамси. Таӷнуҳа̄т афлъыңакияҳқа̄нӷитут аңаюқамыхның, иўырңа аңаюқат афлъыңаксяҳқақӣт таӷнуҳатың.

2е Коринфянам 12:14 Iomraidhean Croise

Деяния 20:33

Лъпысинитақңама манихпысиныңлъю, а̄ткаҳпысиныңлъю қилӣӷумаңитуңа.

1е Коринфянам 10:24

Кина алңунак лъңина̄юхтыфқа̄ми пӣқлъи, йыӷлыги иляңилъю сюмыҳтаӷа̄ткақлъюки.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

1е Коринфянам 11:34

Игаталӷӣт тама̄кут нымыхни ныӷлит ынка̄ңам Атанӷым нанқихныӷилъики. Агляқума лъпысинун иляңи а̄птыкаси кӣмсиӷна̄ӷанка.

1е Коринфянам 16:5

Лъпысинун ля̄лиҳнақыхкума сивуклъюңа Македониякун а̄хлъықуңа.

1е Коринфянам 4:19

Иўырңа Атанӷым пиюкылъқыхкагу, лъпысинун пияҳтуңыстаҳтуңа. Та̄хкын лӣгикылъықанка а̄ңа̄югныӷыт а̄ңа̄юхтылъыӷмыгыстун пияҳқа̄таңи.

1е Коринфянам 9:12

Апыҳтуӷистым иляңи лъпысиның алъхыӷутңуката аклъюкыхкамыхның, хўаңкутуң ўатақа̄ӷақ пияҳқаҳпига̄яҳтукуң. Йыӷлыги қыпҳаӷьюка̄гукуң маниңырыгаӷналютуң аклъюкыхкамтыгның алъхыӷунъалютуң. Иляңани манипагитақукуң. Талўа тама̄ни а̄псюгигатамси акилыҳтӣсқылъютуң. Уната апалъюқа, китумун алңунак хўатын писюнӷитукуң: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

1е Коринфянам 9:18

Сяңа̄ўа акилыҳтӯсяқа? Акилыҳтӯсяқақа уна, қуяпихтақуңа акилыҳтӯсяңунаңа уңипақинымни Пинилӷӣның Уңипаның, қайўа акилыҳтуӷьяҳқақсяӷңа̄ҳпысиңа.

1е Коринфянам 9:19

Қыпҳаҳтыля̄ӷунӷисяӷңа̄ӷма, хўаңамның катам қыпҳаҳтыля̄ӷуҳтыка̄гуңа китумун алңунак, югмун углялӷӣмун ухпықысқылъюку Христос.

2е Коринфянам 1:15

Қаюҳлъяк ипапиҳқуткыхкақақа қамахлъюку тама̄на, сивуклъюңа лъпысинун ля̄лиҳналюңа пика̄яҳтуңа, қуястылъыңнаюкафси малӷуҳқыңъа̄н.

2е Коринфянам 11:9

Лъпысинитақңама уӷлыӷӣҳтылъҳитамси каюсӣтысқылъюңа аклъюкыхкамның. Ухпықа̄лгутыт Македониямың тагиткақа̄тңа сямың тамаҳа̄ның аклъюкыхкамның. Ынка̄м а̄пфикылъҳитамси аклъюкыхкамның, а̄пфикна̄нӷитамси.

2е Коринфянам 12:13

Сякақсиңи ухпықат иляңитнилңӯт юӷаӷвигми лъпысинун пимаңилъкымның? Ата̄сиҳӣнақ алъяңӯқ, акилгуқумаңитамси. Сыӷывутаҳтыңъа анахсимакумси!

К Галатам 4:19

Таӷнуҳаҳамни, катам аӷнам ақниҳқылъҳатун иӷниюлъыӷмини хўаңалъю таўатын ақниҳқуткынъықихтыңъўа̄мси кынляңа Христосытун лъӣлъыҳқаҳпысинун.

К Филиппийцам 4:1

Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун.

К Филиппийцам 4:17

Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.

1е Фессалоникийцам 2:11

Лӣсимакаҳси катам атам афлъыңакилъҳатун таӷнуҳаӷминың, хўаңкуталъю тамаҳаҳпыси таўатын катам афлъыңакыхкақамси. Кайымыхкақамси, илютуҳсяқақамси, қылӷута̄тақақаҳпут лъпысинун атуқысқылъюку кияҳта̄лъық ыфқуӷналӷӣ Кияӷныӷми. Туқлъю̄ңўӣси илятысқылъюси лъми катам Атаныҳпагулъыӷминунлъю, пиниӷналъыҳлъягминунлъю.

1е Фессалоникийцам 2:8

Пиниқыпихтамси, ынка̄м қуякусиқинаӷлюку лъпысинун лӣсимакысюгапут Кияӷныӷым Пинилӷӣт Уңипӣ. Пинилӷӣңина̄т Уңипат пихпынаки, қуякусиқинаӷлюку сямың тамаҳа̄ның каюсиӷьюглюси аюқамси, қаюҳлъяк пиниқсялӣткақамси.