2е Коринфянам 12:11 - Новый Завет на эскимосском языке

¹¹ Акузиңӯңа тымңитхўастун, иўырңа лъпыси таўатын пистаҳпысиңа. Лъпыси пинитун акузиткысяҳқақсяӷаҳпысиңа иляхпысинун. Қайўа сясӣнӷитыӷңа̄ӷма, тама̄кут «а̄ңўа̄ӷыт апостолыт» а̄ңўа̄ӷунӷитут хўаңамның.

2е Коринфянам 12:11 Iomraidhean Croise

От Луки 17:10

Лъпысилъю таўатытуси. Апыӷӣӷумакуфсики қамахлъюки Кияӷныӷым қылӷуткӣ, хўатын пилъықуси: “Қыпҳаҳтыңина̄гукут; та̄ўара̄ӷинақ қылӷуткаҳӣна̄т пӣқапут”».

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

1е Коринфянам 3:22

талўа Павел, Аполлос, Петырлъю. Нуналъю уна, уңувалъықлъю, туқулъықлъю, сяңўа̄лъю алңунак кияҳта̄лъыӷмылңуқ ма̄тын, сяңўа̄лъю алңунак ка̄сяҳқақ, қамахтыңъўа̄ӷлюки лъпыси пикаси.

2е Коринфянам 1:6

Икфиқыхкумта каюсилъыҳпысинунлъю, югулилъыҳпысинунлъю пилъҳӯқ; каюсилъыңыхкумта та̄ўа лъпысилъю каюсилъыңылъықуси ынка̄м тӯнылъыңылъықуси ныкыхмылъылиӷлюси сюфлъюҳсяҳқа̄люки тама̄кут ата̄сит икфиқылъҳыт сюфлъюҳтыкапут.

2е Коринфянам 11:1

Сиӷимакамси ныкыхмытутысқылъюңа акузикума тымңитхўалӷӣстун натыңӣҳақ. Ныкыхмытутықаҳтыңъа.

2е Коринфянам 11:5

Тама̄кут уңипақистыт апостолыңунилютың пӣқут. Сюмыӷмыхни а̄ңўа̄ӷунӣқут апостолыт. Иўырңа лӣсимаканка а̄ңўа̄ӷунӷитут хўаңамның.

2е Коринфянам 12:12

Лъпысинилъюңа ныкыхлъюўа̄н угля̄пихлъыӷӣт алъя̄ҳӣна̄т алъя̄ҳлъюхўаҳтилъҳыт пикақанка. Тама̄кут ипапиҳқа̄тңа апостолыпӣгутка.

2е Коринфянам 12:6

Қука̄югуткысюкума хўаңамның, тымңиңуна̄нӷитуңа қаюҳлъяк апыҳлъықақа ипапилъық. Иўырңа қука̄югуткынъанӷитуңа хўаңамның, қаюҳлъяк югнун сюмыҳтаӷа̄ткысюхтуңа ылъқуҳлъюңа ысҳапалъҳитхунлъю, нагатылъҳитхунлъю хўаңа.

2е Коринфянам 3:1

Хўаңкута усюқыся̄юхнақлъя̄таӷыста̄ хўаңкунъың катам? Налиӷмың иляңистун аклъюкиңуста̄ посланиямың а̄пҳысқылъюта лъпысинун, налиӷмың лъпысиның?

2е Коринфянам 5:13

Налъютуйиқңукумта, Кияӷныӷмун аюқуқ, иўырңа налъютуйиқңунӷилъкумта, лъпысинун аюқуқ.

К Галатам 6:3

Кина сюмыҳтаӷақуми сяңунилюни, сяңунӷитыӷңа̄ӷми, лъңаның пӯҳтыңъӯқ.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.