2е Коринфянам 12:10 - Новый Завет на эскимосском языке

¹⁰ Та̄на апалъюқлъюку қуя̄қуңа кая̄лъиқңанымни, сыӷлықӯлъыңнымни, пияқлъӣнымни, амью̄ткылъыңнымни, алъя̄ҳӣнаӷмыңлъю сыӷлылӣнымни Христос апалъюқлъюку. Қаюҳлъяк кая̄лъиқңанымни та̄ўа икнақақуңа.

2е Коринфянам 12:10 Iomraidhean Croise

От Луки 6:22

Қуяслъылгӯси югыт угумикынӷиси, иҳсякынӷиси, сыӷлықӯнӷиси, сыӷлыӷуникаңисилъю. Таўатын пӣқӣси қаюҳлъяк малихся̄ҳтыкыхкаңиси Иӷныӷан Югым!

От Иоанна 15:21

Таўатын пилъықӣси хўаңа апалъюқлъюңа қаюҳлъяк налъюка̄т Каяхтистыка.

Деяния 5:41

Апостолыт а̄нысистың қуяҳлъякат, қаюҳлъяк Кияӷныӷым кайңусяӷа̄тыстыкақыхкаңи Иисус апалъюқлъюку.

К Римлянам 5:3

Та̄м ся̄ӷўакун қуя̄қукут сыӷлылӣлъымнъи қаюҳлъяк лӣсимакаҳпут сыӷлылӣлъҳым нуқынъыҳтулъыңыстақӣлъю.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

2е Коринфянам 1:4

Каюсиӷақӣлъю қамахлъюта сыӷлылӣлъымнъи, ынка̄м хўаңкуталъю каюсиӷьяқлъыгўа̄пут тама̄кут алъя̄ҳӣнаӷмың сыӷлылӣлӷӣт, атуқлъюку ата̄сиқ та̄на каюсилъық алъхыҳтыкаҳпут Кияӷныӷмың.

2е Коринфянам 10:18

Атанӷым тугуклъӣгатӣ пиниӷнилӷӣт. Итупилъ Атанӷым тугуклъиӷақӣ тама̄кут пиниӷнилюки пикани.

2е Коринфянам 12:9

Иўырңа пӣңа: «Каюсилъқа на̄ма̄қ лъпынун сюфлъюҳтысқылъюку та̄на икфиқылъық қаюҳлъяк аҳтуӷьяҳқа̄нӷилъқа икнақылъыҳпига̄гўақуқ кая̄лъиқныҳпыни». Ынка̄м қуякусиқлъюку қука̄юхтақуңа кая̄лъиқусимның хўаңамнитысқылъюку Христосым аҳтуӷьяҳқа̄нӷилъҳа.

2е Коринфянам 13:4

Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

2е Коринфянам 4:5

Хўаңкунъың катам уңипақңунӷитукут, итупилъ уңипақңўа̄ҳпут Иисус Христос Атанӷунилюку. Қыпҳаҳтыкаҳпысикут Иисус апалъюқлъюку.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

2е Коринфянам 5:20

Кияӷныӷым каяхтыкақӣлъю уңипаҳтыңулюта Христосымун, ынка̄м хўаңкутхун тагисқылъюси лъңанун. Акузистыңӯкут Христосымун кайымилӷӣт илялӣӷутысқылъюси Кияӷныӷмун.

2е Коринфянам 6:4

Иўырңа сялъымтыхун тамаҳа̄кун лӣгикыстақукут югнун Кияӷныӷмун қыпҳаҳтыкнилюта. Тама̄кын апалъюқлъюку нуқытутималъымтыхун сюфлъюҳтаӷақапут сыӷлылӣлъҳыт, пияқлъӣлъҳыт, икфиқылъҳыт.

2е Коринфянам 7:4

Ныӷьюкыҳлъяглюси аюқамси, қука̄югуткыпихтамси. Кайымыҳлъягақаҳпысиңа. Ынка̄м сыӷлылӣлъыҳлъямнъи паниның тывуӷа̄қуңа қуялъыӷмың.

К Ефесянам 6:10

Киңулиқ апыӷьяҳқақа унаңӯқ, икнақылъыңитык Атаныӷмың, аҳтуӷьяҳқа̄нӷилъыҳлъяганыңлъю.

К Филиппийцам 1:29

Лъпысинун қыпҳа̄сяқлъыгуҳтыстыкақа̄ Христос, ухпықңинаҳпына̄н, икфиқылгусиқысилъю.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

2е Фессалоникийцам 1:4

Тама̄кын апалъюқлъюку қанаткақамси иляңитнун ухпықат Кияӷныӷым юӷаӷвигитнилңуӷнун. А̄пҳақаҳпут нуқытутиныҳтулъыҳсилъю, ухпықилъыҳсилъю қайўа амью̄ткылъыңыӷңа̄ҳпыси, икфиқылъыңыӷңа̄ҳпысилъю.

2е Тимофею 3:11

Лӣсимакан амьюқыта̄ткысилъқа, икфиқылъқалъю. Лӣсимакан таўатын пикақа̄тңа Антиохиями, Икониями, Листрамилъю. Угляӷңа̄н амьюқыта̄ткылъыңыхка̄гуңа, таўалъӣма Атанӷым югуликақа̄ңа тамаҳӣтның.

От Иакова 1:2

Ухпықа̄лгутымни, қуя̄қитык алъя̄ҳӣнаӷмың сыӷлылӣныҳпысини,

Откровение 2:3

Мыӷнӣгатуси икфиқылъыҳпысиның хўаңа апалъюқлъюңа, ӣлъқаюгигатусилъю.