2е Коринфянам 12:1 - Новый Завет на эскимосском языке

¹ Қука̄юхсяҳқа̄гуңа, аныӷныҳқусӣнӷитыӷңа̄н. Паниның уңипа̄нъақамси ысҳаӷўа̄лъымның, Атанӷымлъю алӣҳқуқа̄ның хўаңамнун.

2е Коринфянам 12:1 Iomraidhean Croise

От Иоанна 16:7

Иўырңа уңипа̄нъақамси ипапигмың: пиниӷатаӷаӷьяҳқа̄гуси аӷуляқыхкума, қаюҳлъяк каяхфикылъықамси Каюткаҳқагның. Аӷуляқынӷилъкума Каюткаҳқак тагина̄нӷитук лъпысинун.

От Иоанна 18:14

Каиафам пикақыхкаңи Иудеит иглыӷутистыт, пиниӷатаӷаҳлъықнилюку ата̄сиқ ю̄к туқумаяқан югнун.

Деяния 18:9

Та̄хкын унугми ата̄сими Павел ысҳаӷўа̄лъыҳқун Атанӷым пика̄: «Алиңыхпынаң, йыӷлыги уңипақикыста̄ ӣлъқаюфқа̄вык

Деяния 23:11

Таўани унугми Атанӷым алӣӷвиклъюку Павел пика̄: «Илютулютын, катам таўатын Иерусалимыми уңипақылъыҳпытун, Римымилъю уңипақылъықаҳпыңа».

1е Коринфянам 10:23

Иляси пика̄гут: «Итагнаҳтуқ сяңўа̄ пиюкылъқа пияӷңа̄мкун». Иўырңа хўаңа пӣмси, иляңи сялъыси пининӷитут. А̄а, ынтақун: «Итагнаҳтуқ сяңўа̄ пиюкылъқа пияӷңа̄мкун», иўырңа иляңан сялъыҳпыси каю̄сӣнъа̄нӷитӣ ухпылъыси.

1е Коринфянам 14:6

Ухпықа̄лгутымни, лъпысинун пилюңа алыҳқуӷьяқумси алъястун улюстун лӣгиксяҳқақынӷилъкыхпысигун натынңам каюсӣнъаяӷамси? Иўырңа апыҳтуӷьяқумси Кияӷныӷым кылгутка̄ның хўаңамнун, налиӷмың уңипа̄сяқумси сямың лӣткамның, налиӷмың ӯкналиқуткысяқумкун Кияӷныӷым сялъыҳқа̄, налиӷмың апыҳтуӷьяқумси ипапиҳқылъыӷмың ынңа̄талъ каюсӣнъаяӷамси.

1е Коринфянам 6:12

Иляси пика̄гут: «Итагнаҳтуқ сяңўа̄ пиюкылъқа пияӷңа̄мкун». Иўырңа хўаңа пӣмси, иляңан сялъыҳпыси каю̄сӣнъа̄нӷитӣ ухпылъыси. А̄, ынтақун: «Итагнаҳтуқ сяңўа̄ пиюкылъқа пияӷңа̄мкун». Иўырңа сюмыҳтаӷаӷьялӷӣңа сыӷлыӷмун айӷипахлъягнаюкама пина̄нӷитуңа.

2е Коринфянам 12:11

Акузиңӯңа тымңитхўастун, иўырңа лъпыси таўатын пистаҳпысиңа. Лъпыси пинитун акузиткысяҳқақсяӷаҳпысиңа иляхпысинун. Қайўа сясӣнӷитыӷңа̄ӷма, тама̄кут «а̄ңўа̄ӷыт апостолыт» а̄ңўа̄ӷунӷитут хўаңамның.

2е Коринфянам 12:5

Қука̄югуткынъақақа та̄на ю̄к, иўырңа қука̄югуткынъақынӷитуңа хўаңамның иўырңақун кая̄лъиқусиқыхкаҳӣнамның.

2е Коринфянам 12:7

Кияӷныӷым алӣҳтыкақыӷңа̄ки хўаңамнун угля̄пихлъыӷӣт сяңўа̄т қилягми, қука̄юхтыстысюнӷита̄ңа. Ынка̄м Кияӷныӷым қусывыхтысқылъюңа сикуҳлъюңыста̄ңа югусимкун. Та̄на сикуҳлъюк уңипаҳтыңӯқ Туӷныӷаӷмың. Та̄м икфиқыста̄ңа қусывыгңасқылъюңа.

2е Коринфянам 12:9

Иўырңа пӣңа: «Каюсилъқа на̄ма̄қ лъпынун сюфлъюҳтысқылъюку та̄на икфиқылъық қаюҳлъяк аҳтуӷьяҳқа̄нӷилъқа икнақылъыҳпига̄гўақуқ кая̄лъиқныҳпыни». Ынка̄м қуякусиқлъюку қука̄юхтақуңа кая̄лъиқусимның хўаңамнитысқылъюку Христосым аҳтуӷьяҳқа̄нӷилъҳа.

2е Коринфянам 8:10

Аўатаңани лъпыси қырңуҳтиюхўа̄қа̄гуси манимың, тӯника̄гусилъю қаюҳлъяк тӯниюлӷӣси. Сюмымни хўатылъюку пияқуфсигу, итагнаӷнаяҳтуси,

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Галатам 2:2

Кияӷныӷым лӣгикыста̄ңа Иерусалимытысқылъюңа. Ка̄сямта ухпықат иглыӷутистыңинӣт қырңуӷутаҳтысқанка. Таўани уңипамсюгутанка натын язычнигнун уңипақилъымның Пинилӷӣның Уңипаның. Таўатын пика̄гуңа лю̄рақ та̄кут иглыӷутистыт апыҳтуӷилъҳынка тымңиңунинаюкатки сивунӷанилъю, ма̄тынлъю.

К Ефесянам 3:3

Кияӷныӷым лӣтыста̄ хўаңамнун қайвиҳтылъҳилңуқ успықылъыни. Қавңанҳақ письмоткаҳтыкақақа та̄на.

1е Фессалоникийцам 4:15

Уңипа̄тңўа̄ӷамси Атанӷым апыҳтӯтка̄ның. Атанық тагикан, хўаңкута паниның уңувалӷӣни иңьяӷаӷна̄нӷитапут тама̄кут қавақат.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.