2е Коринфянам 11:6 - Новый Завет на эскимосском языке

⁶ Акузилъхитыӷңа̄ӷма, лӣсимаҳлъяхтуңа. Угляӷңа̄н лӣгикыстақамси лӣсималъымның.

2е Коринфянам 11:6 Iomraidhean Croise

1е Коринфянам 1:17

Христосым крестиӷилӣсқумаңита̄ңа, иўырңа каяхтыкақа̄ңа уңипақисқылъюңа Пинилӷӣның Уңипаның. Уңипақиңигатуңа атуқлъюки югым пыҳқинылъҳи, лю̄рақ аҳтуӷьяҳқа̄нӷилъҳӣтыснаюкамкун қақӯра̄ Христосым.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 12:8

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

1е Коринфянам 2:13

Ынка̄м акузиңигатукут югым пыҳқинылъҳакун, иўырңа атуқақапут акузитыт Аглыӷналӷӣм Таӷныӷам апыҳтӯткӣ. Таўатын пӣқукут апыҳтӯсяқнымтыки Таӷныӷам ипапилъҳи тама̄кунун алъхыӷутканун Аглыӷналӣгның Таӷныӷагның.

2е Коринфянам 10:10

Иляңита пӣқӣт Павелым посланияңи сыӷлыҳлъягунилюки аҳся̄ӷмикаӷңанилюки, нақам хўаңкунъинъыӷмини, аҳся̄н аюқақуқ, акузийӣтақуқлъю!

2е Коринфянам 12:12

Лъпысинилъюңа ныкыхлъюўа̄н угля̄пихлъыӷӣт алъя̄ҳӣна̄т алъя̄ҳлъюхўаҳтилъҳыт пикақанка. Тама̄кут ипапиҳқа̄тңа апостолыпӣгутка.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 5:11

Ынка̄ңам аликақаҳпут Атанық, тама̄кын апалъюқлъюку ухпыҳтыснақуткақапут югыт Христосыкун. Кияӷныӷым лӣсимакӣлъю натылңӯтфут югни, сюнаңуқ лъпысилъю лӣсимакитыкут таўатылъюта.

2е Коринфянам 6:6

Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

2е Коринфянам 7:2

Илялӣқаҳқут илюхпысигун. Кина алңунак анагңалӷӣмың пиңигатаҳпут, ухпықилъҳа на̄фқумаңитаҳпут, талўа пӯҳнықхӯсимаңитаҳпут.

К Ефесянам 3:4

Атиҳтуқуфсигу письмоткыхкақа лӣлъықаҳси лӣгикылъқа қайвиҳтылъҳилңуқ успықылъық Христосымың аюқылӷӣ.