2е Коринфянам 11:3 - Новый Завет на эскимосском языке

³ Иўырңа алиңуткақамси аңуягым пӯҳнаюкаңиси, катам таўатын нымыӷьям пыҳқиниқуткылъюку пӯҳтылъҳатун Ева. Ынка̄м лъпыси пиниқнаниӷўа̄ӷнаюкафсигу Христос.

2е Коринфянам 11:3 Iomraidhean Croise

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Иоанна 8:44

Авақутақӣси атахпыси туӷныӷа̄м, ынка̄м атуқсюўақаҳси атахпыси пиюкылъҳа. Пӣнлиӷьюхўа̄лъыӷмың има юхтаҳтыңӯқ. Ипапиҳқылъық атуқаҳсигата̄ қаюҳлъяк ипапиҳқылъҳилңуқ. Иқлъыңиқныӷмини та̄ўаңинаҳақ айӷӣткани пӣқыхкаңа қаюҳлъяк иқлъыңиқыстыңулӷӣ, атакыхкаңа иқлъыңам.

К Римлянам 12:8

кайымиңукан илямың, кайымилъта; тӯниңукан, иӷлыхпына̄мта тӯнилъта; иглыӷутиңукан, сягиқлъюта иглыӷутилъта; наңлъыкиңукан, қуякусиқлъюку наңлъыкилъта.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 11:20

Тугуклъиӷақаси қылылъҳит никимқун лъпыси қыпҳаҳтыля̄ӷыт лъңитнун. Кагукақыстақуси, тыглыгвикыстақуси, укалиқыстақусилъю, талўа хинаҳпысигун қасяҳтыстақлъюси.

2е Коринфянам 11:29

Ухпықа̄лгутым ухпықилъҳа кая̄нъыӷани, хўаңалъю кая̄тақуңа. Ухпықа̄лгута китум сыӷлыҳқысныӷагу, сякшитақуңа.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

К Галатам 1:6

Сяӷӣӷаягутамси а̄ўалъю пыхтаҳтаҳси туқлъюӷистызи наңлъыхталъҳакун Христосым, тугуклъиӷӣси алъяның «пинилӷӣның уңипаның».

К Галатам 2:4

Иўырңа иляңи ухпықасиӷўа̄ӷыт аксяқлъюку илятут хўаңкунъун рӣрңиналюку итымңалъыҳпут Христос Иисусыкун. Қыпҳаҳтыля̄ӷуҳнықихтысқылъюта пӣлъю Лӣлиҳтӯся̄мнъун.

К Галатам 3:1

Налъюҳаӷмың лъпыси Галатияӷмӣни! Китум пӯҳтиси? Пуйгустыхӯ а̄пҳўа̄қақсяқыхка Иисус Христосым туқулъҳа қақӯракун?

К Галатам 4:11

Алиңуткақамси, қамахлъюни қыпҳа̄тилъқа лъпысинун сясӣнӷинъаюкан.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Ефесянам 4:22

Хўатын апыҳтуқақӣси: сыӷлыӷыт пиюкылъыҳпыси пӯҳлъықӣсилъю, на̄фқылъықӣсилъю. Тама̄кын апалъюқлъюку пыхтыки наңаӷнылюсилъю, кияҳта̄лъқысяқысилъю.

К Ефесянам 6:24

Наңлъыхталъық тамаҳаҳпысинун пиңӯқ пиниқилӷӣни Атанымнъың Иисус Христосымың пиниқылъылиӷлюку на̄ңьяҳқа̄нӷилңуӷмың.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

К Колоссянам 2:4

Уңипа̄тамси, китумун алңунак пӯҳтыстыхпынаси тымңиның апыҳтуӷалъҳитның, қайўа ипасюгнитыӷңа̄та.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

1е Фессалоникийцам 3:5

Тама̄кын апалъюқлъюку аҳтуӷьягусяма нуқынъыӷмың, каяхтыкақақа Тимофей лъпысинун лӣгикналюку ухпықилъыҳси натытақутаңа. Пыңкақамси қаюҳлъяк Туӷныӷа̄м нанӷӣқуманаюкаңиси ухпықинанӣсқылъюси, ынка̄м қыпҳалъыҳпут тымңисюгниҳсиманаюкан.

1е Тимофею 1:3

Аӷуляқнақумалюңа Македониямун Ефесымытысқыхкақамкын. Иляңи югыт тама̄нлыңӯт апыҳтуӷиңӯт ипаңунӷилңуӷмың апыҳтӯсяның. Қылыҳқи та̄қысқылъюки

1е Тимофею 2:14

Адамыңунӷитуқ пӯҳтылъыңыхкақ, иўырңа аӷна̄гуқ пӯҳтылъыңыхкақ ынка̄м сыӷлыҳқыстыңуҳтыка̄қуқ.

2е Тимофею 3:13

Сыӷлыӷыт югыт, пӯҳтистытлъю, сыӷлыӷуҳтаӷаҳлъықут. Пӯҳқуҳлъықут, лъңитлъю пӯҳтылъыңылъықут.

К Титу 1:10

Угля̄пихтут қа̄ткусюгигалңӯт, тымңи акузилӷӣт пӯҳтилӷӣт илямыхның, кияң тама̄куңӯт апыҳтуӷилӷӣт язычнигыт ухпықӣт обрезанияҳқа̄нилюки.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

2е Петра 3:17

Илякумта̄мни, лӣсимакутыхпысиның ся̄қутаңи қа̄ткусигалңӯт лӣлиҳтӯсянун, кылыңатык. Аӷуляқутыстыхпынаси анахутңалӷӣнун апыҳтуӷилъҳитнун. Таўатын пикуфси малӷуклъина̄нӷитуси ухпықыхкаҳпысиның.

2е Петра 3:3

Лӣгикңўа̄ӷьяҳқақаҳси уна: киңулиӷни аӷныӷни лыгасӣӷўаҳтылгуяҳқа̄гуқ; тама̄куңӯт малиҳқутақңалӷӣт сыӷлыӷнун пиюкыхкамыхнун. Лыгасӣӷўа̄ткылъықа̄т Кияӷныӷым акықуся̄,

1е Иоанна 2:18

Таӷнуҳамни, кынля қантаӷалъӣӷаҳтуқ! Уңипа̄тка̄гуси Аңуякилӷӣ Христосымың тагилъықнилюку, хўа̄ ма̄тын угляпихлъыҳӣт аңуякилӷӣт Христосымың алъхыҳтӯтңўа̄ӷлютың аюқут, ынка̄м лӣсимакаҳпут кынля қантаӷалъӣӷаҳтуқ.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 12:15

Та̄хкын нымыӷьям уӷью̄та̄ мық кӣўыстун аюқылӷӣ аӷнақ ма̄қутысқылъюку.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 20:2

Кая̄лъқылъюку дракон туўа̄. (Дракон та̄наңӯқ аюмиҳтақ нымыӷьяқ, а̄тҳа Туӷныӷақ, Туӷныӷақ.) Та̄хкын яқулгым асиҳқа̄ қӣпшаӷутның тысяча аюмиқулъыӷнун.