2е Коринфянам 11:23 - Новый Завет на эскимосском языке

²³ Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 11:23 Iomraidhean Croise

Деяния 14:19

Та̄хкын иляңи Иудеит Антиохиямыңлъю, Икониямыңлъю ка̄ткат Листрамун. Листраӷмӣнун на̄вгӯлъюкык угумӣтыстыкахкыт. Ынка̄м Иудеитлъю, Листраӷмӣтлъю Павел милюҳпага̄таӷлюку қамуқа̄т ным кылютаңанун сюмыӷмыхни туқуманилюку.

Деяния 20:23

Иўырңақун тамаҳӣтни нунани такукамни Аглыӷналӷӣм Таӷныӷам уңипа̄тақа̄ңа Иерусалимыми сыӷлылӣҳлъықнилюңалъю, анусимиңлъяҳлъықнилюңалъю югнун.

Деяния 21:11

Хўаңкунъун тагилюни Павелым тафсиңа ӣклъюку асиҳқылъюки итыганилъю, ӣхынилъю пӣлъю: «Аглыӷналӷӣк Таӷныӷак пӣк: “Иерусалимыми тафсим ӯм юмаңа Иудеит асиҳқысяҳқақа̄т, та̄хкын тӯнылъықа̄т язычнигнун”».

Деяния 25:14

Тама̄нсималюкык Фестым уңипамсюгутка̄ Агриппа Павелымың. Пика̄: «Правителыңуҳсялӷӣңа Феликсым ю̄к анусимиңлъяӷвигмытыстақыфта̄ ма̄ни.

Деяния 27:1

Фестым Италиятысқысюгьилъю аңьяҳпахкун, агля̄тыстыкӣ Павелылъю, иляңилъю анусимиңлъяӷат умӣлўа̄ӷмун Юлийюмун. Юлийюлъю пилъюўаҳтыкулъҳӣт а̄тқылӷӣт: «Умӣлыхпига̄м Пилъюўаҳтыңи».

Деяния 28:16

Римымун ка̄сямта Павел лъңинаӷмытыста̄т нани пиюкылҳани иўырңақун ата̄сим пилъюўаҳтым кылыңака̄.

Деяния 28:30

Ма̄лӷук аюмиқулъҳык Павелым кияҳфикыхка̄ мыңтыӷақ лъивикақлъюку. Упуӷатақыхкаңи қамахлъюки итыҳтыни,

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

К Римлянам 8:36

Игақңа̄қ Акузитни Игақыхкани хўатын: «Лъпык апалъюқлъютын аҳутаңа тамаҳа̄н югыт туқусюгақӣлъю. Сюмыҳтаӷалъыӷмыхни пынъӣӷыстун аюқнӣқӣлъю туқусяҳқат».

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

1е Коринфянам 4:1

Сюмыҳтаӷа̄ткитыкут қыпҳаҳтыкнилюта Христосымун. Қыпҳаҳтыңӯкут апыҳтуӷилӷӣт ипапиҳқылъыӷмың Кияӷныӷым апыҳтӯтка̄ның хўаңкунъун.

1е Коринфянам 4:11

Хўавымун кынляңа нықаңисягақукут, мыӷьяҳқӣсягақукут, а̄ткӣсягақукут. Югыт қывуткақӣлъю. Ныңитукут, иглыҳта̄гукут қӯнпың.

1е Коринфянам 4:9

Сюмыҳтаӷалъымни Кияӷныӷым ныкыхтыкақӣлъю апостолыни укалиҳпига̄люта югның. Анусимиңлъяӷастун аюқукут, туқусяҳқастун. Югыт қамахтыңъўа̄ӷлютың, яқулгытлъю ысҳапагақӣлъю.

2е Коринфянам 10:7

Нанқихтӣқуси ысҳалъҳӣнаҳпысигун. Христосымун пикыпыста̄ӷникуфси, нықамиклъюку хўаңкуталъю Христосым пикӣлъю, лъпысистун.

2е Коринфянам 11:5

Тама̄кут уңипақистыт апостолыңунилютың пӣқут. Сюмыӷмыхни а̄ңўа̄ӷунӣқут апостолыт. Иўырңа лӣсимаканка а̄ңўа̄ӷунӷитут хўаңамның.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 4:11

Уңуваңулюта ӣўлың якуӷналъҳанитукут туқулъҳым апалъюқлъюку Иисус, ысҳӣсқылъюку Иисусым уңувалъҳа югусимнъи туқукаюгни.

2е Коринфянам 6:9

Югыт налъюкниқӣтлъю, нақамлъю лӣсимаклъюта; угляӷңа̄н туқувзиӷақукут, иўырңа паниның уңува̄кут. Аӷью̄ӷьяӷңа̄мталъю, туқусигатӣнкутлъю.

К Галатам 6:17

Хўакын кынлыклъюку китум алңунак алъя сыӷлылӣҳтыстыфқа̄ма пилиңа қаюҳлъяк югусимнилңӯт ма̄мылъҳыт кылгутңўа̄т қыпгаҳтыля̄ӷулъқа Иисусымун.

К Ефесянам 3:1

Тама̄кын апалъюқлъюку, хўаңа, Павел, анусимиңлъяӷвигмытуңа қаюҳлъяк қыпҳа̄скыхка Христос Иисус лъпыси апалъюқлъюси язычнигни.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 6:20

Кияӷныӷым накмикыхкақа̄ңа акузистыңулюңа лъңанун. Ынка̄м тама̄кын апалъюқлъюку анусимиңлъяӷа̄гуңа қӣпшаӷусиӷлюңа. Юӷаҳтык уңипақиналюңа тытухпынаңа катам Кияӷныӷым пиюкылъҳатун.

К Филиппийцам 1:13

Тама̄кын апалъюқлъюку қамахлъютың умӣлгым мыңтыӷа̄н кылыңакистыңита лӣта̄т анусимиңлъяӷа̄гуңа қаюҳлъяк қыпҳаҳтыкыхкаңаңа Христосым.

К Филиппийцам 2:17

Ухпықилъыҳсилъю, қыпҳалъыҳсилъю Кияӷныӷмун аҳқутыстун аюқут. Туқускаңатңа хўани анусимиңлъяӷвигми қуялъықуңа, қаюҳлъяк туқулъқа аҳқутыстун аюқсяҳқа̄гуқ тӯнылӷӣ лъпыси аҳқутыхпысинун ӣӷўӣсӣлюни. Та̄м қамахлъюта қуяслъықӣнкутлъю.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

К Колоссянам 1:29

Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

2е Тимофею 1:16

Юӷа̄ткыңъўа̄нка Атаныӷмун наңлъыгьягутысқылъюки Онисифорым ныңлъюгутаңи, қаюҳлъяк угляӷңа̄н илютуҳсяӷақа̄ңа. Кайңуягусимаңита̄лъю анусимиңлъяӷа̄малъқа.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 2:9

Икфиқңӯңа қаюҳлъяк уңипақыхкынка Пинилӷӣт Уңипат. Талўа қӣпшаӷусиӷлюңа аюқуңа лӣлиҳтӯсямың на̄фқӣстытун. Иўырңа акузитаңи Кияӷныӷым қӣпшаӷутңитут.

2е Тимофею 3:11

Лӣсимакан амьюқыта̄ткысилъқа, икфиқылъқалъю. Лӣсимакан таўатын пикақа̄тңа Антиохиями, Икониями, Листрамилъю. Угляӷңа̄н амьюқыта̄ткылъыңыхка̄гуңа, таўалъӣма Атанӷым югуликақа̄ңа тамаҳӣтның.

К Филимону 1:9

Пиниқутылъыҳпуң апалъюқлъюку а̄пфикамкын атуқысқылъюку ылъқуӷутңалӷӣ. Хўаңа, Павел, нанывга̄гуңа, анусимиңлъяӷа̄гуңалъю апалъюқлъюку Христос Иисус.

К Евреям 10:34

Наңлъыкақаси анусимиңлъяӷвигмылңӯт. Талўа қуяңа̄қуси югыт тугулянӷатки сяӷьяси қаюҳлъяк лӣсимакаҳси паниның сялгӯси пиниӷатаӷалӷӣмың қӯнпыкаҳқамың.