2е Коринфянам 11:13 - Новый Завет на эскимосском языке

¹³ Тама̄кут югыт апостолысиӷўа̄ӷӯт пӯҳтилӷӣт югның иқлъыңиқылъыӷмыхтыхун. Югнун сюмыҳтаӷа̄ткыстақут Христосымун апостолыпӣкнилютың.

2е Коринфянам 11:13 Iomraidhean Croise

От Матфея 25:24

Та̄хкын 1,000ныңыхкам ыснываӷлюни пика̄: “Умӣлымни, лӣсимакамкын лъпык а̄ҳсяҳқа̄нӷитутын. Унатаӷақутын пӣтысиӷақақынӷилъкыхпының. Қырңуҳтақатын пӣткат пӣтутңит ифкаҳқуқақынӷилъкытың.

Деяния 15:1

Та̄хкын Иудеямың иляңи югыт тагилютың Антиохиямун ухпықанун апыҳтуӷикат: «Югулилъыңна̄нӷитуси ўыткуқун обрезаниякуфси Моисейем Лӣлиҳтӯся̄н қылылъҳатун».

Деяния 15:24

Нагақӯма̄кут юмтаңуқ иляңита такулюси сямың пилюси сыӷлыӷьюхтыкақӣсилъю, кукшагьюхтыкақӣсилъю. Нақамлъю хўаңкута таўатын писқумаңитапут.

Деяния 20:30

Талўа иляңи ухпықа̄лгутыси иқлъыңиқсяҳқа̄гут ухпықысқылъюки апыҳтуӷилъытың, ухпыҳтықыҳтыкумыхтыки малихся̄ҳтыкналюки.

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

2е Коринфянам 11:15

Ынка̄м сяӷӣӷанӣтут Туӷныӷа̄м қыпҳаҳтыңи таўатын пикумың. Югнун сюмыҳтаӷа̄ткыстақут ылъқуӷутңалӷӣңунилютың қыпҳаҳтыңи Кияӷныӷым. Иўырңа кынлыми Кияӷныӷым аӷью̄ҳлъықӣ ылъқуӷутңалӷӣмың аӷью̄лъыӷмың анахутылъҳитнун.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

К Галатам 1:7

Авақшахӣтуқ алъя «пинилӷӣның уңипаның». Иўырңа иляңита югыт тыхылъҳӣҳтыстақӣси алъяңуҳнақуткылъыӷмыхтыхун Пинилӷӣтнъың Уңипаның Христосымың аюқылӷӣт.

К Галатам 2:4

Иўырңа иляңи ухпықасиӷўа̄ӷыт аксяқлъюку илятут хўаңкунъун рӣрңиналюку итымңалъыҳпут Христос Иисусыкун. Қыпҳаҳтыля̄ӷуҳнықихтысқылъюта пӣлъю Лӣлиҳтӯся̄мнъун.

К Галатам 4:17

Тама̄кут югыт қа̄ткутысюкаңиси Иудеит Лӣлиҳтӯсӣтнун, пиюкыпихтӣси лъмыхнун малиҳқутақысқылъюси, иўырңа апалъя̄т пининӷитуқ. Лъңита а̄фтысюгӣси хўаңамның, лъңинаӷмың малихтысқылъютың.

К Галатам 6:12

Югыт ысҳаҳсяқсюныҳтуқатлъю қанаткиюныҳтуқатлъю пинитун қыпҳалъыӷмыхның, лъңиңӯт обрезаниясқӯӷўа̄ӷилӷӣт лъпысиның. Таўатын пӣқут қаюҳлъяк алиңақылӷӣт амьюқыта̄ткылъыңнаюкамың уңипақыхкумыхтыху қақӯраҳӣна̄ Христосым, авылӷаӷлюку обрезаниялъық.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Филиппийцам 3:18

Сивунӷани угляӷңа̄н уңипа̄та̄тақақамси, ма̄тын уңипа̄нъақлъя̄таӷамси қунитӯмаӷма. Угля̄пихтут кияҳлъыҳӣт аңуягулютың Христосым туқулъҳаның қақӯракун.

К Филиппийцам 3:2

Кылыңалюси сыӷлытун пикаюгның, тама̄куның қикминың, югӯт сягиқутилӷӣт кыпфикысқылъюки югусӣт.

К Колоссянам 2:4

Уңипа̄тамси, китумун алңунак пӯҳтыстыхпынаси тымңиның апыҳтуӷалъҳитның, қайўа ипасюгнитыӷңа̄та.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

1е Иоанна 2:18

Таӷнуҳамни, кынля қантаӷалъӣӷаҳтуқ! Уңипа̄тка̄гуси Аңуякилӷӣ Христосымың тагилъықнилюку, хўа̄ ма̄тын угляпихлъыҳӣт аңуякилӷӣт Христосымың алъхыҳтӯтңўа̄ӷлютың аюқут, ынка̄м лӣсимакаҳпут кынля қантаӷалъӣӷаҳтуқ.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 19:20

Тугўа̄хкыт тыӷикусялъю̄гылъю, ӯкналиқистысиӷўа̄ӷылъю алъя̄ҳлъюўаҳтӣӷа̄тақақ таўанлъюку тыӷикусялъю̄к. (Алъя̄ҳлъюўаҳтӣқылъыӷмикун пӯҳқуқӣ налъюнӣлъыңыхкат тыӷикусялъю̄гмың, манигуқа̄тлъю наңаӷныӷа.) Тыӷикусялъю̄клъю, ӯкналиқистысиӷўа̄ӷылъю уңува̄хкынка милю̄та̄к на̄йвам кынӷанун кумаӷулӷӣмун уқумьягмун.

Откровение 2:2

Лӣсимакамси ся̄лъыҳси, уӷлыӷӣлӷӣси, ӣлъқаюнӷитылъыҳсилъю. Лӣсимакамсилъю тугуклъӣгатаси сыӷлыӷыт югыт, иўырңа апостолыңунилӷӣт лӣтақаси ысҳапаглюки тымңиңутаңи. Та̄ўа лӣтаси иқлъыңиқыстыңӯт.

Откровение 2:20

Иўырңа укуңӯт тыңвимун аюқыхканка лъпысинун: Аӷулӣҳнъыӷитаҳси аӷнақ Иезавель апыҳтуӷилӷӣ ипаңунӷилңуӷның. Ӯкналиқыстыңунӣқуқ Кияӷныӷмун. Иўырңа апыҳтуӷилъыӷмикун пӯҳтақӣ югынка развратысқылъюки, ныӷысқылъюкилъю нықыт аҳқуткыхкат кияӷныңлъяқанун.

Откровение 2:9

Лӣсимаканка сыӷлылӣлъыси, аклъюмаңӯсилъю иўырңа аклъюңитуси! Лӣсимакақа сыӷлыӷыт акузитыт иляңита югыт пӣқыхкаңит лъпысинун. Иудеяңунӣқут, Иудеяпигунӷитыӷңа̄ӷмың. Югӯт қырңуӷуткаюгның Туӷныӷа̄м синагогаңани.