2е Коринфянам 10:8 - Новый Завет на эскимосском языке

⁸ Кайңукигатақа қанаткивлыӷапалъқа Атанӷым иглыӷутистыңуҳтыстыкаңаңа лъпысинун. Таўатын пика̄гуқ хўаңкунъун кайымысқылъюку ухпықилъыҳси, нака̄н на̄фқынъалюку.

2е Коринфянам 10:8 Iomraidhean Croise

2е Коринфянам 1:24

Иглыӷунъақуткыңъунӷитаҳпут ухпықилъыҳси; қыпҳалгусиӷьюгамси қуямасқылъюси, қаюҳлъяк аӷулӣтуси ухпықилъыҳпысигун.

2е Коринфянам 10:4

Гӯтутыт пилъюўа̄сипут нунам юган гӯтуткынӷитӣ. Гӯтутыпут Кияӷныӷым аҳтуӷьяҳқа̄нӷилъҳаның пилгӯт. На̄фқысяқлъыгўӣт айыпсюгилңӯт миңлъютыт аңуягым ныкыфқуқӣ югыт увитаңитхун.

2е Коринфянам 10:9

Сюмыҳтаӷаҳпынаси алиңыснақуткыңъунилюси посланиямкун.

2е Коринфянам 12:19

Сюмыҳпысинӣи лъпысинун ипапиҳқынъақуткыстыху анахусиманилютуң? Нака̄! Кияӷныӷым нагақӯманӷани, акузӣқукут Христосым акузисқылъҳатун. Пиниқыхкамни, сяңўа̄ қамахлъюку пӣқаҳпут икнақуҳсяӷналюку ухпылъыҳси.

2е Коринфянам 12:6

Қука̄югуткысюкума хўаңамның, тымңиңуна̄нӷитуңа қаюҳлъяк апыҳлъықақа ипапилъық. Иўырңа қука̄югуткынъанӷитуңа хўаңамның, қаюҳлъяк югнун сюмыҳтаӷа̄ткысюхтуңа ылъқуҳлъюңа ысҳапалъҳитхунлъю, нагатылъҳитхунлъю хўаңа.

2е Коринфянам 13:10

Тама̄кын апалъюқлъюку письмокақамси лъпысинун пивагилгама қаюҳлъяк нанқихсюнӷилъкымси аӷью̄ӷмигьяҳқа̄люси. Атанӷым қылъқақа̄ңа нанқихтыстыңулюңа лъпысинун. Ынка̄м нанқихсюгамси каюсӣнъалюси ухпықилъыҳтуҳтысқылъюси, нака̄н кая̄лисқылъюси.

2е Коринфянам 13:8

Кипулъхина̄ҳпагниңитаҳпут ипапилъық; итупилъ иляпхаяҳқақаҳпут.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

2е Коринфянам 7:4

Ныӷьюкыҳлъяглюси аюқамси, қука̄югуткыпихтамси. Кайымыҳлъягақаҳпысиңа. Ынка̄м сыӷлылӣлъыҳлъямнъи паниның тывуӷа̄қуңа қуялъыӷмың.

К Галатам 1:1

Укут посланият Павелымың пиңӯт, апостолымың. Югыт накмикылъҳита̄тңа апостолыңулюңа, талўа каяхтылъҳита̄тңа. Апостолыңӯҳтыка̄гуңа Иисус Христосыкунлъю, Кияӷныҳқунлъю Атакун, уңуваҳтыстикақ лъңаның туқулъыӷмың.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.