2е Коринфянам 10:7 - Новый Завет на эскимосском языке

⁷ Нанқихтӣқуси ысҳалъҳӣнаҳпысигун. Христосымун пикыпыста̄ӷникуфси, нықамиклъюку хўаңкуталъю Христосым пикӣлъю, лъпысистун.

2е Коринфянам 10:7 Iomraidhean Croise

От Матфея 23:5

Қамахлъюки пинитун пилъытың пӣқӣт ысҳаҳсяқналюки югнун. Талъимыхтыхунлъю, қагумыхтыхунлъю қилъҳутақӣт патыҳта̄ӷалъюки сялңаўа̄ҳа̄т Акузитның Игақыхканың ималгыт, қа̄слъимыңлъю қуӷалъкутӣт та̄клъюки улима̄қӣт.

От Луки 16:15

Иўырңа Иисусым пикӣ: «Лъпыси пиниҳсюгниңлъяӷақуси югыт ысҳа̄манӷитни, иўырңа Кияӷныӷым лӣсимакӣси ипа натытулыси илюхпысигун. Сяңўа̄т югыт мыгнукыхкӣт сятңунӷитут Кияӷныӷым ысҳа̄манӷани.

От Иоанна 7:24

Нанқихтихпынаси югыт ся̄қутаңи лӣгикңўа̄ҳпынаки, нанқихтӣқитык ылъқуӷулъюси».

1е Коринфянам 1:12

Илясиңуқ пӣқут: «Хўаңа Павелым малихся̄ҳтыка̄ңа». Иляси: «Хўаңа Аполлосым». Иляси: «Хўаңа Петырым». Паниның илясиңуқ пӣқут: «Хўаңа Христосым малихся̄ҳтыка̄ңа».

1е Коринфянам 14:37

Кина алңунак сюмыӷмини ӯкналиқистыңунилюни пикуми, налиӷмың ухпыҳлъягуманилюни, лӣгиклъики письмотхун лъпысинун Атаныӷым қылӷусяқӣ.

1е Коринфянам 15:23

Қамахлъютың туқуляӷа̄ткат пилъыҳқатың ка̄нъыӷата уңуваӷақна̄ҳтут: Христос сивулиҳпига̄люни уңувақа̄гуқ. Та̄хкын тагинқихтыкан тама̄кут лъңан пиңи уңуваӷьяҳқа̄гут.

1е Коринфянам 3:23

Ынка̄м лъпыси Христосым пикӣси, Христос Кияӷныӷым пика̄.

1е Коринфянам 9:1

Итымңа̄ңа, пиюкылъымтун пияҳқа̄гуңа. Апостолыңӯңа ысҳа̄ткақ Иисусымың Атанымнъың. Қыпҳа̄тылъымкун лъңанун ухпықа̄гуси лъпыси.

2е Коринфянам 10:1

Иляңита юхпыси пӣқа̄тңа тытухтаӷнилюңа лъпысининъымни, иўырңа тытугиганъӣқа̄тңа лъпысининъыӷинъымни. Хўаңа Павел, хўаңамның катам, Христосым қусывыгңалъҳакунлъю, пиниқылъҳакунлъю,

2е Коринфянам 11:18

Углялӷӣт ухпықа̄нӷилңуӷыстун қука̄юхтақут қыпҳақамыхның, ынка̄м хўаңалъю таўатын қука̄юхлъықуңа.

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 11:4

Уңипақақңамтыки Пинилӷӣт Уңипат лъпысинун, ухпықыхкақаҳси Иисус, тугуклъиӷахсилъю Аглыӷналӷӣк Таӷныӷак. Иўырңа нагасюкыстаӷлюки аюқыхкақаси уңипақияҳтулӷӣт иляңаның Иисусымың. Тугуклъиӷиюхтусилъю иляңаның таӷныӷам, ухпықсюкақасилъю иляңи пинилӷӣт уңипат.

2е Коринфянам 12:11

Акузиңӯңа тымңитхўастун, иўырңа лъпыси таўатын пистаҳпысиңа. Лъпыси пинитун акузиткысяҳқақсяӷаҳпысиңа иляхпысинун. Қайўа сясӣнӷитыӷңа̄ӷма, тама̄кут «а̄ңўа̄ӷыт апостолыт» а̄ңўа̄ӷунӷитут хўаңамның.

2е Коринфянам 13:3

Хўаңамнун ипапиҳқыстысюкыси Христос акузӣқутаңа хўаңамкун. Христос кая̄нъыӷитуқ аӷью̄ӷмикумиси, итупилъ аҳтуӷьяҳқа̄нӷитуқ.

2е Коринфянам 5:12

Лъпысинун тугуклъиҳтыснақуткыңъунӷитукут алъямың. Итупилъ уңипа̄тақамси хўаңкунъың лъпысинун қука̄югуткысқылъюта. Та̄хкын апыӷьяқлъыгуҳлъықаҳпысикут қука̄югуткилӷӣнун югым қа̄стулңинаҳа̄ның. Ўа̄кигата̄т сяңутаңа югым илюмикыхка̄.

К Галатам 3:29

Христосым пикңукаңиси та̄ўа Авраамым киңунқӣси. Ынка̄м лъпысилъю пилӣлъықаҳси Кияӷныӷым акықуся̄ Авраамымун.

1е Иоанна 4:6

Иўырңа хўаңкута Кияӷныӷым пикӣлъю, ынка̄м китум лӣсимакилӷӣм Кияӷныӷмың нагатақӣлъю. Тама̄кут иляңита Кияӷныӷым пикынӷилъкаңан нагасигатӣлъю. Ынка̄м таўатын ысҳа лӣсимаксяҳқахпут Таӷныӷакык ипапиҳқылъҳым налиӷмың таӷныӷакык ипаңунӷилңӯм.