2е Коринфянам 10:5 - Новый Завет на эскимосском языке

⁵ Та̄кутхун гӯтутытхун на̄фқақапут аңуягым иқлъыңӣ, сюмыӷныӷитлъю а̄ңа̄югныӷыт. Апыҳтуӷилъҳита амигиӷақӣт югыт лӣтылъыҳқӣтның Кияӷныӷмың. Катам пилъюўаҳтыт тугутылъҳистун анусимиңлъяӷьяҳқамың, хўаңкуталъю тугўа̄қапут қамахлъюки сюмыӷныӷыт қа̄ткутысқылъюки Христосымун.

2е Коринфянам 10:5 Iomraidhean Croise

От Матфея 15:19

Қаюҳлъяк югым илюңаның сыӷлық сюмыҳтаӷалъық пика̄югӯт, юхтақ, гылгаӷнӣқ, алъянӣқ, тыглыгнӣқ, иқлъыңиқутки ынка̄м сыӷлықӯқ югның.

От Луки 1:51

Икнақыпихлъыӷӣкун аҳтуӷьяҳқа̄нӷилъыӷмикун кая̄лъқақӣ қука̄юхлъыҳӣт сюмыҳтаӷалъыӷмыхтыхун.

К Римлянам 1:21

Лӣсимакыӷңа̄ӷмыхтыху Кияӷнық, қӯлвӣгата̄т Кияӷныӷулюку, игамсиқаюгвикигата̄тлъю. Йыӷлыги сюмыҳтаӷалъҳит Кияӷныӷмың сятңунаниқа̄гут, умьюгӣтлъю лӣгикнаниқа̄гут.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

К Римлянам 7:23

Иўырңа лӣтақа та̄ўа иляңа лӣлиҳтӯсяқ югусимнитуқ. Пилъюўақаңи Кияӷныӷым Лӣлиҳтӯсӣ умьюгама итагнақыхкӣ. Лӣлиҳтӯсям югусимнилңӯм сыӷлыҳқыстақа̄ңа, ынка̄м анусимиңлъяӷастун аюқуңа та̄мун лӣлиҳтӯсямун.

1е Коринфянам 1:19

Акузитни Игақыхкани игақңа̄қ: «Пыҳқинӷыт пыҳқинылъҳат атӯнаниҳтыслъықақа. Лӣткаҳлъягытлъю лӣтылъҳат сясӣнаниҳтыслъықақа».

1е Коринфянам 3:19

Кияӷныӷми нунам пыҳқинылъҳа тымңиңӯқ. Акузитни Игақыхкани игақңа̄қ: «Пыҳқинӷыт югыт нунами хўани Кияӷныӷым пипагниңӣтыстақӣ лъңита катам пыҳқинылъҳитхун».

2е Коринфянам 11:20

Тугуклъиӷақаси қылылъҳит никимқун лъпыси қыпҳаҳтыля̄ӷыт лъңитнун. Кагукақыстақуси, тыглыгвикыстақуси, укалиқыстақусилъю, талўа хинаҳпысигун қасяҳтыстақлъюси.

2е Коринфянам 9:13

Тӯньяҳқаҳпысигун ипапиҳқылъықуси ухпықиңанилюсилъю, қа̄ткутңанилюсилъю Пинилӷӣнун Уңипа̄нун Христосым. Тама̄кын апалъюқлъюку югыт усюқылъықа̄т Кияӷнық. Усюқылъықа̄тлъю иӷлылъңунаси тӯнилъыҳпысиның Иерусалимыӷмӣнунлъю, иляңитнунлъю.

К Филиппийцам 4:7

Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

2е Фессалоникийцам 2:4

Та̄м югым кипулъхина̄ҳлъықӣ кияӷныңлъяқат налиӷмың манигуӷьяҳқат, тама̄куның лъңаның қулиҳпига̄ҳсяҳқа̄гуқ. Ынка̄ңам итыӷлюни Кияӷныӷым Храмыңанун ақумлюни Кияӷныӷунилъықуқ.

2е Фессалоникийцам 2:8

Та̄хкын Сыӷлыпыста̄қ Ю̄к алӣҳтыслълъықуқ, иўырңа Атанӷым Иисусым тагикуми туқулъықа̄ аныӷныӷаның қаныӷми, на̄фқылъықа̄лъю ниӷухлъягакун тагилъыӷми.

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.