2е Коринфянам 10:18 - Новый Завет на эскимосском языке

¹⁸ Атанӷым тугуклъӣгатӣ пиниӷнилӷӣт. Итупилъ Атанӷым тугуклъиӷақӣ тама̄кут пиниӷнилюки пикани.

2е Коринфянам 10:18 Iomraidhean Croise

От Луки 16:15

Иўырңа Иисусым пикӣ: «Лъпыси пиниҳсюгниңлъяӷақуси югыт ысҳа̄манӷитни, иўырңа Кияӷныӷым лӣсимакӣси ипа натытулыси илюхпысигун. Сяңўа̄т югыт мыгнукыхкӣт сятңунӷитут Кияӷныӷым ысҳа̄манӷани.

От Иоанна 12:43

қаюҳлъяк та̄кут иглыӷутистыт усюқылъыңьюгақут югның пакихулъюку Кияӷныӷым усюқылъыҳқа̄ның.

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.

К Римлянам 14:18

Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.

К Римлянам 16:10

Уңипа̄таҳнакыси Апеллесалъю сю̄мқақақаңуқ. Нанӷӣҳсяӷалъыңақңами ипапиҳқыхкақа̄ ата̄сиӷмитылъыни Христосымун. Уңипа̄таҳнакыси ныңлъюгутаңи Аристовулым сю̄мқақанкаңуқ.

К Римлянам 2:29

Итупилъ, ю̄к Иудеяпӣгӯқ Иудейяңукуми илюмикун. Иҳсяқҳўа обрезанияка̄гуқ Аглыӷналӷӣгныкун Таӷныӷагныкун, нака̄н игақыхкатхун Лӣлиҳтӯсятхун. Ынка̄м Кияӷныӷмың усюқылъыңылъықуқ, нака̄н югның.

1е Коринфянам 11:19

Ынтақун а̄фқӯтылъыҳпысигун лӣгиксяҳқақаси налиси ипа қа̄ткутңатаңи Атаныӷмун.

1е Коринфянам 4:5

Ынка̄ңам ўӣн нанқихтыхпына̄н кина алңунак сялъҳаның. Атанӷым тагинқихтыкуми кукыхсяҳқақӣ югыт илюңит алӣҳқылъюки сяңўа̄т ӣӷңаялӷӣт тысқамани. Алӣҳқысяҳқақӣ сяңамың ся̄қутаңи. Та̄хкын усюқсяҳқат тама̄кут усюқылъыңьяҳқа̄гут Кияӷныӷмың.

2е Коринфянам 10:12

Иңлюнъақуткынъа̄нӷитукут тама̄кунун а̄ңа̄юхлъыҳӣнун. Сюмыҳтаӷаӷақут а̄ңнилютың қаюҳлъяк уңипа̄тутақылӷӣт а̄ңнилютың. Налъю̄ҳаӷмың!

2е Коринфянам 13:7

Юӷаӷақукут Кияӷныӷмун каюсӣтысқылъюси анахутыфқа̄фси писқылъюси. Иўырңа юӷа̄ңунӷитукут ипапиҳқынъалюку лъпысинун Кияӷныӷмун итагнақуманилюта. Итупилъ хўаңкута юӷа̄ткақамси ылъқуӷутңа̄н писқылъюси, қайўа югыт пиӷңата̄лъю итагнақылъҳинъилюта Кияӷныӷмун.

2е Коринфянам 3:1

Хўаңкута усюқыся̄юхнақлъя̄таӷыста̄ хўаңкунъың катам? Налиӷмың иляңистун аклъюкиңуста̄ посланиямың а̄пҳысқылъюта лъпысинун, налиӷмың лъпысиның?

2е Коринфянам 5:12

Лъпысинун тугуклъиҳтыснақуткыңъунӷитукут алъямың. Итупилъ уңипа̄тақамси хўаңкунъың лъпысинун қука̄югуткысқылъюта. Та̄хкын апыӷьяқлъыгуҳлъықаҳпысикут қука̄югуткилӷӣнун югым қа̄стулңинаҳа̄ның. Ўа̄кигата̄т сяңутаңа югым илюмикыхка̄.

2е Коринфянам 6:4

Иўырңа сялъымтыхун тамаҳа̄кун лӣгикыстақукут югнун Кияӷныӷмун қыпҳаҳтыкнилюта. Тама̄кын апалъюқлъюку нуқытутималъымтыхун сюфлъюҳтаӷақапут сыӷлылӣлъҳыт, пияқлъӣлъҳыт, икфиқылъҳыт.

2е Тимофею 2:15

Та̄куңинаҳа̄гның қыпҳа̄ Кияӷныӷмун итагнақысқылъютын. Қыпҳаҳтыңу кайңукиңигалңуқ қыпҳақаминың. Ылъқуӷаҳлъюкулъю апыҳтӯсяқигу Кияӷныӷым уңипаҳпига̄.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.