2е Коринфянам 10:13 - Новый Завет на эскимосском языке

¹³ Қука̄югуткынъа̄нӷитаҳпут алңунак қыпҳақақ Кияӷныӷым каягусимаңилъкаңа хўаңкунъун. Иўырңа қука̄югуткыңъинаҳлъықаҳпут қыпҳақақ каягутка̄ хўаңкунъун. Лъпысилъю илятңа̄си қыпҳақамнъун.

2е Коринфянам 10:13 Iomraidhean Croise

От Матфея 25:15

Ата̄симун 5,000 манит тӯныхкӣ, иляңанун 2,000, киңулиӷмун 1,000. Тамаҳӣта тунқуқӣ пилъыхтулңистун. Та̄хкын аӷуляқыхкақ.

К Римлянам 10:18

Иўырңа пӣқсиңа̄ Израилыӷмӣт нагақӯнъыӷинъилюки уңипа̄мың? А̄а, нагақупыста̄қа̄гут. Акузитни Игақыхкани игақңалӷӣ: «Мыңит аӷуляқума̄т тамаҳа̄нун нунам; акузитаңитлъю кынлыңитнун нунам».

К Римлянам 12:3

Кияӷныӷым тӯныхкақутаңаның тунусямың апостолыңулюңа, тамаҳаҳпысинун пӣңа: Сюмыҳтаӷа̄ткыхпынаси лъпысиның пиниӷатаӷаӷнилюси аюқылъыҳпысиның. Йыӷлыги ипапиҳқылъюси сюмыҳтаӷа̄ткақитык ухпықилъыҳтулыхпысигун Кияӷныӷым тӯныхка̄кун лъпысинун.

К Римлянам 12:6

Қамахлъюта алъякулъҳӣның тунусялгӯкут Кияӷныӷым тӯныхка̄ның наңлъыхталъыӷмикун. Тунусяҳпут уңипақиңукан Кияӷныӷым уңипа̄мың, уңипақилъта ухпықилъыҳтуталымтыстун.

К Римлянам 15:20

Ӣўлың пиюкылъқысяӷақа уңипақналюки Пинилӷӣт Уңипат нунани нагақӯсигалңуӷни Христосымың. Таўатын пика̄гуңа қаюҳлъяк ныкыфтиюгунӷилңӯңа тумаңакун иляңан югым пӣнлиқа̄кун.

1е Коринфянам 12:11

Қамахлъютың тама̄кут тунусят ата̄сикаҳтаҳаӷмың та̄хкын ата̄сигның Таӷныӷагның пиңӯт. Тӯньюкани тама̄кут налӣтның тунусяҳқами тӯнақӣ.

К Ефесянам 4:7

Христосым тамаҳа̄мта тӯныхкақӣлъю тунусямың қыпҳақани писқылъюку. Тӯныхкақӣ та̄кут тунусят тӯньюкылъыӷмитун.

1е Петра 4:10

Тамаҳаҳпыси алъхыӷутка̄гуси тунусяның атуҳқамың иляхпысинун. Алъя̄ҳӣна̄т тунусят Кияӷныӷмың писи атуқақитыки пинитун.