2е Коринфянам 1:23 - Новый Завет на эскимосском языке

²³ Туқлъюӷақа Кияӷнық лӣсимакистыңулюку қаюҳлъяк лӣсимакыхкаңа қа̄мна илюка! Коринфысюгунӷитуңа сыӷлылӣҳқыснаюкамси.

2е Коринфянам 1:23 Iomraidhean Croise

Деяния 18:1

Та̄м киңуңаның Павел Коринфыткақ Афинымың.

Деяния 18:8

Синагогам иглыӷутистыңа Криспыңуфтуқ. Қамахлъютың ныңлъюгуткулъҳӣт ухпықыхка̄т Атанық. Коринфыӷмӣлӷутытлъю нагалъюку Павел ухпыӷлютың крестқат.

К Римлянам 1:9

Пинақылъқа қамахлъюку қыпҳа̄тақақа Кияӷнық, уңипақналюки Пинилӷӣт Уңипат Иӷныӷаның аюқылӷӣт. Кияӷнық лӣсимакистыкақа қӯнпың юӷа̄ткыңъукымси.

К Римлянам 9:1

Апыӷьюкақа лъпысинун ипаңӯқ. Иқлъыңиқңунӷитуңа қаюҳлъяк Христосым пика̄ңа, Аглыӷналӷӣм Таӷныӷамлъю иглыӷутңўа̄к умьюгахка.

1е Коринфянам 4:21

Ка̄скума сясқысюгыстыңъа? Анагуталиӷлюңа̄ аӷью̄ӷлямсӣ, налиӷмың пиниқлъюси, пинитуңўа̄қ пилямсӣ?

2е Коринфянам 1:1

Укут посланият Павелымың пиңӯт, апостолаңаның Христос Иисусым Кияӷныӷым пиюкылъҳакун, Тимофейемыңлъю пиңӯт ухпықа̄лгутымнъың. Кияӷныӷым югитнун қырңуӷуткаюгнун юӷаӷвигани Коринфым, тамаҳӣтнунлъю Кияӷныӷым югитнун ӣңунаҳа̄ни Ахаиям.

2е Коринфянам 1:18

Ипапыста̄қ Кияӷнық ата̄сӣӷмытуқ, акықусяқа лъпысинун «А̄ңӷунӷитуқлъю», «Нака̄ңунӷитуқлъю».

2е Коринфянам 10:2

тытухтысныӷитаҳнакыфсиңа ля̄лиҳфикынқихтыкумси. Иўырңа тытугьяҳқақынӷилъкумки тама̄кут югыт пилӷӣт кияҳтыңъунилюңа нунам югыстун, ынңа̄талъ тытугна̄нӷитанка.

2е Коринфянам 11:10

Китум алңунак Ахаиями аӷулӣҳна̄нӷита̄ қука̄юхтылъқа та̄хкын. Таўатын пӣңа Христосым ипапиҳқылъҳакун хўаңамнилңуҳқун.

2е Коринфянам 11:11

Каютыңлъянӷитутымның лъпысинун, сюмыҳпысинӣи пиниқынӷинъилюси пӣқыстык хўаңамнун? Кияӷныӷым лӣсимака̄ пиниқилъқа лъпысинун.

2е Коринфянам 11:31

Кияӷныӷым лӣсимака̄ңа иқлъыңиқна̄нӷитуңа. Лъңа Атака̄ Атанӷым Иисусым, усюқсяҳқақ қӯнпырухлъяк.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

2е Коринфянам 13:10

Тама̄кын апалъюқлъюку письмокақамси лъпысинун пивагилгама қаюҳлъяк нанқихсюнӷилъкымси аӷью̄ӷмигьяҳқа̄люси. Атанӷым қылъқақа̄ңа нанқихтыстыңулюңа лъпысинун. Ынка̄м нанқихсюгамси каюсӣнъалюси ухпықилъыҳтуҳтысқылъюси, нака̄н кая̄лисқылъюси.

2е Коринфянам 13:2

Тӯңлиҳа̄ни ля̄лиҳфикақңамси кылыңася̄қақамси тама̄кут сивунӷани сыӷлыҳқылӷӣт. Иляңитлъю кылыңася̄қақанка, тагинқихтыкума аӷью̄ӷмихлъықнилюки сыӷлыҳқумаңинақата. Тама̄нъыӷитыӷңа̄ӷма кылыңася̄ӷнақанка.

2е Коринфянам 6:6

Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

К Галатам 1:20

А̄пқанка укут ипаңӯт, Кияӷныӷым лӣсимака̄ңа иқлъыңиқңунӷитуңа.

К Филиппийцам 1:8

Кияӷнық лӣсимакистыкақа ысҳаӷьюпихтақамси, қаюҳлъяк қамахлъюси пиниқамси Христос Иисусым пиниқылъҳатун лъпыси.

1е Фессалоникийцам 2:5

Лӣсимакаҳси усюқӯҳсяҳтӯнӷитамси налиӷмың сякыңвиксяҳтӯнӷитамси. Кияӷнық лӣсимакистыкаҳпут.

1е Тимофею 1:20

Именейелъю, Александрлъю тама̄кут акулңитнитук. Тӯныхкақахка Туӷныӷаӷмун лӣтысқылъюкык сыӷлыпыста̄тун акузиткыфқа̄н Кияӷнық писқылъюку.