2е Коринфянам 1:20 - Новый Завет на эскимосском языке

²⁰ Лъңаңӯқ «Аңылъық» тамаҳӣтнун Кияӷныӷым акықусӣтнун. Тама̄кын апалъюқлъюку хўаңкута «Аминақукут» лъңакун усюқнымтыху Кияӷнық.

2е Коринфянам 1:20 Iomraidhean Croise

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

От Луки 2:14

«Усюқнаҳалык Кияӷныӷмун, қилягым ӯсқалъыҳпига̄нилңуӷмун, ныкыхмылъылгулитлъю нунамылңӯт ыфқуқыхкӣ!»

От Иоанна 1:17

Кияӷныӷым тӯныхкақӣ Лӣлиҳтӯсят Моисейкун, иўырңа пиниқылъықлъю, ипалъықлъю лӣтыстыкақа̄к Иисус Христосыкун.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

К Римлянам 11:36

Сяңўа̄ қамахлъюни лъңаның пиңӯқ, лъңакун пиңӯқ, лъңанунлъю пиңӯқ. Лъңа усюқылъыңли қӯнпырухлъяк! Аминь.

К Римлянам 6:23

Акилыҳтӯся̄ сыӷлыҳқылъҳым туқулъҳӯқ; иўырңа Кияӷныӷым акиңилңуқ тунуся̄ кынлыңилңӯгуқ уңувалъық Христос Иисусыкун Атанымтыхун.

1е Коринфянам 14:16

Қаюҳлъяк таӷныӷахпыгун усюқыхкувгу Кияӷнық алъястун улюстун, натынңам лӣгикигалңӯм усюқилгусиҳлъықатын Кияӷныӷмун игамсиқаюлъыҳпының? Налъюка̄ сямың пӣқсин.

2е Коринфянам 4:15

Қамахлъютың тама̄кут апыӷӣқат хўаңкунъун лъпысинун аюқут. Кияӷныӷым наңлъыхталъҳан нуляслъықӣ югыт ухпықилӷӣт Христосыкун. Ынка̄м игамсиқаюлъыҳлъяк Кияӷныӷмун нулялъықуқ, қӯлвалъыңыҳлъяхлъықуқлъю.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Галатам 3:22

Иўырңа Акузитыт Игақыхкат пика̄гут қамахлъюки нунам юги сыӷлыҳқылъҳым анусимиңлъяӷақӣ. Ынка̄ңам Кияӷныӷым акықусяқыхкани тӯнылъықа̄ ухпықикаҳӣнаӷнун Иисус Христосымың.

К Ефесянам 1:6

Ынка̄м усюқаҳпут Кияӷнық қаюҳлъяк иӷлыхпынани наңлъыкыҳлъягӣлъю пиниқыхкамикун Иӷныӷмикун.

К Ефесянам 2:7

Кияӷнық таўатын пика̄гуқ киңулӣӷаӷнун лӣтысқылъюку пиниқылъыӷрукута̄ҳлъяни хўаңкунъун Христос Иисусыкун.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

2е Фессалоникийцам 1:10

Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

К Евреям 11:13

Қамахлъютың тама̄кут югыт паниның кияҳтыка̄гут ухпықилъыҳқун туқулъыӷмыхнун кынляңа. Туқуляӷа̄тка̄лӷӣт алъхыҳтыхпынаки Кияӷныӷым акықусяқыхкӣ лъмыхнун. Иўырңа ухпықилъыҳқун ысҳақақӣт Кияӷныӷым акықусяқыхкӣ уяванлъюки сивумыхнилъюки қуякыхкақӣтлъю. Ынка̄ңам уңипа̄ткақӣт югыт нуната̄нилютың хўани нунами, нунамун пикынӷинъилютың.

К Евреям 13:8

Иисус Христос алмысиқақа̄ иӷивгақ, аӷныӷми, қӯнпырухлъяклъю.

К Евреям 7:6

Мелхиседек киңунқынӷита̄ Левийем, иўырңа тугуклъиқақа̄ қуляҳқылъық Авраамым тӯньягу. Қуястыкақа̄лъю Авраам, алъхыӷутка̄лӷӣ Кияӷныӷым акықуся̄ның.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Иоанна 5:11

Уна Кияӷныӷым а̄пқақа̄, Кияӷныӷымңуқ тӯныхкақӣлъю кынлыңилңуӷмың уңувалъыӷмың, та̄на уңувалъық Иӷныӷанитуқ.

Откровение 3:14

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Лаодикиям. Уна уңипақ Аминымың пиңӯқ. Ата̄сӣӷмылңӯгуқ, ипапиҳқыңъалӷӣңӯқ лӣсимакиста. Лъңакун Кияӷныӷым улимакақа̄ сяңўа̄ қамахлъюку.

Откровение 7:12

Пӣт: «Аминь! Кияӷныҳпут тамаҳаӷми усюқлъигу, ниӷуҳқылъигу, игамсиқаюгвиклъигу, қӯлваӷлигу қаюҳлъяк лъңаңӯқ пыҳқинылъылык, аҳтуӷьяҳқа̄нӷилъылык, икнақылъылыклъю. Лъңа таўатытуқ қӯнпырухлъяк кынлыңуна̄н! Аминь!»