2е Коринфянам 1:1 - Новый Завет на эскимосском языке

¹ Укут посланият Павелымың пиңӯт, апостолаңаның Христос Иисусым Кияӷныӷым пиюкылъҳакун, Тимофейемыңлъю пиңӯт ухпықа̄лгутымнъың. Кияӷныӷым югитнун қырңуӷуткаюгнун юӷаӷвигани Коринфым, тамаҳӣтнунлъю Кияӷныӷым югитнун ӣңунаҳа̄ни Ахаиям.

2е Коринфянам 1:1 Iomraidhean Croise

Деяния 16:1

Павел Дервияткақ ынка̄м та̄хкын нагнықақ Листрамун, тама̄ни налъяқа̄ ухпықақ ю̄к а̄тқылӷӣ Тимофейемың. На̄ңалъю ухпықа̄лӷӣ Иудеянкаңуфтуқ, нақам атаңа Грегуфтук.

К Римлянам 15:26

Ухпықат Македониямылңӯтлъю, Ахаиямылңӯтлъю қуякусиқлъюку тӯника̄гут манимың каюсӣнъалюки аклъюмалӷӣт акулңитнилңӯт Кияӷныӷым юган Иерусалимыми.

К Римлянам 16:21

Қыпҳалгутма Тимофейем, Иудейялгутмалъю Луцийямлъю, Иасонымлъю, Сосипатрымлъю сю̄мқақӣсиңуқ.

К Римлянам 16:5

Уңипа̄таҳнакыси ухпықат қырңуӷуткаюгның мыңтыӷахкыни сю̄мқақанкаңуқ. Уңипа̄таҳнакыси пиниқыхкақа Епенет сю̄мқақақаңуқ. Асиями лъңа ухпыӷьюха̄қа̄гуқ Христосыкун.

1е Коринфянам 10:32

Сяхпынаси сыӷлыҳқыстияҳқамың Иудеянун, язычнигнун, ухпықанунлъю.

1е Коринфянам 16:10

Тимофей лъпысинун пикан, ынңа̄талъ упуӷанъакыси, қаюҳлъяк қыпҳа̄гуқ Атаныӷмун хўаңамтун.

1е Коринфянам 16:15

Ухпықа̄лгутымни, лӣсимакаси Стефановолъю ныңлъюгуткулъҳӣт, ухпықақсюхўа̄ӷулӷӣт Ахаиями. Атаныӷмун тӯныхка̄гут лъңит, ухпықат иляңи каюсӣнъалюки.

1е Коринфянам 16:24

Пиниқамси қамахлъюси Христос Иисусыкун. Аминь.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

2е Коринфянам 1:19

Кияӷныӷым Иӷныӷа, Иисус Христос уңипақыхкаҳпут лъпысинун Силуанамлъю, Тимофеймлъю, хўаңалъю: «А̄ңӷунӷитуқлъю», «Нака̄ӷунӷитуқлъю»; иўырңа лъңани қӯнпың «А̄ңӷӯқ».

2е Коринфянам 1:23

Туқлъюӷақа Кияӷнық лӣсимакистыңулюку қаюҳлъяк лӣсимакыхкаңа қа̄мна илюка! Коринфысюгунӷитуңа сыӷлылӣҳқыснаюкамси.

2е Коринфянам 11:10

Китум алңунак Ахаиями аӷулӣҳна̄нӷита̄ қука̄юхтылъқа та̄хкын. Таўатын пӣңа Христосым ипапиҳқылъҳакун хўаңамнилңуҳқун.

2е Коринфянам 9:2

Лӣсимакамси каюсиӷиюглюси аюқуси ынка̄м қанаткақамси ухпықӣтнун Македониям. Хўатын пика̄гуңа: «Аўатаңани има ухпықа̄лгутыт Ахаиямылңӯт ята̄ҳқыхка̄гут тӯниналютың». Сягиқылъыҳпыси алъюлъюки ухпықат ма̄нлыңӯт тӯниюхтыстыкақӣтлъю.

К Галатам 1:1

Укут посланият Павелымың пиңӯт, апостолымың. Югыт накмикылъҳита̄тңа апостолыңулюңа, талўа каяхтылъҳита̄тңа. Апостолыңӯҳтыка̄гуңа Иисус Христосыкунлъю, Кияӷныҳқунлъю Атакун, уңуваҳтыстикақ лъңаның туқулъыӷмың.

К Галатам 3:26

Ухпықилъыҳпысигун Христос Иисусыкун, қамахлъюси Кияӷныӷым авақутақӣси.

К Ефесянам 1:1

Укут посланият Павелымың пиңӯт. Христос Иисусым апостолыка̄ңа Кияӷныӷым пиюкылъҳакун. Письмоңӯңа Кияӷныӷым югитнун Ефесымылңуӷнун, ата̄сӣӷмылңӯт малихся̄ҳтыңи Христос Иисусым.

К Филиппийцам 1:1

Укут посланият Павелымыңлъю, Тимофейемыңлъю пиңӯт, қыпҳаҳтыкӣнкуң Христос Иисусым. Письмоӷақамси қамахлъюси Кияӷныӷым югитни, юӷаӷвигым иглыӷутистыңитни, диаконынилъю Филиппымылңуӷни, ухпықилӷӣт Христос Иисусыкун.

1е Фессалоникийцам 1:1

Укут посланият Павелымың, Силамың, Тимофейемыңлъю пиңӯт, Фессалоникаӷмӣт ухпықӣтнун Кияӷныӷым Атам пиңи Атанӷымлъю Иисус Христосым. Кияӷныӷым наңлъыкилъҳалъю, ныкыхмылъҳалъю лъпысинилъик.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

2е Фессалоникийцам 1:1

Укут посланият Павелымың, Силамың, Тимофейемыңлъю пиңӯт. Ухпықанун Фессалоникамылңуӷнун Кияӷныӷым Атамта пиңитнун, Атанӷымлъю Иисус Христосым.

1е Тимофею 1:1

Укут посланият Павелымың пиңӯт апостолаңаның Христос Иисусым. Апостолыңуҳтыка̄гуңа қылылъҳакун Кияӷныӷым Югулиӷистымта, Христос Иисусымлъю сиӷимакыхкамта.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

К Титу 1:1

Укут посланият Павелымың пиңӯт қыпҳаҳтыңаның Кияӷныӷым, апостолыңаныңлъю Иисус Христосым. Каяхтыка̄гуңа каюсӣтысқылъюки Кияӷныӷым накмикыхкӣ югыт ухпылъыҳтуҳтаӷӣсқылъюки, лӣтысқылъюкулъю ипапилъық. Та̄м ипапилъҳым каюсиҳлъықӣ югыт кияҳтылъыҳқӣт Кияӷныӷым пиюкылъҳатун.

К Филимону 1:1

Укут посланият Павелымың пиңӯт, анусимиңлъяӷақ Христос Иисус апалъюқлъюку, ухпықа̄лгутымнъыңлъю Тимофейемың. Пиниқыхкамтыгнун қыпҳалгутымтыгнун Филимонымун,

К Евреям 13:23

Лӣсимакысюгамси ухпықа̄лгутымнъың, Тимофейемың, а̄нысима̄қ анусимиңлъяӷвигмың. Ка̄тылӷаҳтуӷьяқан қырңа̄мтуң ысҳаӷьяҳтуҳлъықамси.