2е Фессалоникийцам 2:16 - Новый Завет на эскимосском языке

¹⁶ Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка

2е Фессалоникийцам 2:16 Iomraidhean Croise

От Луки 16:25

Иўырңа Авраамым пика̄: “Иӷнымни, нықамикан нунами кияхта̄ҳулютын пинилӷӣмың пилгука̄лӷӣтын, Лазарь пилгумалюку сыӷлыӷмың. Иўырңа ма̄тын итагнаӷилъыңума̄қ, лъпык икфиқыҳлъягумалютын.

От Иоанна 13:1

Ата̄сӣҳтыкақ аӷнық Пасхам Нықынӷаҳқылъыҳқа̄нун. Иисусым лӣсимакыхкаңа қантаӷақун Атамун аглялъыҳқани унилъюку уна нуна. Қӯнпың пиниқыхкақӣ тама̄кут лъми пини нунамылңӯт, пиниқыхкақӣ кынлымун.

От Иоанна 15:13

Югым туқуматкыхкумики илякумта̄ни пиниқылъҳа а̄ңыпихтуқ. Кина алъя пиниқылъҳитуқ та̄мың а̄ңатаӷалӷӣмың.

От Иоанна 15:9

Пиниқамси катам Атам пиниқылъҳатун хўаңа. Пиниқылъымнитыкыстаҳтык.

От Иоанна 16:22

Қивӷуңӯси ма̄тын иўырңа ысҳаҳлъықамси алъямың ынка̄м қуялъықуси. Китум алңунак иқинъа̄нӷита̄ қуялъыҳси.

От Иоанна 3:16

Кияӷныӷым пиниқыпихтутминың нунам юга тӯныхка̄ кызымаҳақ Иӷныни. Иӷныӷа китум алңунак ухпықыхкумигу туқуна̄нӷитуқ, иўырңа алъхыҳлъықа̄ кынлыңилңуқ уңувалъық.

От Иоанна 4:14

Мық хўаңа тӯньяҳқақа китум алңунак мыӷыхкумигу алъямыңлъю мықсюгна̄нӷитуқ. Мық тӯньяҳқақа лъңанун таўатын лъӣӷьяҳқа̄гуқ сыңъулӷӣстун, тывуӷалӷӣ лъңан илюңаның. Та̄на мық кынлыңилңуӷмың уңувалъыңусиҳқақа̄».

Деяния 15:11

Иўырңа ухпықаҳпут Кияӷныӷым югуликақӣлъю каюсилъҳакун Атанӷым Иисусым таўатыҳпигақ язычнигнун пилъыӷмитун».

Деяния 18:27

Аполлос Грециямун пиюгьян, ухпықат кайымыхка̄т ынка̄м письмомат Грецияӷмӣт ухпықӣтнун упуӷатысқылъюку. Та̄кут Грецияӷмӣт ухпықыхкақыхкаңат Иисус Кияӷныӷым каюсилъҳакун. Аполлосым ка̄лъюни ынңа̄талъ икнақуҳсяқақыхкаңи ухпылъҳит апыҳтуӷилъыӷмикун.

К Римлянам 1:7

Қамахлъюси лъпыси Римымылңуӷни Кияӷныӷым пиниқыхкӣтни, туқлъюқӣтнилъю юкналюси: Кияӷныӷым Атамта, Атанӷымлъю Иисус Христосым каюсӣлъиси, ныкыхмылъылисилъилъю.

К Римлянам 4:16

Тама̄кын апалъюқлъюку ухпықилъыӷмыхтыхун югыт алъхыҳта̄т Кияӷныӷым акықуся̄ акиңилңӯлюку тунусяқ. Ынка̄м қамахлъютың Авраамым киңунӷита алъхыҳтыпыста̄ҳлъықа̄т Кияӷныӷым акықуся̄. Та̄на акықусяқ Иудеяңинаҳаӷнун аюқынӷитуқ Лӣлиҳтӯсялыгнун. Иўырңа ухпықилӷӣнунлъю аюқуқ Авраамым ухпықилъҳатун. Ынка̄м Авраам қамахлъюта атакаҳпут ухпықилӷӣни.

К Римлянам 4:4

Ю̄к қыпҳалъыӷминың акилыҳтӯсяңыхкаюгӯқ. Акилыҳтӯся̄ тунуся̄нӷитуқ қаюҳлъяк лъңан алъхыҳтыкақа̄ қыпҳа̄лъюку.

К Римлянам 5:8

Иўырңа Кияӷныӷым кылгуткақа̄ пиниқылъыни хўаңкунъун, паниның сыӷлыҳқыстыңулюта Христосым туқуматкыхкақӣлъю!

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Ефесянам 5:25

Угини, пиниқлъюки нулӣси катам Христосым пиниқылъҳатун ухпықат. Пиниқыпихтыкақӣ рыпалъ туқуматкыхкақӣ.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

1е Фессалоникийцам 3:11

Кияӷнымта, Атам лъңаның катам, Атанымталъю Иисусым қантаӷақун лъпысинун пияҳқа̄ҳтыслъикут!

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

К Титу 1:2

Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.

1е Иоанна 3:16

Хўатын ысҳа лӣсимакыхкыфут пиниқылъық сяңутаңа: Христосым тӯнылъҳакун уңувалъыни хўаңкунъун. Ынка̄м хўаңкуталъю тӯнылътыки уңувалъыпут ухпықа̄лгутымнъун.

Откровение 22:5

Тама̄ни унугнаниҳлъықа̄, кынылӷутаҳсюӷнӣӷулъықӣ, налиӷмың сиқиныҳсюӷнӣӷулъықӣ, қаюҳлъяк Атанық Кияӷнық ниӷукылъықа̄т. Иглыӷутилъықутлъю умӣлгулютың қӯнпырухлъяк кынлыңуна̄н.

Откровение 3:9

Ӣи! Тама̄кут қырңуӷулъҳӣт Туӷныӷа̄м синагогаңани, Иудеяңунӣқут. Иўырңа иқлъыңиқыстыңӯт; Иудеяңунӷитут. Лъпысинун пислъюки қуңуҳтыснақанка сивухпысигун. Та̄хкын лӣлъықа̄т пиниқыхкымси.