2е Фессалоникийцам 2:10 - Новый Завет на эскимосском языке

¹⁰ Атуқылъықӣлъю алъя̄ҳӣна̄т сыӷлыӷыт пӯҳналюки туқуяҳқат. Туқуяҳқа̄гут қаюҳлъяк ухпықсюнӷилъкаңат ипалъық югулисиҳқақсяқысың.

2е Фессалоникийцам 2:10 Iomraidhean Croise

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Иоанна 3:17

Кияӷныӷым каяхсимаңита̄ Иӷныни нунамун аӷью̄ӷисқылъюку нунам юганың, каяхтыкақа̄ югулиӷистыңулюку югнун.

От Иоанна 5:34

Югыт апынӷисяӷңа̄ӷмыхтыңъа, иўырңа таўатын пӣңа лъпыси югулилъыңысқылъюси.

К Римлянам 10:1

Ухпықа̄лгутымни, қамагун илюмкун пиюкыпихтақанка хўаңа катам югынка Иудеит югулилъыңысқылъюки! Ынңа̄талъ Кияӷныӷмун юӷа̄ткақанка!

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

1е Коринфянам 1:18

Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 16:22

Китум алңунак пиниқынӷилъкумигу Атанық, на̄фқылъылгӯқ. «Маранафа», хўатын писӣгуқ, Атаныҳпут, таги!

2е Коринфянам 11:13

Тама̄кут югыт апостолысиӷўа̄ӷӯт пӯҳтилӷӣт югның иқлъыңиқылъыӷмыхтыхун. Югнун сюмыҳтаӷа̄ткыстақут Христосымун апостолыпӣкнилютың.

2е Коринфянам 11:15

Ынка̄м сяӷӣӷанӣтут Туӷныӷа̄м қыпҳаҳтыңи таўатын пикумың. Югнун сюмыҳтаӷа̄ткыстақут ылъқуӷутңалӷӣңунилютың қыпҳаҳтыңи Кияӷныӷым. Иўырңа кынлыми Кияӷныӷым аӷью̄ҳлъықӣ ылъқуӷутңалӷӣмың аӷью̄лъыӷмың анахутылъҳитнун.

2е Коринфянам 2:15

Қаюҳлъяк хўаңкута тыпкыхтастун нықниҳся̄систун аюқукут Христосым аҳқуткыхка̄тун Кияӷныӷмун. Тыпывут миңитңӯқ югуликанунлъю, ифлъяканунлъю.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

1е Фессалоникийцам 2:16

аӷулӣҳнақуткылъыӷмыхтыхун уңипақилъыҳпут язычнигнун югулилъыңнаюката. Таўатын пилъыӷмыхтыхун илямаңинаӷӣт сыӷлыҳқылъытың ынка̄м қынўатлъю Кияӷныӷым угумиягутыҳлъяглюки қантаӷақун аӷью̄ҳлъықӣ.

2е Фессалоникийцам 2:12

Ынка̄м қамахтыңъўа̄ӷлютың ухпықинӷилңӯт ипапилъыӷмың нанқихсяҳқа̄гут аӷью̄ӷьяҳқа̄лютың қаюҳлъяк пиниӷью̄гусиқыхкаңат сыҳлъыҳқылъық.

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

1е Тимофею 2:4

қаюҳлъяк қамахлъюку ю̄к югулилъыңысюга̄, лӣтысюга̄лъю ипапилъық.

К Евреям 3:13

Иўырңа аҳутаңа тамаҳа̄н кайымутақитык пилъыҳқалгумалюку атилъқылӷӣмың «Аӷныӷми». Таўатын пинӷилъкуфси та̄ўа сыӷлыҳқылъҳым пӯҳлъюси пиныҳлъюңлъяҳлъықӣси.

2е Петра 2:12

Иўырңа тама̄кут апыҳтуӷистысиӷўа̄ӷыт сыӷлықӯӷақӣт сяңўа̄т лӣгикыхпынаки. Тыӷикусястун сюмыҳтаӷаҳпагниңилңӯгут. Туқутылъыңылъықут тыӷикусястун алъхыӷлютың тыӷихтуӷлюки туқутка̄т.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.