2е Фессалоникийцам 1:9 - Новый Завет на эскимосском языке

⁹ Аӷью̄ӷнақңўӣлъю кынлыңилңуӷмың на̄фқылъыӷмың, иқитыснақңӯтлъю Атаныӷмың, ниӷуганыңлъю аҳтуӷьяҳқа̄нӷилъҳан.

2е Фессалоникийцам 1:9 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 22:13

Та̄хкын умӣлгым қыпҳаҳтыт пикӣ: “Ӣхилъю, итыгӣлъю асиҳлъюки қагавык мамлыгмун милю̄тыху, таўани югыт қиялъықут хутытыңлъю тышқита̄хтаҳлъықӣт”».

От Матфея 24:30

Та̄хкын қилягакун сяңўа̄ алъхыҳлъықуқ лӣсимакусиҳқақ Иӷныӷаның Югым. Та̄хкын қамахтыңъўа̄ӷлютың нунам рамкыңи қивӷум қия̄ӷӯтыҳлъяхлъықут. Ысҳаҳлъықа̄т Иӷныӷа Югым тагилӷӣ қилягўа̄ҳтыхун, аҳтуӷьяҳқа̄нӷилъыҳтӯмаӷмилъю, ниӷуҳқылъылиҳлъяглюнилъю.

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 25:46

Ынка̄м та̄кут агляҳлъықут кынлыңилңуӷмун аӷью̄лъыӷмун, иўырңа ылъқуӷутңалӷӣт агляҳлъықут кынлыңилңуӷмун уңувалъыӷмун».

От Матфея 26:24

Ипапыста̄қ Иӷныӷа Югым туқуяҳқа̄гуқ Акузитыт Игақыхкат пинақнилъҳистун. Иўырңа сыӷлыӷўа̄ӷунақңӯқ та̄на ю̄к увыҳпагутилӷӣ Иӷныӷаның Югым! Итагнаӷнаяҳтуқ алъхыӷумаңисяқуми!»

От Матфея 7:23

Иўырңа хўатын пилъықанка: “Налъюкңўа̄ӷамси, иқитык хўаңамның, сыӷлытун пистыни”».

От Луки 13:27

Иўырңа пиля̄таҳлъықӣси: “Уңипа̄тамси, налъюкамси, налъюкақалъю накын пиңустык. Иқилъяӷа̄тык хўаңамның лъпыси сыӷлытун пистыни!”

От Иоанна 5:14

Аӷныӷми та̄кўани Храмыми, Иисусым налъяқа̄ та̄на ю̄к на̄лъҳуткани, пика̄: «Уюқ, на̄лъҳусима̄тын. Сыӷлыҳқынъанӣ лю̄рақ сяңўа̄ сыӷлыӷатаӷалӷӣ икфиқуткынъаюкавгу сыӷлыҳқумаңинақувык».

К Филиппийцам 3:19

Сю̄мқақӣт югусимың пиюкылъҳит кияң, Кияӷнық авылӷаӷлюку. Кайңуюгусиҳқақсяқытың а̄ңа̄югусиқақӣт. Сюмыҳтаӷа̄ткақа̄т нунамылңуҳӣнақ кияҳта̄лъыҳтың ынка̄м на̄фқылъыңьяҳқа̄гут геенами.

1е Фессалоникийцам 5:3

Югыт хўатын пималюки: «Ныкыхмылъылгӯкутлъю, пақнӣтукутлъю», на̄фқылъҳым ка̄тқаҳлъықӣ катам аӷнам иӷниюлъҳан ақниҳқылъҳатун. Югыт анагна̄нӷита̄т та̄на на̄фқылъық.

2е Фессалоникийцам 2:8

Та̄хкын Сыӷлыпыста̄қ Ю̄к алӣҳтыслълъықуқ, иўырңа Атанӷым Иисусым тагикуми туқулъықа̄ аныӷныӷаның қаныӷми, на̄фқылъықа̄лъю ниӷухлъягакун тагилъыӷми.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 10:29

Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

2е Петра 2:17

Тама̄кут апыҳтуӷистысиӷўа̄ӷыт па̄тқастун сыңъустун аюқут, қилягўа̄ӷыстунлъю аюқут ануқыҳлъягым тыңтыкаңи. Кияӷныӷым ныкаҳқаңлъя̄ткақӣ писяҳтӣҳлъягми.

2е Петра 3:7

Иўырңа та̄хун акузиткун Кияӷныӷым афлъыңакақӣ қилягалъю, нуналъю на̄фқысяҳқа̄люки кыныҳқун. Афлъыңакңӯт кынляңа аӷныӷанун нанқихтилъҳым. Таўанилъю аӷныӷми на̄фқылъықӣ югыт авылӷасиңўа̄ӷикат лъңаның.

От Иуды 1:13

Кайңуналӷӣт наңаӷныӷит қагиҳлъягыстун аюқут, тымңи пӯхлъюңлъят. Иӷалықыта̄ӷыстун қапшакаюгыстун аюқут, қаюҳлъяк таўатылңӯт иӷалықыта̄ӷыт налъюнӣӷутңуяҳқа̄нӷитут иглыӷанун. Таўатыҳпигақ иглыӷусяҳқақынӷита̄т кина алңунак апыҳтуӷилъысиӷўа̄лъыӷмыхтыхун. Тама̄кын апалъюқлъюку Кияӷныӷым ята̄ҳқуткақӣ писяҳтӣҳлъягмың ныкаҳқамың кынлыңилңуӷмың.

Откровение 20:11

Та̄хкын ысҳаӷақа Кияӷнық ақумгалӷӣ қатылӷӣгныкун умӣлгусигныкун ақумутаҳлъягыгныкун. Нуналъю, қилягалъю қима̄гӯтук Кияӷныӷым таўантылъҳаның, алъялъю ысҳаӷьяҳқа̄хпынатык.

Откровение 20:14

Та̄хкын Туқулъықлъю, Адылъю милю̄тахкыт на̄йвам кынӷанун. На̄йвам кынӷа тӯңлиқа̄ туқулъҳым.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.