2е Фессалоникийцам 1:8 - Новый Завет на эскимосском языке

⁸ Та̄хкын Иисусым аӷью̄ҳлъықӣ тама̄кут налъюкилӷӣт Кияӷныӷмың, қа̄ткусигалңӯтлъю Пинилӷӣның Уңипа̄мың Иисусымың аюқылӷӣт.

2е Фессалоникийцам 1:8 Iomraidhean Croise

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 25:46

Ынка̄м та̄кут агляҳлъықут кынлыңилңуӷмун аӷью̄лъыӷмун, иўырңа ылъқуӷутңалӷӣт агляҳлъықут кынлыңилңуӷмун уңувалъыӷмун».

От Иоанна 3:19

Ысҳа уна апалъя̄ Кияӷныӷым аӷью̄ӷисиҳқа̄ югнун: ниӷук тагика̄яӷңа̄н нунамун, югыт пиниқатаӷақа̄т мамлык ниӷугмың қаюҳлъяк сыӷлытун пӣқылӷӣт.

От Иоанна 8:19

А̄птыка̄т: «На̄гу Атан?» Иисусым кӣмсиқӣ: «Налъюкаҳпысикут Атакулъҳӣгни. Иўырңа хўаңа лӣсимаксяқуфсиңа, Атакалъю лӣсимакнаяӷаҳси».

Деяния 6:7

Кияӷныӷым уңипӣ миңисимаңинақӣт. Ынка̄м нуляка̄лӷӣт ухпықат Иерусалимыми, священнигылӷутытлъю илялгутңит ухпыҳтӯткат малигулъютың.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 10:16

Иўырңа иляңинӣта қа̄ткыхкақӣт Пинилӷӣт Уңипат. Исаия а̄птыка̄гуқ: «Атанық, китум ухпықыхкақагу уңипаҳпут?»

К Римлянам 15:18

Акузиткысяҳқақанка Христосым апыӷӣқаҳӣнӣ хўаңамкун. Лъңаңӯқ язычнигның қа̄ткутыстилӷӣ Кияӷныӷмун уңипақилъымкунлъю, қыпҳақамкунлъю.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

К Римлянам 6:16

Лӣсимакыстыки тӯныхкуфси китумун қа̄ткысяҳқа̄люку, та̄ўа лъңан қыпҳаҳтыля̄қа̄ҳлъықӣси. Қа̄ткыхкуфсигу сыӷлыҳқылъық, туқуслъықӣси. Иўырңа қа̄ткыхкуфсигу Кияӷнық, налъҳусяҳлъықӣси ылъқуӷутңалъыӷминун.

1е Коринфянам 15:34

Сюмыҳтаӷаӷақлъюси пинитун, сыӷлыҳқынъаниҳтык, иляси акулыхпысинилңӯт апыҳтӯмаңилңӯгут Кияӷныӷмың. Қаюҳлъяк лъпыси ухпықани кайңуюгьяҳқа̄гуси.

2е Коринфянам 10:5

Та̄кутхун гӯтутытхун на̄фқақапут аңуягым иқлъыңӣ, сюмыӷныӷитлъю а̄ңа̄югныӷыт. Апыҳтуӷилъҳита амигиӷақӣт югыт лӣтылъыҳқӣтның Кияӷныӷмың. Катам пилъюўаҳтыт тугутылъҳистун анусимиңлъяӷьяҳқамың, хўаңкуталъю тугўа̄қапут қамахлъюки сюмыӷныӷыт қа̄ткутысқылъюки Христосымун.

К Галатам 3:1

Налъюҳаӷмың лъпыси Галатияӷмӣни! Китум пӯҳтиси? Пуйгустыхӯ а̄пҳўа̄қақсяқыхка Иисус Христосым туқулъҳа қақӯракун?

К Галатам 4:8

Сивунӷани налъюксяӷаҳси Кияӷнық, ынка̄м қыпҳаҳтыля̄ӷуяҳтуси кияӷныӷунӷилңуӷнун.

1е Фессалоникийцам 4:5

Иляпхатыхпынаси югусиҳпыси атуқиюлъҳанун ухпықа̄нӷилңӯт пилъҳистун налъюкилӷӣт Кияӷныӷмың.

К Евреям 10:27

Тама̄кут таўатын пилӷӣт алиңрӯӷмың утақӣлъықут Кияӷныӷым нанқихтилъҳаның. Атуқылъықа̄к угуқнаҳлъягык кынӷык на̄фқынъалюки тама̄кут кипулъхина̄лӷӣт лъңаның.

К Евреям 10:30

Лӣсимакаҳпут Кияӷнық; лъңаңулӷӣ хўатын пикақ: «Хўаңаңӯқ аӷью̄ӷияҳқақ, акисяҳқақанка сыӷлытун пилъҳит». Хўатынлъю пика̄гуқ: «Атанӷым нанқихсяҳқақӣ лъми юни».

К Евреям 11:8

Ухпықилъыҳқун Авраамым қа̄ткыхкақа̄ Кияӷнық туқлъюӷақңатни аӷуляқысқылъюку иляңанун нунам. Кияӷныӷым акықусяқа̄ та̄на нуна лъңанун тӯнылъықнилюку. Ынка̄м униткақа̄ лъми нунани налъюклъюку навык пинақутни.

К Евреям 12:29

қаюҳлъяк Кияӷныҳпут на̄фқӣлӷӣңӯқ кынық.

К Евреям 2:3

Ынка̄м иҳсякумакумтыху Кияӷныӷым югулиӷилъыҳлъяга анахпагниңитаҳпут аӷью̄ӷилъыҳқа̄. Атанӷым апыӷьюха̄қақа̄ та̄на югулилъық. Та̄хкын тама̄кут нагақӯткат лъңаның, ипапиҳқа̄т хўаңкунъун.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

1е Петра 3:6

Сарра таўатытка̄гуқ! Қа̄ткыхкақа̄ Авраам, атанқынъикақа̄лъю. Ынка̄м лъпыси паникӣси пинитун пимакуфси, алиңигалъкуфсилъю сямың алңунак.

1е Петра 4:17

Нанқихтилъыҳқақ ка̄туқ, сивуклъюни пӣнлиҳлъықуқ Кияӷныӷым ныңлъюгутаңакун. Пӣнлиӷнақңукан хўаңкутхун, сялъықанңам қа̄ткусигалңӯт Кияӷныӷым Пинилӷӣнун Уңипа̄нун?

2е Петра 3:7

Иўырңа та̄хун акузиткун Кияӷныӷым афлъыңакақӣ қилягалъю, нуналъю на̄фқысяҳқа̄люки кыныҳқун. Афлъыңакңӯт кынляңа аӷныӷанун нанқихтилъҳым. Таўанилъю аӷныӷми на̄фқылъықӣ югыт авылӷасиңўа̄ӷикат лъңаның.

От Иуды 1:7

Нықамиклъюки Содомыӷмӣтлъю, Гоморраӷмӣтлъю, увитаңитнилңӯтлъю нунат. Яқулгыстун сыӷлыҳқыхка̄гут. Алъя̄ҳӣнақ блудодействылъық пика̄т, талўа югыт юлгуткулъҳӣт атуқутақлъютың, сяңўа̄тлъю сыӷлыӷатаӷа̄т атуқыхкақӣт. Успута̄гут Кияӷныӷым аӷьюӷилъҳаның сыӷлыҳқыстынун кынлыңилңуҳқун кыныҳқун.

Откровение 20:10

Та̄хкын Туӷныӷақ пӯҳтикақ нунатаның, Кияӷныӷым яқулгита милю̄лъықа̄т на̄йвамун кумаӷулӷӣ уқумьягмың. Таўавык милю̄ткақыхкыхкыт тыӷикусялъю̄гылъю, ӯкналиқистысиӷўа̄қлъю. Таўани икфиқыҳлъяхлъықут аӷныҳтӯма̄н унухтӯма̄н қӯнпырухлъяк кынлыңуна̄н.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 6:10

Акилӷӯҳлъяхтут: «Ка̄й Аҳтуӷьяҳқаҳа̄нӷитыҳлъяк Атанық, аглыӷнаҳтутынлъю, ипапигӯтынлъю! Тама̄кут нунам юги туқуқуқат хўаңкунъың, натын тахка̄н утақӣнъақсики нанқихсяҳқа̄люкилъю, аӷью̄ӷьяҳқа̄люкилъю?»