2е Фессалоникийцам 1:7 - Новый Завет на эскимосском языке

⁷ Ынка̄м лъпыси икфиқылӷӣни Кияӷныӷым мыӷна̄лисна̄ӷӣси икфиқылъыӷмың хўаңкуталъю малигулъюта. Таўатын пилъықуқ алӣҳтыкумики Атанық Иисус, икнақыҳлъялӷӣтлъю яқулги. Қилягмың укихлъықут кыныӷмылъютың кумаӷуӷңалӷӣми.

2е Фессалоникийцам 1:7 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 16:28

Ипа уңипа̄тамси, хўа̄нлыңӯт иляхпыси уңувалъыӷмыхни ысҳаӷьяҳқақа̄т Иӷныӷа Югым тагилӷӣ Умӣлгулюни».

От Матфея 25:31

«Иӷныӷа Югым тагикуми ниӷуҳқылъыӷмикун, яқулыхтӯмаҳлъягми, та̄хкын ақумылъықуқ ниӷуҳқыңъалӷӣгныкун ақумутагмикун.

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 26:64

Иисусым кӣмсиқа̄: «Лъпык пилъыҳпытун аюқуқ. Иўырңа уңипа̄тамси, ӯм киңуңаның ысҳаҳлъықаҳси Иӷныӷа Югым ақумлюни аӷынқигныӷакун Аҳтуӷьяҳқа̄нӷилңӯм, ысҳаҳлъықаҳсилъю тагилӷӣ қиляўа̄ӷитхун қилягам».

От Марка 14:62

Иисусым кӣмсиқа̄: «Та̄наңӯңа. Ысҳаҳлъықаҳси Иӷныӷа Югым ақумгалӷӣ аӷынқигныӷакун Аҳтуӷьяҳқа̄нӷилъылгым. Ысҳаҳлъықаҳсилъю тагилӷӣ қилягым қиляўа̄ӷитхун!»

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 16:25

Иўырңа Авраамым пика̄: “Иӷнымни, нықамикан нунами кияхта̄ҳулютын пинилӷӣмың пилгука̄лӷӣтын, Лазарь пилгумалюку сыӷлыӷмың. Иўырңа ма̄тын итагнаӷилъыңума̄қ, лъпык икфиқыҳлъягумалютын.

От Луки 17:30

Таўани аӷныӷми Иӷныӷа Югым алӣҳтыкан, югыт кияҳта̄лъҳат алмысиқсяҳқақа̄ югыт кияҳта̄лҳистун сивунӷани.

От Иоанна 1:3

Кияӷныӷым лъңакун сяңўа̄ қамахтыңъўа̄ӷлюку улимака̄, талўа сяңўа̄ ата̄сиҳақ улимамаңита̄ Акузитңунани.

От Иоанна 1:51

Та̄хкын пикӣ: «Ипа уңипа̄тамси, ысҳаҳлъықаҳси қиляк қылъпылӷӣ, Кияӷныӷымлъю яқулги маюлӷӣт, укилӷӣт Иӷныӷакун Югым».

Деяния 1:11

Пикӣт: «Югитни Галилеям, сяңафси қӯлмун ысҳапахтӯтақыстык? Та̄гна Иисус Кияӷныӷым маюҳтыстыкаңа укигьяҳқа̄гуқ ысҳапалъыҳпысистуңўа̄қ маюлъҳатун қилягмун».

Деяния 3:19

Тама̄кын апалъюқлъюку авутыҳқылъюси, сыӷлыҳқынъаниӷлюси қӣвитык Кияӷныӷмун. Ухпықитыху Атанық ынка̄м сяңихлъықӣ сыӷлыҳқылъыси.

К Римлянам 8:17

Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

1е Коринфянам 3:13

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

К Ефесянам 1:2

Кияӷныӷым Атамта, Атанымталъю Иисус Христосым наңлъыклъисилъю, ныкыхмылъылгуслъисилъю.

К Колоссянам 1:16

Лъңакун Кияӷныӷым улимакақӣ сяңўа̄т қамахлъюки қилягмылңӯтлъю, нунамылңӯтлъю. Улимакақӣ ысҳақаюпут, ысҳӣгалъкыпутлъю, тама̄кутлъю умӣлгыт, атанӷыт, иглыӷутистыт, пилъыҳқалгытлъю. Кияӷныӷым улимакақӣ сяңўа̄т қамахлъюки Христосыкун, Христосымунлъю.

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

2е Тимофею 2:12

Ӣлъқаюнӷилъкумта, иглыӷутилгусиҳлъықаҳпут. Налъюнқыхкумтыху, лъңанлъю налъюнқылъықӣлъю.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 10:27

Тама̄кут таўатын пилӷӣт алиңрӯӷмың утақӣлъықут Кияӷныӷым нанқихтилъҳаның. Атуқылъықа̄к угуқнаҳлъягык кынӷык на̄фқынъалюки тама̄кут кипулъхина̄лӷӣт лъңаның.

К Евреям 12:29

қаюҳлъяк Кияӷныҳпут на̄фқӣлӷӣңӯқ кынық.

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

К Евреям 4:11

Тама̄кын апалъюқлъюку итыӷнақыҳлъягылъта Кияӷныӷым мыӷна̄ливиганун. Қа̄ткынӷитыфқа̄н пилътыху Кияӷнық сивунымта пилъҳистун.

К Евреям 4:9

Тама̄кын апалъюқлъюку та̄ўа Суббота аӷулӣтуқ, мыӷна̄ливик Кияӷныӷым югитнун.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

1е Петра 3:22

Иисус Христос қилягмун маюӷлюни аӷынқигныӷанитуқ Кияӷныӷым. Ынка̄м иглыӷутңўӣ қамахлъюки яқулгыт, қилягым иглыӷутистыңи, аҳтуӷьяҳқа̄нӷилъҳытлъю.

2е Петра 3:7

Иўырңа та̄хун акузиткун Кияӷныӷым афлъыңакақӣ қилягалъю, нуналъю на̄фқысяҳқа̄люки кыныҳқун. Афлъыңакңӯт кынляңа аӷныӷанун нанқихтилъҳым. Таўанилъю аӷныӷми на̄фқылъықӣ югыт авылӷасиңўа̄ӷикат лъңаның.

От Иуды 1:7

Нықамиклъюки Содомыӷмӣтлъю, Гоморраӷмӣтлъю, увитаңитнилңӯтлъю нунат. Яқулгыстун сыӷлыҳқыхка̄гут. Алъя̄ҳӣнақ блудодействылъық пика̄т, талўа югыт юлгуткулъҳӣт атуқутақлъютың, сяңўа̄тлъю сыӷлыӷатаӷа̄т атуқыхкақӣт. Успута̄гут Кияӷныӷым аӷьюӷилъҳаның сыӷлыҳқыстынун кынлыңилңуҳқун кыныҳқун.

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 14:10

мыӷьяҳқақа̄ виноңа Кияӷныӷым сякша̄лъҳан. Та̄на вино мылӣмаңилңуқ кӯвыхкақ қаю̄симун Кияӷныӷым сякша̄лъқа̄! Кина алңунак манигӯткақ та̄кугнун икфиқыҳлъягьяҳқа̄гуқ кыныӷмилъю, уқумьягмилъю, сивуңитни аглыӷналӷӣтни яқулгыт, Пынъӣӷаҳа̄млъю.

Откровение 14:13

Та̄хкын нагақуӷақа қилягмың ма пилӷӣ: «Игақигу уна: Хўакын кынлыклъюку қуясяҳқа̄гут туқуяҳқат қыпҳа̄сималюку Атанық!» Таӷныӷак пӣк: «Қуянапыста̄ҳтут! Мыӷна̄лилъықут уӷлыӷӣлъыӷмыхның, югыт нықамикылъықӣт аныӷныҳқилъҳит».

Откровение 20:11

Та̄хкын ысҳаӷақа Кияӷнық ақумгалӷӣ қатылӷӣгныкун умӣлгусигныкун ақумутаҳлъягыгныкун. Нуналъю, қилягалъю қима̄гӯтук Кияӷныӷым таўантылъҳаның, алъялъю ысҳаӷьяҳқа̄хпынатык.

Откровение 21:4

Қуниңиҳлъықӣ қамахлъюки. Туқуңӣлъықа̄, қивӷуңӣлъықа̄, қияңӣлъықа̄, талўа ақниҳқыңъӣлъықа̄ қаюҳлъяк тама̄кут атуқсяқаңит атуқнаниҳлъықӣт».

Откровение 22:16

«Хўаңа, Иисус, каяхтыкақақа яқулъка лъпысинун ухпықанун юӷаӷвигнилңуӷнун. Апыҳлъықа̄к укук лъпысинун: “Хўаңа Давидым киңунқа̄ңа, хўаңа ниӷугракыхта̄гуңа уна̄ңум иӷалықыта̄ӷа”».

Откровение 22:6

Та̄хкын яқулгым пӣңа: «Укут акузитыт ухпықсяҳқа̄гут, ипаңӯтлъю. Атанӷым, Кияӷныӷым иглыӷутилӷӣм таӷныӷӣтның ӯкналиқистыми, каяхтыкақа̄ яқулыни кылгувикысқылъюки қыпҳаҳтыни сяңўа̄т пияҳтуңыстаӷнилюки».

Откровение 22:9

Иўырңа пӣңа: «Таўатын пихпынаң! Хўаңалъю қыпҳаҳтыңӯңа лъпытун, ухпықа̄лгутыхпытунлъю ӯкналиқистыстун, қа̄ткулъҳӣстунлъю акузитаңитнун укут игат. Манигуҳу Кияӷнық!»

Откровение 6:11

Та̄хкын ата̄сикаҳтӣта уңувасӣт туқутка̄т қатылӷӣмың аткуя̄литкӣт, мыӷна̄лӣстысқыхкӣтлъю. Таўатын пияҳқа̄гут қаюҳлъяк иляңи ухпықа̄лгутңит, Христосымлъю қыпҳаҳтыңи туқусяҳқа̄гут лъңита туқутылъҳистун. Ынка̄м мыӷна̄линақут кынляңа угляҳталңит на̄мастыката тама̄кут туқусяҳқат.