2е Фессалоникийцам 1:3 - Новый Завет на эскимосском языке

³ Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

2е Фессалоникийцам 1:3 Iomraidhean Croise

От Луки 15:32

Иўырңа қуялюта нықынӷаҳқыңъӯкут, қаюҳлъяк уна уюӷа̄н туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”».

От Луки 17:5

Апостолыт Атанық пика̄т: «Ухпықилъыҳтуҳтаӷақаҳқут!»

От Иоанна 15:2

Қамахлъюки аваянка пӣтыстиңигалңӯт икуӷақӣ. Қамахлъюки аваят пӣтыстикаюгыт кыпуӷвикақӣ пӣтыстиӷатаӷӣсқылъюки.

К Римлянам 1:8

Сивуклъюку тамаҳаҳпысинун игамсиқаюгвикақа Кияӷнықа Иисус Христосыкун, қаюҳлъяк уңипа̄ ухпықилъыҳпыси миңитңӯқ юлӷутнун тамаҳа̄ни.

1е Коринфянам 1:4

Игамсиқаюгвикақақа Кияӷнық қаюҳлъяк наңлъыкыхкақӣси Христос Иисусыкун.

2е Коринфянам 10:15

Қука̄югуткылъықаҳпут та̄наңинақ қыпҳақақ пикаҳпут, нака̄н иляңита қыпҳақа̄т. Ухпылъыҳтуҳтыкуфси сиӷима̄кут каюсиӷатаӷӣсқылъюта қыпҳақамнъың.

К Ефесянам 5:20

А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 1:9

Юӷа̄ткақамси пиниқиҳлъягысқылъюси, лӣсималъыңатаӷӣсқылъюси, лӣгикылъыңатаӷӣсқылъюсилъю.

1е Фессалоникийцам 3:12

Атанӷым, пиниқсялӣтутыстаӷаӷлиси. Пиниқылъыҳсилъю тывуӷаслъигу тамаҳа̄нун югнун, катам хўаңкута пиниқылъымтыстун лъпыси.

1е Фессалоникийцам 3:6

Иўырңа Тимофейем утыӷниӷлюни уңипа̄тӣнкут қуяналӷӣмың уңипа̄мың ухпықилъыҳпысиныңлъю, пиниқылъыҳпысиныңлъю. Уңипа̄тақӣнкуңлъю ӣўлың нықамикақнилюта пинитун, ысҳаӷьюгақнилюталъю катам хўаңкута ысҳаӷьюлъымтыстун лъпыси.

1е Фессалоникийцам 3:9

Ынка̄м игамсиқаюгвикңўа̄ҳпут Кияӷнық лъпысиның. Лъпыси апалъюқлъюси қуяҳлъягӯкут сивуңани Кияӷнымта.

1е Фессалоникийцам 4:1

Ухпықа̄лгутымнъи, аляӷраң хўатын пинақамси, лӣтивикыхкақамси натын кияҳтылъыҳқамың ыфқуӷнаӷлюси Кияӷныӷмун, ысҳа таўатын кияҳлъыҳӣси. А̄тҳакун Атанӷым Иисусым кайымамси ўатақа̄ӷақ таўатын писқылъюси.

2е Фессалоникийцам 2:1

Ухпықа̄лгутымнъи, уңипа̄сюгамси тагилъыҳқа̄ның Атанымта Иисус Христосым, қырңуӷутылъыҳқамнъыңлъю лъңанун.

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

2е Петра 1:13

Сюмымни итагнаҳтуқ нықамикыхкумси тама̄куның уңуваңулюңа.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.