2е Фессалоникийцам 1:11 - Новый Завет на эскимосском языке

¹¹ Ынка̄м қӯнпың юӷа̄ткақамси хўатын: Кияӷныӷым апыӷлиси кияҳтыңъунилюси лъми кияҳтысқысюлъыӷмитун. Аҳтуӷьяҳқа̄нӷилъыӷмикунлъю на̄михлъигу қамахлъюку пиюкылъыҳси пинилъыӷмун, қыпҳалъҳилъю ухпықилъыҳпыси.

2е Фессалоникийцам 1:11 Iomraidhean Croise

От Марка 4:28

Сюнаңинаҳа̄м каютңунани пӣтутыт нагустақӣ ынка̄м пӣтыстыкаңақут: сивуклъютың сюңаӷьюкыхтаҳа̄т пӣтақут, та̄хкын напа̄зӣңақут қынўатлъю зерноңақут.

От Луки 12:32

«Алиңыхпынаси пынъӣҳамни, қаюҳлъяк Атахпыси қуякусиқлъюку тӯньюгақа̄ лъпысинун Атаныҳпагулъық.

К Римлянам 1:9

Пинақылъқа қамахлъюку қыпҳа̄тақақа Кияӷнық, уңипақналюки Пинилӷӣт Уңипат Иӷныӷаның аюқылӷӣт. Кияӷнық лӣсимакистыкақа қӯнпың юӷа̄ткыңъукымси.

К Римлянам 11:29

Кияӷныӷым умьюгагни алъяңуҳтықаҳна̄нӷита̄к. Выҳна̄нӷитӣ тунусяни, пыхна̄нӷитӣлъю накмикыхкани лъңанун югулюки.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

К Римлянам 8:30

Ынка̄м Кияӷныӷым а̄фтыкани туқлъюқақӣ. Тама̄кутлъю туқлъюқани налъҳусяқақӣ ылъқуӷутңалъыӷминун. Тама̄кутлъю налъҳусяқани ылъқуӷутңалъыӷминун қӯлвақақӣ.

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

К Ефесянам 1:16

нықамикақамси юӷанымни, игамсиқаягунъыӷмың та̄қигатамси Кияӷныӷмун.

К Ефесянам 1:5

Қаюҳлъяк Кияӷныӷым пиниқыхкаңилъю, ныӷиӷлюку алъюҳқинакыхкақӣлъю авақута̄люта Иисус Христосыкун. Таўатын пика̄гуқ қаюҳлъяк пиюкыхкаңа, ыфқуқыхкаңалъю.

К Ефесянам 1:9

успықылъыӷминың сялин алӣҳсигалъкымъиның сивунӷани. Та̄наңӯқ Кияӷныӷым успықыхка̄, пикақа̄ Христосыкун.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

К Филиппийцам 2:13

қаюҳлъяк Кияӷнық қӯнпың қыпҳа̄гуқ лъпысини атуқсягутысқылъюку пиюкылъыни, қа̄ткусягутысқылъюсилъю пиюкылъыӷминун.

К Филиппийцам 3:14

Ынка̄м таклъяӷрукытун килга̄қуңӯңа кая̄лъқӣсиқналюку акилыҳтӯсяқ, Кияӷныӷым туқлъю̄тка̄нун памавык Христос Иисусыкун.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

2е Фессалоникийцам 1:5

Тама̄кут ипапиҳқа̄т Кияӷныӷым нанқихтилъҳа ылъқуӷутңалӷӣңӯқ. Ынка̄м Кияӷныӷым а̄пҳӣси итагнаӷнилюси кияҳтысқылъюси Атаныҳпагулъыӷмини қаюҳлъяк икфиқуткыңъукыси.

2е Фессалоникийцам 2:14

Таўатын кияҳта̄лъыӷмун Кияӷныӷым тахсиқақӣси Пинилӷӣтхун Уңипатхун уңипақыхкамыхтыхун; тагисқақӣси пилӣтысқылъюку ныңиҳқаҳси пиниӷналъҳа Атанымта Иисус Христосым.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

Откровение 3:4

Паниның қафсиңга̄гут югыт Сардисыми а̄ткатың нукыхнаҳқылъҳилъкаңит. Иглыҳтылгусиҳлъықа̄тңа а̄лъютың қатылӷӣмың а̄ткамың қаюҳлъяк итагналӷӣңӯт.

Откровение 5:10

Ынка̄м Атаныҳпагулъҳанитыстатын, священнигаңуҳтыстатынлъю Кияӷнымнун, умӣлгыстунлъю иглыӷутилъықут нунами».