2е Фессалоникийцам 1:10 - Новый Завет на эскимосском языке

¹⁰ Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

2е Фессалоникийцам 1:10 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 16:28

Ипа уңипа̄тамси, хўа̄нлыңӯт иляхпыси уңувалъыӷмыхни ысҳаӷьяҳқақа̄т Иӷныӷа Югым тагилӷӣ Умӣлгулюни».

От Матфея 24:36

«Китум алңунак налъюка̄ та̄м аӷныӷым афлъюңа қакун ка̄сяҳқа̄таңа. Талўа қилягмылңӯт яқулгыт налъюка̄т, Иӷныӷымлъю налъюка̄, Атаңинаҳа̄м лӣсимака̄.

От Матфея 25:31

«Иӷныӷа Югым тагикуми ниӷуҳқылъыӷмикун, яқулыхтӯмаҳлъягми, та̄хкын ақумылъықуқ ниӷуҳқыңъалӷӣгныкун ақумутагмикун.

От Матфея 7:22

Нанқихтилъҳым Аӷныӷани, углям пияҳқақа̄ңа хўатын: “Атанық, Атанық! Атыҳпыгун Кияӷныӷым уңипа̄ а̄пқақаҳпут. Атыҳпыгун а̄нысқуқақапут туӷныӷа̄т углялӷӣның югның. Атыҳпыгун алъя̄ҳлъюхўаҳтӣӷа̄тақа̄гукут угляӷңа̄н!”

От Луки 10:12

Уңипа̄тамси, Нанқихтилъҳым Аӷныӷани Содомыӷмӣт аӷью̄лъыҳқыста̄ӷа̄яҳқа̄гут та̄м ным юганың».

От Иоанна 11:4

Иисус уңипа̄сятни пикақ: «Қинуюлъҳан апалъя̄ туқулъҳунӷитуқ иўырңа усюқисӣлюни Кияӷныӷмун пиңӯқ, ысҳӣсқылъюкулъю аҳтуӷьяҳқа̄нӷилъыҳлъяга Иӷныӷан Кияӷныӷым».

От Иоанна 17:10

Қамахлъюки хўаңа пинка лъпык пикатын; қамахлъюки лъпык пикатын хўаңа пиканка. Лъңитхун а̄ңылъыҳлъяка кылгулъюни аюқуқ.

1е Коринфянам 1:6

Алъяңуҳтыкамлъю кияҳта̄лъыҳпыси ипапиҳқа̄ уңипақыхкаҳпут Христос.

1е Коринфянам 3:13

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

К Галатам 1:24

Ынка̄м Кияӷнық усюқақа̄т хўаңа апалъюқлъюңа.

К Ефесянам 1:12

Хўаңкута Иудеяни ухпықани сиӷимакиюхўа̄қа̄гукут Христосыкун. Ынка̄м кияҳта̄лъымтыхун усюқыслъықаҳпут Кияӷнық а̄ңылъыҳлъяганун.

К Ефесянам 1:14

Аглыӷналӷӣм Таӷныӷам ипапиҳқыстӣлъю пагитаҳқамнъың кынляңа хўаңкута пилӣтылъыҳқамнун. Ынка̄м усюқылъықаҳпут Кияӷнық а̄ңылъыҳлъяганун!

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 1:6

Ынка̄м усюқаҳпут Кияӷнық қаюҳлъяк иӷлыхпынани наңлъыкыҳлъягӣлъю пиниқыхкамикун Иӷныӷмикун.

К Ефесянам 2:7

Кияӷнық таўатын пика̄гуқ киңулӣӷаӷнун лӣтысқылъюку пиниқылъыӷрукута̄ҳлъяни хўаңкунъун Христос Иисусыкун.

К Ефесянам 3:10

Та̄хкын қилягнилңӯт: иглыӷутилӷӣтлъю, аҳтуӷьяҳқа̄нӷилъылгытлъю, Кияӷныӷым лӣтыслъықӣ алъя̄ҳӣнаӷмың пыҳқинылъыӷминың. Таўатын пилъықуқ югмикун юӷаӷвигнилңуҳтыхун.

К Ефесянам 3:16

Юӷаҳтуңа Кияӷныӷмун аклъюңиҳлъяганың аҳтуӷьяҳқа̄нӷилъылитысқылъюси икнақуҳсӣсқылюки илюси қа̄мкут Таӷныӷахкынкун.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Фессалоникийцам 2:1

Ухпықа̄лгутымнъи, лӣсимакаҳси лъпысинун пилъыҳпут тымңиңунӷитка̄гуқ.

1е Фессалоникийцам 2:13

Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

2е Фессалоникийцам 1:12

Ынка̄м а̄тҳа Атанымта Иисусым қӯлвалъыңылъықуқ лъпысигун, лъпысилъю лъңакун қӯлвалъыңылъықуси нафуҳталъҳакунлъю, наңлъыхталъҳакунлъю Кияӷнымта, Атанымталъю Иисус Христосым.

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

2е Тимофею 1:18

Атаныӷмун юӷа̄ткақақа Онисифор наңлъыгьягутысқылъюку таўани Аӷныӷми! Лӣсимакан каюткыҳлъякақақа Ефесыми.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

1е Петра 2:9

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.