1е Тимофею 6:9 - Новый Завет на эскимосском языке

⁹ Иўырңа тама̄кут аклъюңиӷиюлӷӣт нанӷӣқулъыңақут. Сыӷлыӷым пиюкылъҳита тугўа̄қӣ ынка̄м тымңитхўаҳлъягуҳтақут. Та̄хкын пиюкылъҳита сяюгақӣ на̄фқылъыӷмун.

1е Тимофею 6:9 Iomraidhean Croise

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 19:22

Нукалъпигам нагалъюку, аӷуляқыхкақ ӣлъқыпихлъюни қаюҳлъяк аклъюңитыпихлъыҳӣ.

От Матфея 26:15

а̄птыкӣ: «Сямың тӯнылъықыстыңъа Иисус лъпысинун тӯныхкумкун?» Ынка̄м кыстулъюку ю̄к қуля сӣпнықлъюку серебромың манимың лъивикыхка̄т.

От Матфея 6:19

«Нунами хўани кахпахпынаси аклъюңимың қаюҳлъяк киңугымлъю, анаҳта̄лъҳымлъю на̄фқылъықӣ, тыглыгнӣҳтытлъю на̄фқӣлютың тыглыхлъықут.

От Марка 4:19

қаюҳлъяк уна уңувалъық нулъқа̄вӣӷуткақа̄т, тыҳўа̄ӷӣткақа̄тлъю аклъюңи, сямыңлъю ўата алъхыӷутаӷаӷьюгақут. Таўатыҳпигақ сикуҳлъюгыт пӣтфигилъҳистун пӣтутыт, тама̄кут югыт пиюкылъҳита пуйгустақӣт Кияӷныӷым акузитаңи.

От Луки 12:21

Иисусым та̄қниқӣ: «Та̄тун юхтун аюқут тама̄кут сямың тамаҳа̄ның кахпагилӷӣт лъмыхнун катам, иўырңа Кияӷныӷми аклъюмалӷӣңӯт».

От Луки 21:35

Та̄на Аӷнық ка̄сяҳқа̄гуқ ӣңунаҳа̄нун югнун нунамылңуӷнун.

Деяния 8:20

Иўырңа Петырым пика̄: «Йықай Кияӷныӷым на̄фқылъитын манитӯмаҳпык. Сюмыҳпынӣи Кияӷныӷым тунуся̄ тукфиҳлъықнилюку пизигу?

К Ефесянам 4:22

Хўатын апыҳтуқақӣси: сыӷлыӷыт пиюкылъыҳпыси пӯҳлъықӣсилъю, на̄фқылъықӣсилъю. Тама̄кын апалъюқлъюку пыхтыки наңаӷнылюсилъю, кияҳта̄лъқысяқысилъю.

1е Тимофею 1:9

Лӣсимакапут Лӣлиҳтӯсят улима̄ӷунӷитут пинилӷӣнун югнун. Улима̄ӷӯт лӣлиҳтӯсяның на̄фқӣкаюгнун, қа̄ткусигалңуӷнунлъю. Улима̄ӷӯт Кияӷныӷьюгигалңуӷнун, сыӷлыҳқыстынунлъю. Улима̄ӷӯт ўа̄кигалңуӷнун Кияӷныӷмың, лыгасӣӷўа̄ткилӷӣнунлъю аглыӷналӷӣнун. Улима̄ӷӯт туқутикаюгнун атамыхның налиӷмың на̄мыхның, юхтаҳтынунлъю.

1е Тимофею 3:7

Иглыӷутиста пинитун кияҳсяҳқа̄гуқ ухпықа̄нӷилңуӷнун акузиткысқылъюку итагнаӷлюку. Ынка̄м сыӷлықӯҳпагниңилъықа̄т, Туӷныӷа̄млъю кая̄лъқыпагниңилъықа̄.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

2е Тимофею 2:26

Ынка̄м лӣся̄ӷаӷьяқумың анагнаяӷа̄т Туӷныӷа̄м ныгаӷа̄. Туӷныӷа̄м на̄псиманыӷминики а̄ҳқутақақӣ.

К Титу 2:12

Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

От Иуды 1:11

Сыӷлыӷўа̄ӷунақңӯт лъңит! Каинытун пиңӯт, туқуткақа̄ аңлыгутни. Алъхыӷутықаҳналютың манимың сыӷлытун пика̄гут Валаамым пилъҳатун. Корейтун пиңӯт, қа̄ткысюнӷиткақыхкаңи иглыӷутистыт Кияӷныӷым накмикыхкӣ. Ынка̄м Кияӷныӷым на̄фқыхкақа̄ лъңа, апыҳтуӷистысиӷўа̄ӷытлъю на̄фқысяҳқақӣ.