1е Тимофею 6:5 - Новый Завет на эскимосском языке

⁵ Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

1е Тимофею 6:5 Iomraidhean Croise

От Матфея 12:33

«Уқфик афлъыңакыхкақ пинилӷӣңӯқ, пӣтыстыкӣ пиниҳтут. Уқфик афлъыңакылъҳилңуқ сыӷлыӷӯқ, пӣтыстыкӣ сыӷлыӷӯт. Пӣтыстилъҳакун лӣсимакылъықаҳси уқфигым натытуляңа.

От Матфея 21:13

Ынка̄м пикӣ: «Игақңа̄қ Акузитни Игақыхкани: “Мыңтыӷама атилъқысяҳқақа̄, Юӷаӷвик”. Иўырңа лъпыси ӣӷаӷвигуҳтаҳси тыглыгнӣҳтынун!»

От Матфея 23:13

«Иўырңа сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Ӯмгутақаси итыӷнақылӷӣт Атаныҳпагулъҳанун Қилягым. Лъпыси катам ӣтҳигатуси, аӷулӣҳтақасилъю итыӷьюлӷӣт!

1е Коринфянам 11:16

Паниның кина а̄ҳтӣра̄ӷьюгукуми насқуӷӣтамың, уңипа̄нъықихтаҳлъякун та̄ната апостолыни апыҳтӯсяқақыхкыфут, Кияӷныӷым юган атуқақа̄т апыҳтӯсяқ на̄нсяӷңа̄ӷмың.

2е Фессалоникийцам 3:6

Ухпықа̄лгутымнъи, а̄тҳакун Атанымта Иисус Христосым қылӷамси иқитңасқылъюси тамаҳӣтның ухпықа̄лгутыхпысиның иҳсяниталӷӣныңлъю, малиҳқутақигалңуӷныңлъю апыҳтӯткамнъың лъпысинун.

1е Тимофею 1:6

Иляңита югыт пыхтыкақӣт тама̄кут ынка̄м а̄ҳтӣра̄ӷақут тымңимың.

1е Тимофею 3:3

Сю̄мыстыңуяҳқа̄нӷитуқ, сю̄хлъюгуяҳқа̄нӷитуқ иўырңа наңлъыҳтаӷьяҳқа̄гуқ, қаныңнақигасяҳқа̄гуқ, маниюныҳтуяҳқа̄нӷитуқ.

1е Тимофею 3:8

Таўатыҳпигақ Диаконытлъю пиниӷлюки акузиткысяҳқа̄гут, ипапиҳқыңъаяҳқа̄гут, виномың мыӷыпагьяҳқа̄нӷитут, пакигныӷуяҳқа̄нӷитутлъю манимың.

1е Тимофею 4:7

Нагатыхпынаки сясӣнӷилңӯт уңипаӷа̄тыт тыңвимун аюқылӷӣт Кияӷныӷым ипапилъҳанун. Йыӷлыги пыҳқихся̄ткигу Кияӷныӷмун аюқылӷӣ кияҳта̄лъық.

1е Тимофею 4:8

Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

1е Тимофею 6:6

Иўырңа алъхыӷутыҳлъяхлъықукут кияҳтыкумта Кияӷныӷым кияҳтысқысюлъҳатун итагнақлъюку пикатуталвут.

2е Тимофею 3:5

Қа̄ймыхтыхун ухпықа̄юхлъықут, иўырңа кияҳта̄лъҳита апыҳлъықа̄т аваңитулңи Кияӷныӷым аҳтуӷьяҳқа̄нӷилъҳаның. Иқитңалютын таўатылңуӷның югның.

2е Тимофею 3:8

Тама̄кут апыҳтуӷилӷӣт лъңитнун кипулъхина̄ҳлъықа̄т ипапилъық, катам Ианнийым Иамврийым кипулъхина̄лъҳыхкытун Моисей. Умьюгаҳлъю̄хлъықут, ухпықилъҳатлъю ипаңунӷилъықуқ.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

2е Петра 2:15

Тама̄кут апыҳтуӷистысиӷўа̄ӷыт ухпықнаниқақӣт апыҳтӯсяпигыт. Ынка̄м аӷуляқыхка̄гут Валаамым пилъҳатун пиналютың. (Иӷнықсяқаңа Веорым.) Қуя̄қуқ югыт акилыҳтунӷатни сыӷлытун писқылъюку.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

От Иуды 1:11

Сыӷлыӷўа̄ӷунақңӯт лъңит! Каинытун пиңӯт, туқуткақа̄ аңлыгутни. Алъхыӷутықаҳналютың манимың сыӷлытун пика̄гут Валаамым пилъҳатун. Корейтун пиңӯт, қа̄ткысюнӷиткақыхкаңи иглыӷутистыт Кияӷныӷым накмикыхкӣ. Ынка̄м Кияӷныӷым на̄фқыхкақа̄ лъңа, апыҳтуӷистысиӷўа̄ӷытлъю на̄фқысяҳқақӣ.

Откровение 18:13

Акикақсяқаңитлъю корицат, благовоният, фимиамыт, смирнат, ладанат; винот, маслинам мысӣӷи; авляўат, пшеницат; скотыт, пынъӣӷыт, кӯнит, колесницат; талўа югыт акикақсяқаңит қыпҳаҳтыля̄ӷулюки.

Откровение 18:3

Вавилоным атуқилъҳа блудамың винотун аюқуқ, нунатаҳа̄н тамаҳа̄н мыӷа̄. Нунам умӣлгита атуқақа̄т, нунамлъю акилъпыгаҳтыңита аклъюңиӷисиқңўа̄т нуқытусяҳқа̄нӷилңуҳқун блудам атуқиюлъҳакун».