1е Тимофею 6:21 - Новый Завет на эскимосском языке

²¹ Иляңита пыхсима̄т ухпықилъыҳтың қаюҳлъяк ухпықыхкаңат ипаңунӷилңуқ лӣсималъық. Кияӷныӷым қуяслъиси.

1е Тимофею 6:21 Iomraidhean Croise

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

К Римлянам 1:7

Қамахлъюси лъпыси Римымылңуӷни Кияӷныӷым пиниқыхкӣтни, туқлъюқӣтнилъю юкналюси: Кияӷныӷым Атамта, Атанӷымлъю Иисус Христосым каюсӣлъиси, ныкыхмылъылисилъилъю.

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

К Римлянам 16:23

Хўаңа Павел, Гаийемытақуңа. Мыңтыӷа̄ни қамахлъютың ухпықат қырңуӷуткаюгӯт. Лъңанлъю, ухпықатлъю сю̄мқақӣсиңуқ. Ныҳлъямта манимың афлъыңакистыңан, Ерастым, ухпықа̄лгутымталъю Квартым сю̄мқақӣсиңуқ.

К Колоссянам 4:18

Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси. Кияӷнық наңлъыхтаӷли лъпысини.

1е Тимофею 1:19

Ухпықикыста̄ Христосыкун атуқлъюку лӣсимакыхкан ылъқуӷутңалӷӣ. Иляңита югыт атуқигатӣт лӣсимакыхкатың ылъқуӷутңалӷӣт ынка̄м на̄фқақӣт ухпықилъытың катам аңьяҳпагӣлъҳӣстун.

1е Тимофею 1:6

Иляңита югыт пыхтыкақӣт тама̄кут ынка̄м а̄ҳтӣра̄ӷақут тымңимың.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

2е Тимофею 2:18

Пыхтыкақӣк апыҳтӯсяпигыт қаюҳлъяк пӣқук сӣңынлъю туқукат уңуваҳтысиманилюки. Ынка̄м иляңитнун ухпықнаниҳтыстыкақа̄к ипапилъық.

2е Тимофею 4:22

Атанық таӷныӷаҳпынилъи, қуяслъисилъю.

К Титу 3:15

Қамахлъютың хўаңамнилңӯт пиниқӣсиңуқ. Пиниқылъыҳпут а̄пқаӷнакын ухпықа̄лгутымнъун пиниқистымнъун. Кияӷныӷым қуяслъиси қамахлъюси.

К Евреям 13:25

Кияӷныӷым пиниқиңалӷӣ каюсилъҳа тамаҳаҳпысинилъи! Аминь.