1е Тимофею 6:2 - Новый Завет на эскимосском языке

² Қыпҳаҳтыля̄ӷыт пилӣтистыңит ухпықа̄лгутңуката сӣвакатаӷаӷлитки қаюҳлъяк ухпықа̄лгуткыхкаңит. Ынка̄м қыпҳа̄таӷаӷлитки қаюҳлъяк каюсӣңўӣт ухпықа̄лгутытың пиниқыхкатың. Тама̄кут апыҳтӯсяқикилъю, уңипақикилъю.

1е Тимофею 6:2 Iomraidhean Croise

От Матфея 23:8

Иўырңа лъпыси атиҳтыстыхпынаси: “Апыҳтуӷистымың” қаюҳлъяк ата̄сӣгуқ Апыҳтуӷистызи, аңлыгуткулъҳӣстун аюқуси.

От Матфея 25:40

Умӣлгым кӣмсиҳлъықӣ: “Ипапыста̄қ уңипа̄тамси, сяңўа̄ алңунак пикаҳси укалиҳпигаӷнун аңлыгутымнун, хўаңамнун пӣқаси!”

От Матфея 6:24

«Китум алңунак қыпҳа̄нъа̄нӷита̄к ма̄лӷук умӣлгык. Ма̄лӷугыгның умӣлылгукуми угумикылъықа̄ ата̄сиқ, пиниқылъықа̄ иляңа. Қа̄ткутңалъықуқ ата̄симун, пикаткынъа̄нӷита̄ иляңа. Ынка̄м пиниқна̄нӷитаҳси Кияӷнық пиниқумалюку мани.

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

К Римлянам 11:17

Иудеит пӣтысиӷақастун маслинам уқфигатун аюқут иляңи авая̄н айымтыкат. Лъпыси язычнигни аваястун аюқуси айымтыкат пӣтысиӷалъҳилңуӷмың маслинам уқфиганың. Та̄мың уқфигмың, китум тугулюку аваяқ ныкыхтыкумигу пӣтысиӷақамун маслинам уқфиганун, алъхыӷусяҳқа̄гуқ акум мыся̄ның пӣнъапихлъыҳӣмың.

К Римлянам 8:29

Тама̄куңӯт Кияӷныӷым накмикыкыстақӣ. А̄фтыкақӣлъю Иӷныӷмитун лъӣӷысқылъюки. Таўатын пика̄гуқ Иӷныни алъхыӷьюхўа̄ӷумасқылъюку аңлыгутылӷутаңаның.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 1:1

Укут посланият Павелымың пиңӯт. Христос Иисусым апостолыка̄ңа Кияӷныӷым пиюкылъҳакун. Письмоңӯңа Кияӷныӷым югитнун Ефесымылңуӷнун, ата̄сӣӷмылңӯт малихся̄ҳтыңи Христос Иисусым.

К Ефесянам 1:15

Нагақӯма̄қа ухпықилъыҳси Атаныҳқун Иисусыкун, пиниқылъыҳсилъю тамаҳӣтнун Кияӷныӷым югитнун. Тама̄кын апалъюқлъюку,

К Ефесянам 3:6

Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.

К Колоссянам 1:2

Кияӷныӷым югитнун пиңӯт Колоссымылңуӷнун, ата̄сӣӷмылңӯт ухпықа̄лгутыт Христосыкун. Кияӷныӷым Атамта, наңлъыклъисилъю, ныкыхмылъылисилъилъю.

К Колоссянам 1:4

Таўатын пӣқукут қаюҳлъяк нагақӯма̄ҳпут ухпықилъыҳси Христос Иисусымың, пиниқилъыҳсилъю тамаҳӣтнун Кияӷныӷым югитнун.

К Колоссянам 4:1

Қыпҳаҳтыля̄ӷыт пилӣтистыңитни, пинитуңўа̄қлъю, атуныңўа̄қлъю пӣқитыки қыпҳаҳтыля̄си, лӣсимаклъюку лъпысилъю Пилӣтистылгӯси қилягми.

2е Фессалоникийцам 1:3

Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

1е Тимофею 4:11

Қылыҳқи апыҳтуҳқи тама̄кын.

1е Тимофею 5:1

Аӷью̄ҳпына̄н сӣванлъық ю̄к, иўырңа кавьюңуна̄н налъҳусяӷақигу атакылӷӣстун. Уюқлъӣт югыт аңлыгуткылӷӣстун пӣқики.

К Титу 2:1

Иўырңа лъпык апыҳтӯсяқики ухпықанун ипапигыт апыҳтӯсят.

К Титу 2:15

Апыҳтӯсяқики тама̄кут ухпықанун. Кияӷныӷым қылӷусӣ атуқлъюки кайымики, аӷулӣҳтикилъю сыӷлытун пиңуката. Йықай китумун алңунак укаваҳтыстыхпынаң.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

2е Петра 2:10

Та̄на аӷью̄лъық кияң тама̄кунун аюқуқ малигулъҳӣнун югусимың сыӷлытун пиюкылъыҳлъягитнун, қа̄ткусюгигалңуӷнунлъю китумун алңунак. Тама̄кут апыҳтуӷистысиӷўа̄ӷыт тытугигатутлъю, лъмиңуюгныӷӯтлъю. Алиңыхпынатың сыӷлықӯӷақӣт ниӷугракыхтат.

От Иуды 1:8

Апыҳтуӷистысиӷўа̄ӷыт таўатытут. Пӣқут қаваңулъҳитаңуқ блудникыстақит, қа̄ткысигатӣтлъю югыт иглыӷутистыт, сыӷлытунлъю акузиткыстақӣт яқулгыт иглыӷутистыт.