1е Тимофею 6:19 - Новый Завет на эскимосском языке

¹⁹ Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

1е Тимофею 6:19 Iomraidhean Croise

От Матфея 19:21

Иисусым кӣмсиқа̄: «На̄михтыңъўа̄ӷьюкувгу Кияӷныӷым писқылъҳа лъпынун, агляӷлютын қамахлъюку сяӷьян акиклъюку, акиңа тама̄на аклъюмалӷӣнун тунқуӷнакын. Ынка̄м қилягми аклъюңилгулъықутын, та̄хкын тагилютың малихнакывңа».

От Луки 12:33

Сяӷьяси акиклъюки манилитыки аклъюмалӷӣт. Ынка̄м лъпыси кахпагилъықуси аклъюңихпысиның қилягми. Таўатын пикуфси қилягми ақыфтаӷа̄лгулъықуси на̄вьяҳқа̄нӷилңуӷмың. Таўани аклъюңиси на̄ңьяҳқа̄нӷилңӯт, тыглыгнӣҳтытлъю тугуна̄нӷитӣт, молытлъю на̄фқынъа̄нӷитӣт.

От Луки 16:25

Иўырңа Авраамым пика̄: “Иӷнымни, нықамикан нунами кияхта̄ҳулютын пинилӷӣмың пилгука̄лӷӣтын, Лазарь пилгумалюку сыӷлыӷмың. Иўырңа ма̄тын итагнаӷилъыңума̄қ, лъпык икфиқыҳлъягумалютын.

От Луки 16:9

Уңипа̄тамси, нунамылңуқ аклъюңиси каюсӣтусиқитыху югнун илякумта̄ңлъя̄сӣлюку лъпысинун. Та̄хкын туқукуфси аклъюңиси унилъықаси, ынка̄м упуӷатылъыңылъықуси кынлыңилңуӷнун ныкаҳқанун.

От Луки 18:2

Пикӣ: «Та̄ўаңуқ ныҳлъягми нанқихтиста алиңигалңуқ Кияӷныӷмың, асиста̄ӷақыхкаңилъю югыт.

От Луки 18:22

Иисусым нагасямигу пика̄: «Ата̄сиқ паниның пияҳқақан. Қамахлъюки сяӷьятын акикуӷлюки, акиңи уйыхнакытын аклъюмалӷӣнун, ынка̄м қилягми аклъюңилгулъықутын. Та̄хкын тагилютың малихтиңа».

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 3:17

Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.

К Филиппийцам 3:12

Хўатын пиңунӷитуңа: «Христосытун лъӣӷума̄ңа налиӷмың Христосытун кияҳтақуңа қӯнпың». Иўырңа пинақылъҳақа қамахлъюку атуқңўа̄қа Христосым пиюкылъҳатун лъӣӷналюңа атуқналюкулъю писқысюлъҳа хўаңамнун.

К Филиппийцам 3:14

Ынка̄м таклъяӷрукытун килга̄қуңӯңа кая̄лъқӣсиқналюку акилыҳтӯсяқ, Кияӷныӷым туқлъю̄тка̄нун памавык Христос Иисусыкун.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 2:19

Иўырңа аюгилңуқ тунымақ Кияӷныӷым ныкыхтыка̄ қапшахтыпагниңитуқ. Та̄хун тунымакун игақңа̄т акузитыт: «Атанӷым лӣсимакӣ лъми пини». Хўатынлъю игақңа̄қ: «Кина алңунак туқлъюӷилӷӣ а̄тҳаның Атаныӷым, сыӷлытун пиныӷмың та̄қлъи».

1е Петра 1:4

Ынка̄м утақаңўа̄пут пилӣсяҳқапут қуястылъыҳлъягыт Кияӷныӷым афлъыңакыхкаңи югминун. Афлъыңакңўӣ қилягми лъпысинун ынка̄м аӷуна̄нӷитут, на̄вна̄нӷитут, ӷывна̄нӷитутлъю.